|  |  |  | 

Спорт Сұхбаттар Шоу-бизнис

Арман МОМЫНОВ, ринг-анонсер: ГОЛОВКИННІҢ КЕШІН ЖҮРГІЗГІМ КЕЛЕДІ

– Арман, «Астана арландарының» бокс кешін тұрақты түрде жүргізіп келе жатырсыз. Есіңізде айрықша қалған кездесуді және ерекше көзге іліккен боксшыны айтып өтіңізші…
– Биыл «Астана арландары» жетінші маусымын өткізіп жатса, мен соның алты маусымын тұрақты түрде жүргізіп келе жатырмын. Есте қалған жарқын сәттердің бірі – 2013 жылы Астанада өткен үшінші маусымның финалдық кездесулері. «Астана арландары» «Украина атамандарынан» екі күннің қорытындысы бойынша 4:5 есебімен жеңіліп жатқан сәтте 91 келіден ауыр салмақтағы Руслан Мырсатаев бауырымыздың ерлік көрсетіп, Ростислав Архипенконы (2:1 – 46:48; 48:46; 47:47) жеңіп, кездесуді тай-брейкке жеткізгені көз алдымда. Сонда қосымша 11-ші кездесу ұйымдастырылып, 54 келідегі Бағдат Әлімбеков мол-
дован Александр Рисканды 3:0 (50:45, 49:46, 50:45) нәтижесімен жеңді. Сонда жалпы 6:5 есебімен «Астана арландары» чемпион болған сәт ерекше есте қалды.

