Almatıdağı atıs neni bayqattı.
kerey.kz
Bügin Almatıda oqıs oqiğa orın aldı. Qwqıq qorğau mekemesine basa-köktep kelgen bögde adam kire beriste otırğan kezekşi policeydi jaraqattap, avtomatın tartıp alıp ketkeni habarlandı. Äleumettik jeli arqılı tarağan alğaşqı aqparattan keyin oqiğa ornına şwğıl jetkenimizde Almalı audandıq işki ister böliminiñ qorşauğa alınğanın kördik. Onan keyin Nikol'sk bazarınıñ aldında maşinasına oq tigen kuägermen jolıqtıq. Kuäger jigittiñ aytuınşa oqiğa bolğanına birneşe sağat bolğanımen birde-bir qwqıq qorğau qızmetkeri kelmepti. Oqiğanı közimen körgen sol jerde twrğan satuşılarda birdeñe deuge qorqadı. «Bayqa, erteñ kelip alıp ketedi» degen özara äñgimelerine qarap olardıñ äldekimderden qattı seskenetinin birden añğaruğa boladı.
Oqiğadan keyin üş sağat ötkende barıp resmi aqparattar jariya bola bastadı. Biraq sol mezette, yağni oqiğa ornında jürgen Almatı qalalıq işki ister bölimi baspasöz qızmetiniñ ökilderin közimizi şaldı. Aqparat bermek tügili moyın bwruğa mwrşaları kelmey ketip qaldı. Tek qarulı küş ökilderiniñ bir-birine habarlauınan» wstau operaciyasınıñ» jalğasıp jatqanın tüsindik. Al äleumettik jelini kezgen «Sayranda qırğın bolıp jatır eken», «Birinşi Almatı vokzalına jarılğış zat qoyılıptı» «Sauda üyinde pälen adamdı kepilge alıptı» ispetti jalğan aqparattar onsız da köñiline qorqınış wyalağan Almatı jwrtın odan äri qorqıta tüsti. Almatı jwrtı kimge senerin bilmey dal boldı. Telearanalar men radiolardıñ profilaktikalıq jwmıs küni ekenin eskersek, aqparattı äleumettik jeli nemese sayttar arqılı taratıp halıqtı tınıştandıruğa, saqtıq şarasın jasauğa şaqıruğa bolar edi. Mäselen, sol sätte Azattıq saytınıñ fb-paraqşasında tikeley translaciya jürip jatqan bolatın. Sol arqılı aq, Almatı jwrttşılığın tınıştandıruğa bolar edi. Bwğan qarap qwqıq qorğau salasındağı aqparat qızmetiniñ dwrıs jwmıs itey almaytındığın, oqıs oqiğa orın alğan jağdayda halıqpen baylanıs ornatuğa älsiz ekendigin añğaruğa boladı.
Bir mezette üş jerde orın alğan, birneşe adam zardap şekken oqiğa bwğan deyin Almatıda orın almağanı belgili. Bwğan deyin bolğan Aqkenttegi atıs nemese Qarğaldağı jarılıs basqa bolatın. Ol kezde bizdiñ qwqıq qorğau qızmetkerleri olardı wstauğa barğan edi. Al bwlı jolı olar özderi keldi. Tapa-tal tüste, Almatınıñ ortasında ornalasqan mekemege basıp kirip, qarudı alıp ketip qaldı. Kuägerdiñ aytuınşa, avtomatın iığına asınıp alğan 20-25 jas mölşerindegi azamat öte salqınqandı. Asıqpay, qorıqpaydı.Bazar mañındağılarğa mıltıq kezenip, joldı emin-erkin kesip ötip jür. Sonımen qatar Mwqanov köşesiniñ Abaymen qiılısar twsında da ekinşi jigittiñ qaru kezenip, köşedegi kölikke kezenip jürgenin videodan közimiz şaldı. Aynaldırğan eki jigittiñ alıp megapolis twrğındarın osınşama äurege saluı – bizdiñ qwqıq qorğau salasınıñ äli de jetilmegenin añğaruğa boladı.
Pısı: Tañerteñgi 11:00-de atıs bastaldı. Keşki 17:00 mölşerinde ekinşi şabuılşınıñ wstalğanı turalı beyresmi aqparat taradı.
Pikir qaldıru