Qazaqstanğa 25 jıl işinde 1 millionğa juıq oralman kelgen
kerey.kz
1991 jıldan 2016 jılğı 1 qañtarğa deyingi kezeñde 261 mıñ 104 otbası nemese 957 mıñ 772 etnikalıq qazaq tarihi Otanına qayta oralıp, oralman märtebesin aldı. Bwl elimiz twrğındarınıñ jalpı sanınıñ 5,5% qwraydı, – dep habarlaydı Densaulıq saqtau jäne äleumettik damu ministrliginiñ baspasöz qızmeti.
Qazaqstanğa kelgen oralmandardıñ köpşiligi, yağni, 61,6% – Özbekstannan kelgen, sonday-aq, 14,2% – Qıtaydan, 9,2% – Moñğoliyadan, 6,8% – Türikmenstannan, 4,6% – Reseyden jäne 3,6% – özge elderden oralğan qandastarımız.
Olardıñ 21,2% – Oñtüstik Qazaqstan oblısına, 16,3% – Almatı oblısına, 13% – Mañğıstau oblısına, 9,4% – Jambıl oblısına, 40,1% – elimizdiñ özge öñirlerine qonıstandı.
Elge oralğan qandastarımızdıñ 55,6% – eñbekke qabiletti jasta bolsa, 18 jasqa deyingileri – 39,9%, zeynetkerler – 4,5% qwraydı.
Eñbekke jaramdı oralmandardıñ 8,8%-nıñ joğarğı bilimi bar bolsa, 20,6%-ında orta arnaulı bilim bar, 60,8% – jalpı orta bilimi bar azamattar, al 9,8%-niñ bilimi joq.
Esteriñizge sala keteyik, 24 qaraşada elbası Wlt josparı – bes institucionaldıq reformanı jüzege asıru jönindegi 100 naqtı qadamnıñ köşi qon men halıqtı jwmıspen qamtu salaların äri qaray jetildirudi jüzege asıruğa bağıttalğan «Keybir zañnamalıq aktilerge halıqtıñ köşi-qonı jäne jwmıspen qamtıluı mäseleleri boyınşa özgerister men tolıqtırular engizu turalı» QR Zañına qol qoyğan bolatın.
Zañda etnikalıq qazaqtardı tarihi otanına oraluın ıñtalandıru maqsatında:
- etnikalıq qazaqtarğa qonıstanu öñirine qaramastan oralman märtebesin beru. Olarğa şeteldik azamattarğa qarağanda köşi-qon policiyasına habarlasu arqılı tölem qabiletin rastausız uaqıtşa twru ıqtiyarhatın alu mümkindigi beriledi;
- etnikalıq qazaqtarğa ükimet belgilegen öñirlerge qonıstanğan jağdayda äleumettik paket beru. Sonday-aq, elimizdiñ kez kelgen öñirinen Ükimet ayqındağan ekinşi öñirge qonıstanğan oralmannıñ äleumettik qoldaudı aluğa mümkindigi boladı. Eger olar qonıstanğan öñirden 5 jıl merzimnen bwrın qonıs audarıp ketetin bolsa, alğan kömekterin ükimetke qaytaru mindetteri qarastırılğan.
- oralmandarğa Qazaqstan Respublikasınıñ azamattığın beru merzimin uaqıtşa twru ıqtiyarhatın alğannan keyin 1 jılğa deyin qısqartu közdeledi.
Derekköz: BAQ.KZ
Pikir qaldıru