ەسكە سالايىق، كەشە ەرەجەسىز جەكپە-جەكتەن WSOF بىرىنشىلىگى ءوزىنىڭ 35-ءشى تۋرنيرىندە ونەر كورسەتەتىن سپورتشىلاردىڭ ءتىزىمىن شىعاردى. وكىنىشكە قاراي، ارمان وسپانوۆ پەن ستيۆەن رودريگەز اراسىنداعى جەكپە-جەك بۇل كەشكە كىرگەن جوق. وعان ارمان وسپانوۆتىڭ قانىنان تابىلعان دوپينگ سەبەپ بولىپتى. WSOF باسشىسى رەي سەفونىڭ ايتۋىنشا، وعان ارمان وسپانوۆتىڭ ماروككو ەلىندە وتكەن əسكەري سامبودان əلەم بىرىنشىلىگىنەن كەيىن ءبىزدىڭ سپورتشىنىڭ قانىنان تابىلعان دوپينگ تابىلعانى جانە سپورتشىمىزدىڭ 4 جىلعا سپورتتان شەتتەتىلگەنى جەتىپتى. سول سەبەپتى دە ونى WSOF ۇيىمىنىڭ جەكپە-جەك كەشىنە قاتىستىرماي قويىپتى.
وسى ماسەلەگە بايلانىستى ءبىرىنشى ورتا سالماقتاعى WBO Intercontinental جانە WBA Fedelatin تۇجىرىمدارىنىڭ چەمپيونى قانات يسلام ارمان وسپانوۆقا قولداۋ ءبىلدىرىپ، سپورتشىمىزدى جىگەرلەردى.
“ارمان، سەن قازاقتىڭ باتىرىسىڭ! سەن چەمپيونسىڭ! ونى قانشاما رەت دالەلدەدىڭ. الەمدىك دودالاردا ەل نامىسىن قورعادىڭ، كوك تۋدى جەلبىرەتتىڭ. قازاقتىڭ جۇدىرىعى اۋىر، جىگەرى مىقتى، نامىستى ۇلت ەكەنىن مويىنداتقان جاۋجۇرەك سپورتشىسىڭ. رينگ سىرتىندا دا كۇرەس بار. بۇل ايقاستا دا جاۋىرىنىڭ جەرگە تيمەيتىنىنە سەنەمىن. شىن مىقتىعا ءتۇرلى سىناقتار كەلەدى. بۇل جەردە دە قاسقايىپ تۇرىپ بەرۋ كەرەك. بۇل جەردە دە ەڭسەنى تىك ۇستاۋ كەرەك. مويىماۋ كەرەك. الەمدىك ارەنادا ءالى دە ۇلتتىڭ ابىرويىن اسقاقتاتىپ، تۋىن جەلبىرەتۋ ءۇشىن ساعان بۇل سىناقتى دا جەڭۋ مىندەت. ءوزىڭ ءۇشىن ەمەس، ارتىڭنان ەرىپ كەلە جاتقان، ەلىكتەپ جۇرگەن ىنىلەرىڭ ءۇشىن، ۇلتىڭنىڭ كەلەشەگى ءۇشىن ساعان توقتاماۋ كەرەك. السىزدەر عانا ءار سوزگە الاڭداپ، كىم نە دەپ جاتىر دەپ جالتاقتاپ جۇرەدى. سۇڭقار بيىكتە سامعايدى. سەن باتىرسىڭ. ءوزىڭنىڭ ورنىڭ بار. ونى ەشكىمگە بەرمە! مىقتى ەكەنىڭدى ءالى تالاي دالەلدەيسىڭ. ول كۇن دە الىس ەمەس! مەن ساعان سەنەمىن!”، – دەپ جازبا قالدى قانات يسلام ءوزىنىڭ Instagram پاراقشاسىندا
پىكىر قالدىرۋ