Keyin Batısta jäne Şığısta twratın qazaq diasporalarındağı ağayınnıñ halıqaralıq terminderdi tüpnwsqasına jaqın türde, erkin dıbıstaytının añğardım. “Qazaq tilinde şeteldik, ya orısşa ataular tek orıs orfoepiyasınıñ erejesimen aytıluı kerek” degen resmi ereje joqtığı esime tüsti. Endeşe qazaqşa söylegende “soldat” sözin ne sebepti “sAldat”, “policiya” sözin “pAliciya” dep aytuımız kerek? Qazaqtildi adam üşin bwlay söyleu “Domalaq Ananı” “DAmalaq Ana” dep aytumen birdey emes pe? Keyin bwl ädettiñ qazaq işine äbden siñgenine köp kuä boldım. Astana tübindegi maldı auıldan şıqqan, orısşa jöndi bilmeytin bir şopır jigittiñ Ğalım Dosken ağamızdıñ familiyasın “DAsken” dep aytuın qoyğıza almadım. Pragağa Qazaqstannan keletin qazaqtildi qonaqtarım OBI degen avstriyalıq şaruaşılıq dükenin körgende “Mına “Abi” degen ne mägäzin?” dep swraydı. Latınşa jazılıp twrsa da, “Obi” dep oqi almaydı. Büyte bersek, bir küni “Otan ottan da ıstıq” degen maqaldı “Atan attan da ıstıq” dep aytatın küyge wşırarmız?

Sayasi-ekonomikalıq täueldilikten bölek, til deñgeyindegi täueldiliktiñ de osınday türi boladı eken. Kele-kele mınaday qorıtındı jasadım – qazaq tilinde söyleuşiniñ tım qwrısa lingvistikalıq keñistikte tabiği qalpın tauıp, azat oylauı üşin eñ äueli qarapayım ğana “O-nı aytu erejesin” engizu kerek eken. Dıbıstau jüyesiniñ täuelsizdigi qalıptassa, bälkim söz ben oy täuelsizdigine jol aşar. Ümitsiz – şaytan.

Ğalım BOQAŞtıñ facebook paraqşasınan alındı