|  | 

Жаһан жаңалықтары

Өзбекстанда Каримовтың саясатын алғаш рет сынады

Өзбекстанның бұрынғы президенті Ислам Каримов.

Өзбекстанның бұрынғы президенті Ислам Каримов.

Өзбекстан телевидениесінде алғаш рет елдің тұңғыш президенті марқұм Ислам Каримовтың жүргізген саясаты сынға ілікті.

Өзбекстанда мемлекеттік ақпарат құралы елдің тұңғыш президенті Ислам Каримовтың жүргізген саясатын сынға алды деп хабарлайды Азаттықтың Өзбек қызметі (Озодлик радиосы). Хабарда Каримовтың тұсындағы “[аймақта] лидер атану үшін үнемі көршілермен бәсеке жарыстырып, үстемдігін дәлелдеуге” тырысудың кесірінен шиеленіскен проблемаларды қазіргі таңда президент Шавкат Мирзияевке шешуге туралы келгені айтылды.

Аталған хабар жақында ғана, елдің қазіргі президент Шавкат Мирзияевтің туған күні – 24 шілдеде жұмысын бастаған, тәулік бойы ақпараттық-сараптамалық хабар тарататын “Өзбекстан 24″ телеарнасының “Таҳлилнома” бағдарламасының алғашқы санында көрсетілген.

Шілденің 30-ы күні эфирден берілген телеабағдарламада Ислам Каримовтың аты-жөні аталмағанымен, оның тұсында жүргізілген саясат “кесек астында қалды” деп хабарлайды Озодлик.

Өзбекстан президенті Ислам Каримов Шанхай ынтымақтастығы ұйымы саммитінде сөйлеп тұр. Ташкент, 24 маусым 2016 жыл.

Өзбекстан президенті Ислам Каримов Шанхай ынтымақтастығы ұйымы саммитінде сөйлеп тұр. Ташкент, 24 маусым 2016 жыл.

Өзбекстанды ширек ғасыр уақыт үздіксіз басқарған тұңғыш президент Ислам Каримовтың тұсында және былтыр ол дүниеден өткеннен кейінгі уақытта Каримов билігі кезінде жүргізілген саясат үкімет бақылауындағы ақпарат құралдарында ешқашан бұлайша ашық сыналмаған.

“Таҳлилнома” бағдарламасында қоғамның барлық саласы – экономикадан бастап әлеуметтік, рухани және ауыл шаруашылығы салаларындағы жағдайға талдау жасалған. Хабарда сөйлегендер Ислам Каримовтың билігі тұсындағы жіберілген қателіктерді сынға алған. Олардың айтуынша, мысалы, бұған дейін “сыртқы саясатта жіберілген кемшіліктердің шешімін табумен бүгінгі таңда жаңа президент Мирзияев айналысып жатыр”.

 

“Билікке келген сәттен бастап жақын көршілермен қатынас – үстемдік үшін күрес емес, керісінше, өзара сенім және адалдық екенін жариялауы Өзбекстанның орталықазиялық республикалармен қарым-қатынасын жақсартып, сенімнің нығаюына септігін тигізді. Шындығында, қордаланған проблемалар, әсіресе жылдар бойы бытысып келген шекара мәселелері бір-біріне кінәрат артып, талап қою және өз үстемдігін көрсетумен емес, жылы сөз және тәулік мезгіліне қарамай атқарылған тынымсыз жұмыстың арқасында шешімін тапты”, – деді хабарды жүргізуші.

Телеарна бағдарламасында Каримов басқарған жылдары Өзбекстан барлық салаларда дағдарысқа кезіккені айтылды. Хабарға қатысушылардың пікірінше, жағдай сегіз ай бұрын билікке келген жаңа президент “Шавкат Мирзияевтің жүргізген реформаларының арқасында жақсара бастаған”.

Өзбекстан полициясының "қара базардағы" ақша айырбастаушыларға қарсы операциясы. 16 наурыз 2017 жыл. (Әлеуметтік желідегі сурет.)

Өзбекстан полициясының “қара базардағы” ақша айырбастаушыларға қарсы операциясы. 16 наурыз 2017 жыл. (Әлеуметтік желідегі сурет.)

 

Сонымен бірге Ислам Каримов билігі кезіндегі қаржы саясаты да қатты сынға қалды.

“Жетекші экономикалық ұйымдардың Өзбекстанды жазғырып, мамандарымыздың кәсібилігіне шек келтірген барлық айыптаулар тек сол қаржы саясатының кесірінен. Бүгін біз бұл туралы ашық айтуға тиіспіз. Сонымен бірге, шетел валютасының төрт түрлі бағамы және “қара базар” тәрізді масқараның болуы экономиканы дамытуға тұсау келтіргенін де батылдықпен айтуға тиіспіз. Алайда президент бастаған реформалардың арқасында бұл проблемалардың барлығы да біртіндеп шешімін тауып келеді”, – деген жүргізуші.

Өзбекстан қоғамында телебағдарлама түрліше реакция туғызды деп жазады Озодлик сайты. Кей көрермен “жұртқа белгілі жайтты жаңалық қылған” хабарды ашу-ызамен қабылдаса, кейбіреулерге марқұм Ислам Каримовтың атына сын айтылғаны ұнамай қалған.

“Каримовты үнемі көршілерінің алдында кеудесін керіп, үстемдік танытты деп айыптайды. Отбасымызбен телеарна хабарынан жиіркендік. Екіжүзділер саясаты деген осы” деп жазған бір көрермен Озодлик сайтына.

Осы телебағдарлама эфирден көрсетілерден екі күні бұрын, шілденің 28-і күні Өзбекстан бас прокуратурасы бұрынғы президент марқұм Ислам Каримовтың үлкен қызы Гүлнара Каримова “ақша жымқыру” және “бопсалау” баптары бойынша айыпты деп танылып, 2015 жылғы тамызда сот үкімімен оның бас бостандығы бес жылға шектелгені туралы алғаш рет ресми жариялаған.

Оқыңыз: Каримованың бас бостандығы 5 жылға шектелген

 

2003 жылдың соңынан Өзбекстан үкіметін басқарған Шавкат Мирзияев былтыр күзде Ислам Каримов қайтыс болғаннан кейін әуелі ел президенті міндетін атқарушы болды, ал желтоқсанның 4-і күні өткен сайлауда, көпшілік күткендей, 90 пайызға жуық дауыс жинап оңай жеңіске жеткен.

Содан бергі уақыт ішінде жаңа президент қол қойып, бекіткен шешімге сәйкес, Ташкенттегі ең ұзын көше мен халықаралық әуежайға, жоғары оқу орны мен зауытқа Ислам Каримовтың есімі берілді, оның басына кесене тұрғызылып, Ташкент, Самарқан және Қаршы қалаларында тұңғыш президенттің ескерткіштері орнатылмақ.                                                                                                  Азаттық радиосы

Related Articles

  • АҚШ сенаты Украинаға қаржылай көмек қарастырылған заң жобасын мақұлдады

    АҚШ конгресі.  АҚШ сенаты 13 ақпанда Украина, Израиль және Тайваньға 95 млрд доллар болатын қаржылай көмек беру туралы заң жобасын мақұлдады. Сенатта демократтар басым орынға ие. Енді заң жобасын Республикалық партия басым Өкілдер палатасы қарайды. Өкілдер палатасында жобаның заң статусын алуға мүмкіндігі аз деген болжам да айталады. Президент-демократ Джо Байден біраз уақыттан бері екі палатаны Украина мен АҚШ-тың Үнді-Тынық мұхит аумағындағы серіктестеріне көмек беруді жылдамдатуға шақырып келеді. Украина билігі басты одақтасы АҚШ-тан қолдау азайған тұста қару-жарақ жетпей жатқанын бірнеше рет мәлімдеген. Украина президенті Владимир Зеленский бүгін, 13 ақпанда АҚШ сенатының бұл заң жобасын мақұлдағанына алғыс айтты. Құжатта Киевке 61 млр доллар беру қарастырылған. “Американың көмегі Украинаға бейбіт өмірді жақындастырып, әлемдік

  • АҚШ сенаты Украина мен Израильге көмек беру туралы заң жобасын мақұлдады

    Азат Еуропа / Азаттық радиосы АҚШ сенаты Украина мен Израильге 118 миллиард доллар қосымша қаржы көмегін беру туралы екі партия ұсынған заң жобасын және АҚШ-тың оңтүстік шекарасын нығайту туралы заң жобасын мақұлдады. Былтыр қазан айынан бері жалғасып келе жатқан “ұлттық қауіпсіздікке байланысты қосымша қаржыландыру туралы” дауға нүкте қоятын компромистік мәтін АҚШ сенатының сайтына шыққан. Заң жобасы бойынша, сенаторлар 60 миллиард долларды Украинаны қолдауға, 14 миллиардты Израильге көмекке, 20 миллиардтан астам долларды АҚШ-тың Мексикамен шекарасын қауіпсіздендіруге, шамамен бес миллиардты АҚШ-тың Тынық мұхит аймағындағы серіктерін қаржыландыруға, екі жарым миллиардқа жуық долларды “Қызыл теңіздегі” операцияны қолдауға, тағы да сондай қаржыны АҚШ-тың Орталық қолбасшылығына бөлуді жоспарлаған. АҚШ президенті Джо Байден конгресстен Украина, Израиль және Тайваньға

  • Мәскеу Тоқаевтан Пригожиннің бүлігін басуға көмектесуді сұрады ма?

    Елнұр ӘЛІМОВА Қазақстан президенті Қасым-Жомарт Тоқаев және Ресей басшысы Владимир Путин. Бұл аптада Батыс басылымдары маусым айында «ЧВК Вагнердің» жетекшісі Евгений Пригожиннің әскери бүлігі кезінде Ресей Қазақстаннан көмек сұрағанын, бірақ президент Қасым-Жомарт Тоқаев одан бас тартқанын жазды. Сонымен қатар Астана мен Анкара әскери саладағы серіктестікті күшейтіп, 2024 жылы елде дрон шығара бастайтынына тоқталды. Бұдан бөлек Орталық Азия Батыс елдері үшін не себепті маңызды аймаққа айналғанын талдады. ҚАЗАҚСТАН МЕН ТҮРКИЯ ANKA ДРОНЫН ШЫҒАРА БАСТАЙДЫ АҚШ-тағы Jamestown қоры Қазақстан мен Түркия әскери серіктестікті күшейтіп жатқанына назар аударады. Қазақстан 2024 жылдан бастап елде Түркияның Anka дрондарын шығара бастайды. 28 қараша күні қорғаныс министрлігі дрон өндіретін отандық компанияны таңдап жатқанын хабарлады. Мәлімдемеде Түркияның Anka дроны елде

  • Әзербайжан Қарабаққа шабуыл бастады. Қазірге дейін не белгілі?

    Азаттық радиосы Әзербайжан қорғаныс министрлігінің Таулы Қарабақта “армениялық әскерилердің позициясын жойдық” деп таратқан фотосы. 19 қыркүйек 2019 жыл.  19 қыркүйекте Әзербайжан Таулы Қарабақта “антитеррористік операция” бастағанын мәлімдеді. Бакудың бұл мәлімдемесінен соң Қарабақта тұратын армяндар артиллериядан шабуыл басталғанын айтады. “Степанакертте жарылыс естіліп жатыр. Балалар мен ата-аналар жертөлелерге түсті. Балконымнан әр жақтан жарылыс дауысы естіліп жатыр, тоқтар емес. Артиллерия қатты атқылап жатыр, атыс дауысы да толастар емес” деді Таулы Қарабақтағы тәуелсіз журналист Марут Ванян. Азаттықтың Армян қызметінің хабарлауынша, 19 қыркүйек 11:10-да Әзербайжан күштері Қарабақтағы Аскеран ауданын атқылаған. “Эхо Кавказ” сайты Степанакерт қаласында әуе дабылы қағылғаны хабарланды. Степанакерт қаласында қашып бара жатқан адамдар. 19 қыркүйек 2023 жыл. Таулы Қарабақтағы армяндардың бақылауындағы аймақтың омбудсмені

  • АҚШ украин сарбаздарын F-16 жойғыш ұшақтарын басқарып үйретуге рұқсат берді

    F-16 жойғыш ұшағы.         АҚШ президенті Джо Байден украин ұшқыштарын F-16 жойғыш ұшағын басқарып үйретуге рұқсат берді. Бұл жөнінде Пентагонның баспасөз хатшысының орынбасары Сабрина Сингх хабарлады. Оның айтуынша, Нидерланд және Дания оқыту жағына жауап беруі мүмкін. Пентагон өкілі бұдан өзге ақпарат бермеді. Шілде айында Politico журналы Дания мен Нидерланд бастаған 11 елден құралған коалиция украин ұшқыштарын F-16 жойғыш ұшақтарын басқарып үйретуге дайын екенін, алайда ол үшін ұшақты шығарушы ел АҚШ-тың ресми рұқсаты қажет екенін хабарлаған. Басылымның жазуынша, дегенмен 11 елдің ешқайсысы әзірге ол бағдарлама үшін ұшақ бөлмеген. Шілде айында Ақ үйдің ұлттық қауіпсіздік жөніндегі үйлестірушісі Джон Кирби оқыту мерзімі, орны мен ұзақтығы әлі қарастырылып жатқанын айтқан. Өткен аптада Politico

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: