Hanğa tağzım
kerey.kz
Ämina Adayhanqızı
O,han yem!
Köregen ham köşeli,
Mañdaydağı baqqa bitken bes eli,
Qazağımnıñ qaharmandıq ruhna,
”Täñir özi jibergen er”- desedi.
Wlt emes ek tarihınan twndır biz,
Jır bolatın mäñgilikke mıñ jılğı iz.
Jalt-jwlt etti tünek jıldar köginen,
Nwrın tögip jarqırağan bir jwldız.
Täuelsizdik uğın künge qadağan,
Aq orda twr arqada äppaq şağalam.
Bas qalanı astananı jaynattı,
Erke esil emirengen jağadan.
Jañalıqqa janı qwştar qosqan ün,
Elu jılda el jañartar josparıñ.
”Eñ alpauıt el bolam”- dep älemde,
Nwrlı jolmen bastadı alğa köş qamın.
Wlt jandılıq wlı küşiñ jan qiyar,
Azamattar aqılıñnan äl jiyar.
Kök bayraqtı kök jüzine qadağan,
Sağan tağzım aldiyar!!!
Ertegiler eli (nemese atam aytqan añız)
Qazınalı qarttarım-ay eñseli,
Armanı tek alqımında tulağan.
Aqıl keni arılmaytın keniş edi,
Oğan kuä bwl tarih, bwl ğalam.
Elemeytin estiliktiñ eşbirin,
Bwlañdağan edim sonda bwla qız.
Atam marqwm aldın alıp keş qwrım,
Aytatwğın arman jaylı bir añız.
Anau taudıñ arjağında deytiğwn,
Jannat meken, böri eldiñ twrağı.
Bir sağınış janıma bermey tınım,
Añsaydı da sol mekendi twradı.
Atırau men Altayımnıñ arası,
Ata-babam janın salıp qorğağan.
Ağayınnan alıstatıp aranı,
Şekarası bölip ketti-au, oñbağan.
-Dep qariya ketetwğın keñsendep,
Tük tüsinbey otıruşı em öz basım.
Armanım joq sonda jetip ölsem dep,
Kirpigimen bögeytwğın köz jasın.
Qasiretin arqalatıp qaşanğı,
Jalğan dünie jaqındadı jat qıldıñ.
Qimay-qimay armanımen atamdı,
Arda Altaydıñ qwşağına tapsırdım.
Baqqa aynalıp bağı qaytqan bar qayğı,
Jettim men de aq mekenge asığa.
Sağınğanda atammenen Altaydı,
Qarap jürmin Alataudıñ basına…
********
Jasırınıp jüregime jatqan mıñ,
Bar sırımdı sağan ğana aqtardım.
Qiyalıma qanat bitip öziñmen,
Qalıqtadım biiginde asqardıñ.
Küyki tirlik köñilimdi jartı etken,
Armanımday aq paraqqa är tökken.
Seni tastap ketemin dep keude wrıp,
Talay ret men özime ant etkem.
Desemdağı tıñdamaysıñ arı jür,
Dalbasa eken ömir degen bäri qwr.
Toytarsamda seniñ qanşa betiñdi,
Sen ketpeysiñ meni tastap bäribir.
Twnıq ediñ möldirindey bwlaqtıñ,
Janarımda janğan jalğız şıraqsıñ.
Bir adaldıq tappay mına jalğannan,
Jan tänimmen seni ğana wnattım.
Sezim selin sen sanadan tasıttıñ,
Şattığımdı bölisuge asıtım.
Jüregime qonaqtağan ğwmırlıq,
Men ömirde sağan ğana ğaşıqpın.
Poyeziya sen meniñ janımsıñ!!!!
Balama
ürlegen men wrı ömir sönebeytin,
Qaraşıqta jalın atqan jaqwtım.
Jwrttıñ bäri tentek deydi dey bersin,
Tek özime bağa jetpes baqıtım.
Elitkende eñ biikke eles oy,
Qos qanatım qiyanğa alıp samğaytın.
Bwzıq deydi jwrttıñ bäri o ,nesi ey?
Tek özime balbırağan balday tım.
Eşqayssı qızığıña tatımas,
Eresekter estimiz dep bösken men.
Şıñğa bitken şınar mülde jasımas,
Şıñ basında tüydek bwlttar köşken men.
Sennen twnıq körmey mülde ğalamnan,
Twman şögip köñilime twr mınau.
Bärin bilip tuğanday aq anamnan,
Mende sağan aqıl aytıp jürmin-au.
Ömiriñniñ oylı -şwñqır sırların,
Üyretemin öreli oymen özimşe.
Qwlqınımnıñ qwlı bolıp twrğanım,
Keşir balam piğılımnan sezilse.
Jüzimiz ben jüregimiz jat tipti,
Aytar bolsaq pendeliktiñ aşığı.
Özderiñnen tazalıq pen päktikti,
Üyrenuge tiis pe edik äsili?
Kökeyimde köktem bolıp bür jarıp,
Özegime örken bolıp orınarsıñ.
Pendeliktiñ wşqan şañı wrlanıp,
Periştedey köñiliñe qonbasın.
kerey.kz
Pikir qaldıru