Endi 17 millionday halqı bar keybir memleketti prezident pen onıñ twtas bir äkimşiligi, äkimşilik jetekşisi men älginiñ sürinip-qabınıp jürgen orınbasarları, prem'er men onıñ alıp ükimeti häm kancelyariyası, vice-prem'erler men ministrler häm olardıñ şwbırğan orınbasarları, ondağan oblıs äkimi men olardıñ jüzdegen orınbasarı häm apparat jetekşisi, jüzdegen qala men audan äkimi jäne olardıñ özderinen birneşe ese köp orınbasarları, mıñdağan kömekşisi, qisabına qiyal jetpeytin departament direktorları, olardıñ şopırsız jüre almaytın orınbasarları, osınşama adam bir-birine siltey qol qoyıp tömenge sırğıtatın halıqtıñ arız-ötinişine kal'ka tilinde tüsiniksiz jauap hat jazumen aynalısatın qarası qalıñ bas mamandar, jäne osınau alıp mahovikti aynaldıruğa özinşe üles qosıp äkimniñ bayandamasın jazıp jürgen keñesşiler men şay tasıp jürgen sansız sekretar'şalar armiyası “basqarıp” otır. Bwl biliktiñ ortalıq tarmağı twrmaq, oblıstıq deñgeydegi basşıları men orınbasarları el işindegi bir mäselemen tanısuğa sau etip kele qalğanda soñındağı nökerleriniñ şañı bir aptağa deyin taramay twradı. Älgi oblıstıq äkim-qara (prezident bılay qalsın) jılına jüzdegen mıñ litr benzin jağıp djipterimen qwyındata qwyğıtıp jürgende qaramağındağı är auıldan bir-bir belsendiniñ bolsın atın jattap ta ülgermey qızmetten ketip jatadı.

Osı bir şabarmandar şapqınşılığına wşırağan elge qarap otırıp, “qanşa degenmen memlekettiñ territoriyası qaladan ülken boladı, basqaruşığa da barıp-kel, şauıp-kelsiz qiın ğoy” dep iştey uäj tapqansimın. Biraq atqaruşı biliktiñ territoriyağa emes, naqtı adamğa qızmet etetini oyımnan şıqpaydı. “Aynalıp kelgende aldarındağı adam sanı 17-aq million ğoy?” deydi işki dauısım. Al endi ol qisındı arı ketse jartı-aq million halqı bar oblıstı basqarıp otırsa da, at üstinde şirengende üzeñgi şıdatpaytın “qayratkerlerge” häm olardıñ nöpir nökerlerine wqtırıp köriñiz.

Ğalım BOQAŞtıñ facebook paraqşasınan alındı