– Ең алғаш қашан ринг-анонсер болдыңыз?
– Ең алғаш сол «Астана арландарының» кездесулерін жүргізуден бастадым. Бірінші қадамды ешқашан ұмытпайсың ғой (күліп). Шыны керек, алғаш шығатын сәтте әлемге әйгілі Майкл Баффер, ресейлік Александр Загорский сынды азаматтардың жүргізу мәнерін қарадым және осы шаруа қолымнан келетініне толық сендім. Оның үстіне әзіл-қалжыңға толы КВН сахнасынан бірден спортқа ден қою бастапқыда қиынға соқты. Ал есте қалғаны – сол алғашқы кездесуге дайындық барысы.
– Соңғы екі маусымда «Астана арландары» Қазақстанның әр қаласында бокс кешін өткізіп жүр. Қарағанды, Шымкент, Өскемен, Талдықорған, Атырау қалаларында өтті…
– Бұл бастаманың негізгі мақсаты – боксшыларымызды жергілікті халыққа кеңінен таныту. Менің ойымша, Алматы мен Астананың тұрғындары жартылай кәсіпқой боксқа тойған сияқты. Ал әр аймақтағы ағайындардың алдында шаршы алаңға шығып, осыған дейін тек теледидардан тамашалап келе жатқан жұртшылыққа ләззат сыйлау бір басқа деп есептеймін. Әр қаланың өз ерекшелігі бар және қабылдауы да бөлек. Шымкент, Талдықорған, Атыраудағы бокс кештетарының бәрі керемет.
– Жалпы, өзіңізге ұнайтын спортшы және ол несімен есте қалды?
– Маған осыған дейінгі де, бүгінгі «Астана арландарының» барлық боксшылары ұнайды. Мейірболат Тойытов (56 келі) қарсыластарын соққысымен есеңгіретіп жіберетін сирек боксшылардың санатында. Алдыңғы маусымда жұдырықтасқан Василий Левитті де атап өтер едім. Өзіне жүктелген жұмысты істейді, жоғарғы деңгейдегі бокс көрсетеді және әрдайым күліп жүреді. Сол сияқты Руслан Мырсатаев, команда капитаны болған Самат Бәшеновті айтар едім. Ерекше тоқталып өтетін азамат болса, ол – Мерей Ақшалов. Бір байқағаным, егер Мерей бір қасын жоғары көтеріп жұдырықтасса, онда қарсыласы Ақшаловтың ашуына тиді деген сөз. Сол сәтте қандай жағдай болса да Мерей жеңеді. Атап өтетін спортшылар көп.
– Қазақстанда сіз білетін, мойындайтын басқа ринг-анонсерлерден кімдерді атар едіңіз?
– Жалпы, мен білетін ринг-анонсер – халқымызға белгілі азамат, танымал актер Болат аға Әбділман. «Алаш-Прайдтағы» жігіттердің кездесуін, басқа да шараларды өте жақсы жүргізеді. Ал басқа да анонсер азаматтарды көріп жүрмін, бірақ, өкінішке қарай, есімдерін білмейді екенмін.
– Байқайсыз ба, сіз «дарқан даламыздың» деп басталатын сөзді жиі қолданасыз. Бұл ерекшелік пе, әлде әдет пе?
– Менің ойымша, кез келген ринг-анонсердің өзіндік ерекшелігі болу керек. Мәселен, әлемге әйгілі Майкл Бафферді танымал еткен өзіне ғана тиесілі Let’s get ready to rumble сөзі. Майклдың інісі, UFC-ді жүргізетін ринг-анонсер Брюс Баффердің ерекшелігі – It’s show time деуінде. Неге өзімізде осындай ерекшелік қалыптастырмасқа? Ағылшын тілінде емес, қазақ тілінде «дарқан даламыздың батырын» шақырып жатсақ, өз болмысымызды да осы сөзге лайықтасақ жақсы ғой. Даламыздың кеңдігін, соған сайын көңіліміздің дарқандығын, ұлымыздың батырлығын, қызымыздың қайсарлығын көрсетіп жатқаннан кейін бұл сөз айтылады. Бұл – менің ерекшелігім.
– Кәсіпқой боксшы Қанат Исламның Алматыда өткен кездесуін шетелдік әріптестеріңізбен бірге жүргіздіңіз. Оларға не үйреттіңіз, сіз не үйрендіңіз?
– Әрине, бұл кеш мен үшін үлкен тәжірибе болды. Өйткені оны әлем тамашалады. Қазақ елінде үлкен кешті жүргізе алатын ринг-анонсердің бар екендігін көрсету менің мойныма артылған үлкен жүк болды. Бастапқыда мен шетелден келген ринг-анонсерлердің жанында тек аудармашы қызметінде және қосымша жүргізуші болуым керек еді. Бокс кешінен бір күн бұрын салмақ өлшеу сәтінде өзімді бар қырымнан көрсеттім деп ойлаймын. Кешкісін Майк Маркен мен Александр мырзалар келіп: «Арман, сен негізгі ринг-анонсер бол, біз тек өз эфиріміз үшін ағылшын тілінде жүргіземіз», – деп форматты 180 градусқа өзгертті. Негізгі жолды маған ұсынды, бірақ біз қонақжай қазақпыз ғой. Шетелдік әріптестеріммен келісіп, хабарлап тұруды өз мойныма алдым, төрешілер шешімін айтуды соларға тапсырдым.
– Армансыз адам болмайды. Ринг-анонсер ретінде жүргізгіңіз келетін бокс кеші…
– Ринг-анонсер ретіндегі арманым: бүгінде халқымыздың аузынан түспей жүрген батырымыз Геннадий Головкиннің Қазақстанда болатын кешін Қанат Ислам бауырымыздың кеші сияқты үлкен ықыласпен жүргізгім келеді. Головкиннің кешіне Майкл Баффердің өзі келетін шығар, соның қасында өз өнерімді көрсетсем деймін.
– Өзіңіздің жеке фитнес-орталығыңыз бар. Ашуға не түрткі болды және оған өзіңіз жиі барып тұрасыз ба?
– Иә, өзімнің жеке кәсібім бар. Фитнес саласындағы бизнес. Бұған түрткі болған жағдай: эфирде жүргеннен кейін, теледидарға шыққаннан кейін, халықтың көз алдында, ортасында жүргеннен кейін адамның денесі жинақы болуы қажет. Жалпы, өзімнің фитнес саласына келгеніме төрт жылдан асты. Соңғы екі жылда жаттығуларды үзген жоқпын. Бос уақытымды спорт және фитнес залдарында өткіземін. Аптасына аз дегенде үш-төрт рет бас сұғып тұрамын. Жақында ғана «неге өзім фитнес залын ашпаймын?» деген ой келді. Аллаға шүкір, қазір жұмысы жақсы. Өзім аптасына үш рет барып, «сайкл» деген велобағдарламадан сабақ беремін. Өзімнің клубымда бапкер есебінде жұмыс істесем, басқа клубқа өзім үшін жаттығу жасауға барамын.
– Сұхбатыңызға рақмет.

Әңгімелескен Серік ҚАНТАЙ                                                                                                                                                                                      zhasalash.kz

Related Articles

  • Тұңғыш рет қазақ күресінен ақиық ақын Төлеген Айбергеновты еске алуға арналған республикалық ашық турнир Маңғыстаудан бастау алды

    Маңғыстау облысы Мұнайлы ауданы, Дәулет ауылында қазақ күресінен 2004-2005 жылдары туған жасөспірімдер арасында ақиық ақын Төлеген Айбергеновты еске алуға арналған республикалық ашық турнир өтті. Тұңғыш рет ұйымдастырылып отырған турнирге Оңтүстік-Қазақстан облысы, Атырау, Ақтөбе, Қызылорда, Маңғыстау өңірі және Астана қаласынан 6 команда қатысып, барлығы 9 салмақ дәрежесі бойынша 220 спортшы чемпиондық атаққа таласты. Айта кету керек, Сыр өңірі құрамасы төрт командадан құралған, олар Қызылорда қаласы, Арал, Жаңақорған және Тасбөгет ауылы. Ашық турнир «Байтақ мекенім» қоғамдық қоры және Мұнайлы ауданы «Дәулет ауылы балалар және жасөспірімдер спорт мектебі» мемлекеттік мекемесінің ұйымдастыруымен өтті. Барлығы 36 медаль сарапқа салынды, оның 9 алтын, 9 күміс және 18 қола. Сондай-ақ, жеңіс тұғырынан көрінген әрбір спортшыға жеке Кубоктан

  • Бердібек Сапарбаев: Қызметтен кетсем, жастарға сабақ беремін

    “Ауылдағы жастар жалқау боп кетті”, ал “шетел көрген жастар тек әкім болғысы келеді” дейді…     Ақтөбе облысының әкімі Бердібек Сапарбаев зейнеткерлікке шыққанда  жастарға сабақ берсем дейді.  Алпыс бес жастағы Б.Сапарбаевты «ауылдағы жастардың жалқау боп кеткені», ал «шетел көрген жастардың тек әкім болғысы келетіні» қынжылтады екен.  – Бердібек Мәшбекұлы, сіз облыс әкімі, министр, премьер-министрдің орынбасары сияқты қызметтерді атқардыңыз. Бір кездері ақпарат құралдары сізді «спецназ Сапарбаев» деп бағалаған еді. Бұл сіздің үнемі қиын салаларға, түйіні көп аймақтарға басшылыққа баратыныңызды айтса керек. Дегенмен де сіздің жұмыс істеу принципіңіз қандай? Ашық әңгімемізді осыдан бастасақ. – Жұмыс істеу тәсілім өте қарапайым, халықпен жақын араласып, барлық мәселені өз көзіммен көріп, жұрттың арызын өз құлағыммен естіп, мәселені тез

  • Галеотти: “Долы риториканың күні өтті”

    Ғалым БОҚАШ Ресей президенті Владимир Путин Ресей мен Батыстың қарым-қатынасын зерттеп жүрген белгілі ұлыбританиялық саясаттанушы, Кремль саясаты бойынша сарапшы Марк Галеоттимен сұхбат. Марк Галеотти – Прага Халықаралық қатынастар институтында аға зерттеуші, Еуропа қауіпсіздігі орталығының жетекшісі. Азаттық: - Бұрынғы әскери тыңшыны Англияда улау дауына қатысты Ұлыбританияның Ресейге қарсы дипломатиялық шектеу әрекетін АҚШ белсене қолдап шықты. Орталық және Шығыс Еуропадағы кейбір еуроскептик ел басшылары да бірнеше ресейлік дипломатты кері қайтарды. Бұл нені білдіреді? Бұл жолы не өзгерді? Марк Галеотти: - Бұл – жағдайды біржола өзгертетін сәтке айналып тұр. Ресейге болсын, я басқа елге болсын мұндай ауқымды әскери емес қысым жасалғанын ешқашан көрмеппіз. Оның себебі бұрынғы тыңшы Сергей Скрипальді өлтіруге тырысу әрекетінде ғана жатқан жоқ. Шыдамның шегін

  • ЗАҢСЫЗ АЛЫНҒАН ҒЫЛЫМИ АТАҚ-ДӘРЕЖЕЛЕРДІ ҚАЙТАРЫП АЛУ КЕРЕК – ТЫНЫСБЕК КӘЛМЕНОВ

    Сіз Қазақстандағы ғылыми зерттеумен айналысатын белді институттың басшысысыз. Әңгімемізді институттың тұрмыс-тіршілігінен бастасақ… Математика және математикалық модельдеу институты – бүкіл Қазақстандағы математиктерді біріктіретін бірден-бір ғылыми орта. Барлық филиалдарды есептегенде штатта 195 адам жұмыс істейді. Оның 150 шақтысы Алматыда, қалғаны Шымкент, Қарағанды, Түркістан, Тараз, Астана қалаларында. Біз бүкіл математиктердің ұжымы сияқтымыз. Олардың ғылымын тыңдап, әлемде қандай ғылыми жаңалықтар ашылып, қандай мәселелер шешіліп жатқанын – барлығын институтта айтып отырамыз. Кез келген ғылымға бүкіл жер жүзінде не болып жатқанын біліп отыратын, бәрінің бағдарламасын қарап, бекітіп отыратын ұжым керек. Біздің институт – сондай ұжым. Математика – жастардың ғылымы. Өйткені гуманитарлық ғылымдарда жалпылама анализ жасау болса, математика тереңге баратын ғылым. Тереңде жатқан нәрсені жіңішке қылып қазу керек. Жалпы

  • ВЕНГРИЯ – ҚАЗАҚСТАН 2:3

    Ғалым БОҚАШ Будапеште Қазақстан ұлттық құрамасының ең жақсы ойындарының бірін көрдік. Еркебұлан (Сейдахмет) мен Бақтиор команданың бойына он шақты жыл бойы көрінбей кеткен батылдық пен шеберлік бітірді. Болашағы зор жас футболшылар. Стоилов “Астананы” жаттықтырып жүріп, жергілікті ойыншыларды әбден зерттегенін, өздеріне шақ техникасы мен қуатын сарқа жұмсатуды үйренгенін көрсетті. Қазақстандықтар допты ұзақ ұстауды, дәл әрі алысқа пас беруді меңгеріпті. Ненад тәжірибесін танытты. Роман жеңіс үшін көп еңбек сіңірді. Бауыржан нағыз диспетчер ретінде көрінді. Дмитрий мен Евгений бірнеше мәрте жоқ жерден доптан айырылып жатты. Соңғы жиырма шақты жыл ішінде Еуропада ортадан төмен құрамаға айналған венгриялықтар көп қателесті, өте сапасыз, сылбыр ойнады. “Групама Аренаға” жиналған аз санды жергілікті жанкүйерлер ызаға булығып, ысқырып жатты.

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: