|  |  |  | 

سپورت سۇحباتتار شوۋ-بيزنيس

ارمان مومىنوۆ، رينگ-انونسەر: گولوۆكيننىڭ كەشىن جۇرگىزگىم كەلەدى

– ارمان، «استانا ارلاندارىنىڭ» بوكس كەشىن تۇراقتى تۇردە جۇرگىزىپ كەلە جاتىرسىز. ەسىڭىزدە ايرىقشا قالعان كەزدەسۋدى جانە ەرەكشە كوزگە ىلىككەن بوكسشىنى ايتىپ ءوتىڭىزشى…
– بيىل «استانا ارلاندارى» جەتىنشى ماۋسىمىن وتكىزىپ جاتسا، مەن سونىڭ التى ماۋسىمىن تۇراقتى تۇردە جۇرگىزىپ كەلە جاتىرمىن. ەستە قالعان جارقىن ساتتەردىڭ ءبىرى – 2013 جىلى استانادا وتكەن ءۇشىنشى ماۋسىمنىڭ فينالدىق كەزدەسۋلەرى. «استانا ارلاندارى» «ۋكراينا اتاماندارىنان» ەكى كۇننىڭ قورىتىندىسى بويىنشا 4:5 ەسەبىمەن جەڭىلىپ جاتقان ساتتە 91 كەلىدەن اۋىر سالماقتاعى رۋسلان مىرساتاەۆ باۋىرىمىزدىڭ ەرلىك كورسەتىپ، روستيسلاۆ ارحيپەنكونى (2:1 – 46:48; 48:46; 47:47) جەڭىپ، كەزدەسۋدى تاي-برەيككە جەتكىزگەنى كوز الدىمدا. سوندا قوسىمشا 11-ءشى كەزدەسۋ ۇيىمداستىرىلىپ، 54 كەلىدەگى باعدات الىمبەكوۆ مول-
دوۆان الەكساندر ريسكاندى 3:0 (50:45, 49:46, 50:45) ناتيجەسىمەن جەڭدى. سوندا جالپى 6:5 ەسەبىمەن «استانا ارلاندارى» چەمپيون بولعان ءسات ەرەكشە ەستە قالدى.

– ەڭ العاش قاشان رينگ-انونسەر بولدىڭىز؟
– ەڭ العاش سول «استانا ارلاندارىنىڭ» كەزدەسۋلەرىن جۇرگىزۋدەن باستادىم. ءبىرىنشى قادامدى ەشقاشان ۇمىتپايسىڭ عوي (كۇلىپ). شىنى كەرەك، العاش شىعاتىن ساتتە الەمگە ايگىلى مايكل باففەر، رەسەيلىك الەكساندر زاگورسكي سىندى ازاماتتاردىڭ جۇرگىزۋ مانەرىن قارادىم جانە وسى شارۋا قولىمنان كەلەتىنىنە تولىق سەندىم. ونىڭ ۇستىنە ءازىل-قالجىڭعا تولى كۆن ساحناسىنان بىردەن سپورتقا دەن قويۋ باستاپقىدا قيىنعا سوقتى. ال ەستە قالعانى – سول العاشقى كەزدەسۋگە دايىندىق بارىسى.
– سوڭعى ەكى ماۋسىمدا «استانا ارلاندارى» قازاقستاننىڭ ءار قالاسىندا بوكس كەشىن وتكىزىپ ءجۇر. قاراعاندى، شىمكەنت، وسكەمەن، تالدىقورعان، اتىراۋ قالالارىندا ءوتتى…
– بۇل باستامانىڭ نەگىزگى ماقساتى – بوكسشىلارىمىزدى جەرگىلىكتى حالىققا كەڭىنەن تانىتۋ. مەنىڭ ويىمشا، الماتى مەن استانانىڭ تۇرعىندارى جارتىلاي كاسىپقوي بوكسقا تويعان سياقتى. ال ءار ايماقتاعى اعايىنداردىڭ الدىندا شارشى الاڭعا شىعىپ، وسىعان دەيىن تەك تەلەديداردان تاماشالاپ كەلە جاتقان جۇرتشىلىققا ءلاززات سىيلاۋ ءبىر باسقا دەپ ەسەپتەيمىن. ءار قالانىڭ ءوز ەرەكشەلىگى بار جانە قابىلداۋى دا بولەك. شىمكەنت، تالدىقورعان، اتىراۋداعى بوكس كەشتەتارىنىڭ ءبارى كەرەمەت.
– جالپى، وزىڭىزگە ۇنايتىن سپورتشى جانە ول نەسىمەن ەستە قالدى؟
– ماعان وسىعان دەيىنگى دە، بۇگىنگى «استانا ارلاندارىنىڭ» بارلىق بوكسشىلارى ۇنايدى. مەيىربولات تويىتوۆ (56 كەلى) قارسىلاستارىن سوققىسىمەن ەسەڭگىرەتىپ جىبەرەتىن سيرەك بوكسشىلاردىڭ ساناتىندا. الدىڭعى ماۋسىمدا جۇدىرىقتاسقان ۆاسيلي لەۆيتتى دە اتاپ وتەر ەدىم. وزىنە جۇكتەلگەن جۇمىستى ىستەيدى، جوعارعى دەڭگەيدەگى بوكس كورسەتەدى جانە ءاردايىم كۇلىپ جۇرەدى. سول سياقتى رۋسلان مىرساتاەۆ، كوماندا كاپيتانى بولعان سامات باشەنوۆتى ايتار ەدىم. ەرەكشە توقتالىپ وتەتىن ازامات بولسا، ول – مەرەي اقشالوۆ. ءبىر بايقاعانىم، ەگەر مەرەي ءبىر قاسىن جوعارى كوتەرىپ جۇدىرىقتاسسا، وندا قارسىلاسى اقشالوۆتىڭ اشۋىنا ءتيدى دەگەن ءسوز. سول ساتتە قانداي جاعداي بولسا دا مەرەي جەڭەدى. اتاپ وتەتىن سپورتشىلار كوپ.
– قازاقستاندا ءسىز بىلەتىن، مويىندايتىن باسقا رينگ-انونسەرلەردەن كىمدەردى اتار ەدىڭىز؟
– جالپى، مەن بىلەتىن رينگ-انونسەر – حالقىمىزعا بەلگىلى ازامات، تانىمال اكتەر بولات اعا ءابدىلمان. «الاش-پرايدتاعى» جىگىتتەردىڭ كەزدەسۋىن، باسقا دا شارالاردى وتە جاقسى جۇرگىزەدى. ال باسقا دا انونسەر ازاماتتاردى كورىپ ءجۇرمىن، بىراق، وكىنىشكە قاراي، ەسىمدەرىن بىلمەيدى ەكەنمىن.
– بايقايسىز با، ءسىز «دارقان دالامىزدىڭ» دەپ باستالاتىن ءسوزدى ءجيى قولداناسىز. بۇل ەرەكشەلىك پە، الدە ادەت پە؟
– مەنىڭ ويىمشا، كەز كەلگەن رينگ-انونسەردىڭ وزىندىك ەرەكشەلىگى بولۋ كەرەك. ماسەلەن، الەمگە ايگىلى مايكل باففەردى تانىمال ەتكەن وزىنە عانا تيەسىلى Let’s get ready to rumble ءسوزى. مايكلدىڭ ءىنىسى، UFC-ءدى جۇرگىزەتىن رينگ-انونسەر بريۋس باففەردىڭ ەرەكشەلىگى – It’s show time دەۋىندە. نەگە وزىمىزدە وسىنداي ەرەكشەلىك قالىپتاستىرماسقا؟ اعىلشىن تىلىندە ەمەس، قازاق تىلىندە «دارقان دالامىزدىڭ باتىرىن» شاقىرىپ جاتساق، ءوز بولمىسىمىزدى دا وسى سوزگە لايىقتاساق جاقسى عوي. دالامىزدىڭ كەڭدىگىن، سوعان سايىن كوڭىلىمىزدىڭ دارقاندىعىن، ۇلىمىزدىڭ باتىرلىعىن، قىزىمىزدىڭ قايسارلىعىن كورسەتىپ جاتقاننان كەيىن بۇل ءسوز ايتىلادى. بۇل – مەنىڭ ەرەكشەلىگىم.
– كاسىپقوي بوكسشى قانات يسلامنىڭ الماتىدا وتكەن كەزدەسۋىن شەتەلدىك ارىپتەستەرىڭىزبەن بىرگە جۇرگىزدىڭىز. ولارعا نە ۇيرەتتىڭىز، ءسىز نە ۇيرەندىڭىز؟
– ارينە، بۇل كەش مەن ءۇشىن ۇلكەن تاجىريبە بولدى. ويتكەنى ونى الەم تاماشالادى. قازاق ەلىندە ۇلكەن كەشتى جۇرگىزە الاتىن رينگ-انونسەردىڭ بار ەكەندىگىن كورسەتۋ مەنىڭ موينىما ارتىلعان ۇلكەن جۇك بولدى. باستاپقىدا مەن شەتەلدەن كەلگەن رينگ-انونسەرلەردىڭ جانىندا تەك اۋدارماشى قىزمەتىندە جانە قوسىمشا جۇرگىزۋشى بولۋىم كەرەك ەدى. بوكس كەشىنەن ءبىر كۇن بۇرىن سالماق ولشەۋ ساتىندە ءوزىمدى بار قىرىمنان كورسەتتىم دەپ ويلايمىن. كەشكىسىن مايك ماركەن مەن الەكساندر مىرزالار كەلىپ: «ارمان، سەن نەگىزگى رينگ-انونسەر بول، ءبىز تەك ءوز ەفيرىمىز ءۇشىن اعىلشىن تىلىندە جۇرگىزەمىز»، – دەپ فورماتتى 180 گرادۋسقا وزگەرتتى. نەگىزگى جولدى ماعان ۇسىندى، بىراق ءبىز قوناقجاي قازاقپىز عوي. شەتەلدىك ارىپتەستەرىممەن كەلىسىپ، حابارلاپ تۇرۋدى ءوز موينىما الدىم، تورەشىلەر شەشىمىن ايتۋدى سولارعا تاپسىردىم.
– ارمانسىز ادام بولمايدى. رينگ-انونسەر رەتىندە جۇرگىزگىڭىز كەلەتىن بوكس كەشى…
– رينگ-انونسەر رەتىندەگى ارمانىم: بۇگىندە حالقىمىزدىڭ اۋزىنان تۇسپەي جۇرگەن باتىرىمىز گەننادي گولوۆكيننىڭ قازاقستاندا بولاتىن كەشىن قانات يسلام باۋىرىمىزدىڭ كەشى سياقتى ۇلكەن ىقىلاسپەن جۇرگىزگىم كەلەدى. گولوۆكيننىڭ كەشىنە مايكل باففەردىڭ ءوزى كەلەتىن شىعار، سونىڭ قاسىندا ءوز ونەرىمدى كورسەتسەم دەيمىن.
– ءوزىڭىزدىڭ جەكە فيتنەس-ورتالىعىڭىز بار. اشۋعا نە تۇرتكى بولدى جانە وعان ءوزىڭىز ءجيى بارىپ تۇراسىز با؟
– ءيا، ءوزىمنىڭ جەكە كاسىبىم بار. فيتنەس سالاسىنداعى بيزنەس. بۇعان تۇرتكى بولعان جاعداي: ەفيردە جۇرگەننەن كەيىن، تەلەديدارعا شىققاننان كەيىن، حالىقتىڭ كوز الدىندا، ورتاسىندا جۇرگەننەن كەيىن ادامنىڭ دەنەسى جيناقى بولۋى قاجەت. جالپى، ءوزىمنىڭ فيتنەس سالاسىنا كەلگەنىمە ءتورت جىلدان استى. سوڭعى ەكى جىلدا جاتتىعۋلاردى ۇزگەن جوقپىن. بوس ۋاقىتىمدى سپورت جانە فيتنەس زالدارىندا وتكىزەمىن. اپتاسىنا از دەگەندە ءۇش-ءتورت رەت باس سۇعىپ تۇرامىن. جاقىندا عانا «نەگە ءوزىم فيتنەس زالىن اشپايمىن؟» دەگەن وي كەلدى. اللاعا شۇكىر، قازىر جۇمىسى جاقسى. ءوزىم اپتاسىنا ءۇش رەت بارىپ، «سايكل» دەگەن ۆەلوباعدارلامادان ساباق بەرەمىن. ءوزىمنىڭ كلۋبىمدا باپكەر ەسەبىندە جۇمىس ىستەسەم، باسقا كلۋبقا ءوزىم ءۇشىن جاتتىعۋ جاساۋعا بارامىن.
– سۇحباتىڭىزعا راقمەت.

اڭگىمەلەسكەن سەرىك قانتاي                                                                                                                                                                                      zhasalash.kz

Related Articles

  • ادۆوكات قۇسپان حالىقارالىق قولداۋدى ماقتادى

    قاسىم امانجول ادۆوكات ابزال قۇسپان (الدىڭعى قاتاردا سول جاقتان ءبىرىنشى) سايراگۇل ساۋىتبايدىڭ سوتىندا وتىر. جاركەنت، 13 شىلدە 2018 جىل ازاتتىقتىڭ تىكەلەي ترانسلياتسياسىندا كورەرمەندەر سۇراقتارىنا جاۋاپ بەرگەن ادۆوكات ابزال قۇسپان قازاقستاننان پانا ىزدەۋشى قىتاي قازاعى سايراگۇل ساۋىتبايدىڭ تامىزدىڭ 1-ىندە سوت زالىنان بوساتىلۋىنا اسەر ەتكەن فاكتورلاردى سيپاتتادى. پانفيلوۆ اۋداندىق سوتى ساۋىتبايدى قازاقستان-قىتاي شەكاراسىن زاڭسىز كەسىپ وتكەنى ءۇشىن التى ايعا شارتتى تۇردە سوتتاپ، شەتكە شىعارۋدان باس تارتقان. ازاتتىق: زاڭدىق تۇرعىدا سايراگۇل ساۋىتبايدىڭ ءىسى شەشىلدى مە؟ شەشىمىن تاپتى دەپ ايتا الامىز با؟ ابزال قۇسپان: تولىق شەشىلدى دەپ ايتا المايمىز. نازار اۋدارعان بولساڭىزدار، سوت ادەتتە قاراردى عانا وقىپ، تولىعىن كەيىن بەرەتىن ەدى. كەشە سۋديا باسىنان اياعىنا دەيىن سوت ۇكىمىن وقىپ شىقتى. سوت ۇكىمىندە ايتىلعان فاكتىنىڭ ءبارى –

  • حورۆاتيا – انگليا 1:1 (قوسىمشا تايمدا 2:1)

    العاشقى تايمنىڭ بەسىنشى مينۋتىندا-اق انگليا حورۆاتيانىڭ ايىپ الاڭى سىرتىنان دوپ سوقتى. جاس جارتىلاي قورعاۋشى تريپپەردىڭ ۇلتتىق قۇراماسى ءۇشىن سوققان العاشقى گولى. ايىپ دوبىن شەبەر ورىنداپ، وڭ جاق توعىزدىقتى الا توپ ەتكىزدى. ەرتە گولدان سوڭ انگليا الدىڭعى شەپتە ارقاسىن بوساتىپ، وتكىر كونترشابۋىلدارعا كوشتى. جان سالىپ، تەر سورعالاتىپ جۇگىرۋدى ازايتتى. كەين مەن لينگارد بىرنەشە وڭتايلى ساتتە قاپى قالدى. ستەرلينگ سول باياعىشا دالاڭداپ بوس شاپتى. ماگۋاير مەن يانگ تاس قامال بولىپ تۇردى، پيكفورد وتە سەنىمدى وينادى. شارشاڭقى حورۆاتيا قاتتى پرەسسينگكە جارامادى، دورەكىلەۋ وينادى، ءجيى ەرەجە بۇزدى. ادەتتەگىدەي مودريچ، راكيتيچ پەن پەريشيچ شەبەر ويناپ، ەرەكشە كوزگە ءتۇستى. ءبىرىنشى تايمدا كوڭىلىمدە ءۇش سۇراق تۋدى: 1. نەگە توتتەنحەمدىك كەين-اللي دۋەتى ءاچ-تە مۇلدەم كورىنبەيدى؟ 2. نەگە ستەرلينگتىڭ

  • انگليا جانكۇيەرىنىڭ كۇيىنىشكە تولى كۇندەلىگى

    Galym Bokash 22.06.1986 ءاچ 1/8 فينال انگليا – ارگەنتينا 1:2 (مارادونا قولمەن گول سوعىپ، ارامدىق قىلدى. ۇيالماي “قۇدايدىڭ قولى” دەدى عوي. ۇشتوبەدەگى ناعاشى اپكەمنىڭ ۇيىندە وتىرىپ، فانات جەزدەم ەكەۋمىز “كۇيىپ كەتتىك” ) لينەكەر باستاعان ەڭ كۇشتى قۇرامداردىڭ ءبىرى چەمپيون بولۋعا لايىق ەدى. 1988 جىلدىڭ جازى. كيروۆكاداعى “ورلەنوك” پيونەر لاگەرىندە سرەدني وتريادتىڭ “جىگىتتەرى” انگليانىڭ ەچ توپتىق كەزەڭىندە ءۇش رەت ۇتىلعانىن كورىپ تاعى “كۇيدىك”. 04.07.1990 ءاچ انگليا جارتىلاي فينالعا شىقتى. انگليا-گەرمانيا 1:1 (پەنالتيدەن 3:4) الماتىدا نارحوزدا وقيتىن ستۋدەنت اعاما قوناققا كەپ جاتىپ كورىپ وتىرعامىز، قارعانىپ-سىلەنىپ قالدىق. قولا جۇلدە يتالياعا بۇيىردى. 1992 جىلدىڭ جازى. ەچ توپتىق كەزەڭى. انگليا ەلدىڭ بارىمەن تەڭ ويناپ توپتان شىعا الماي قالدى. ۇرجارداعى بولەمە قوناققا كەپ جاتىپ كورىپ ەدىم.

  • ۋرۋگۆاي – پورتۋگاليا 2:1

    ءتورت جىل بۇرىن برازيليادا وتكەن ءاچ-ءتىڭ 1/8 فينالىندا كولۋمبيادان جەڭىلگەن ۋرۋگۆاي رەسەيدەگى چەمپيوناتقا ابدەن شىنىعىپ كەلدى. نەگىزگى قۇرامى دا كوپ وزگەرگەن جوق. قاقپاشىلار مۋسلەرا مەن سيلۆا (قوسالقى), قورعاۋشىلار گودين، كاسەرەس، حيمەنەس، پەرەيرا مەن كواتەس (قوسالقى), جارتىلاي قورعاۋشى رودريگەس، شابۋىلشىلار سۋارەس، كاۆاني مەن ستۋاني. بۇلاردىڭ ءبارى ءتورت جىل بۇرىن ارداگەر فورلانمەن بىرگە ويناعاندار. اسىرەسە، گودين، سۋارەس پەن كاۆانيدىڭ فينالعا ۇمتىلاتىندەر شاعى. ءتورت جىلدان كەيىن بۇلار كەزىندەگى فورلان قۇساپ نەگىزگى قۇراماعا ىلىنەدى دەپ ويلامايمىن. سول سەبەپتى وسى شارىقتاپ تۇرعان كەزىن پايدالانىپ قالسا يگى ەدى. كاۆاني الەمدەگى مىقتى فۋتبولشىلاردىڭ ءبىرى ەكەنىن دالەلدەپ ەكى تاماشا گول سوقتى. ەكەۋى دە كۇردەلى گول. ءبىرىنشىسىن باسپەن سوقتى: قاقپا تۇبىنە وتە قاتتى جانە بيىك اۋەلەپ كەلگەن سۋارەستىڭ پاسىن

  • گەرمانيا – شۆەتسيا 2:1

    توني كرووس ماتچتىڭ سوڭعى سەكۋندتارىندا الەم چەمپيوناتتارىنىڭ تاريحىنداعى ەڭ ماڭىزدى ءارى تەحنيكالىق جاعىنان شەبەر ءھام ءمىنسىز گولداردىڭ ءبىرىن سوعىپ، قۇراماسىنىڭ 1/8 فينالعا شىعۋ ءۇمىتىن ساقتاپ قالدى. بۇگىن قانشا جەردەن ناعىز كوماندالىق ويىن كورسەتىپ جانۇشىرسا دا، گەرمانيا ءتورت جىل بۇرىنعى قۇراماعا ۇقسامايدى. البەتتە، قارسىلاسى دا شىمىر. ىرىكتەۋ كەزەڭىندەگى جەكپە-جەكتە يتاليانى ۇشىرىپ جىبەرگەن شۆەتسيا. بۇكىل 23 فۋتبولشىسى ەلدەن تىس، شەتەلدىك چەمپيوناتتاردا وينايتىن جالعىز كوماندا. گەرمانيانىڭ ويىن سوڭىنا قاراي ءبىر فۋتبولشىسى الاڭنان قۋىلسا دا، ۇستەم تۇسكەنى ءادىل ناتيجە بولدى. جەرەبە رەتىن ەسكەرمەسە، وسى جولعى چەمپيوناتتىڭ جارتىلاي فينالىنا شىعۋعا لايىق ءتورت كوماندا مەكسيكا، حورۆاتيا، يسپانيا مەن بەلگيا دەپ ويلايمىن. ودان كەيىنگى تورتتىك – انگليا، فرانتسيا، برازيليا مەن گەرمانيا. رونالدۋ – مەگا جۇلدىز. بىراق بۇل

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: