|  | 

Жаһан жаңалықтары

Stratfor:  РЕСЕЙДІ ЫДЫРАУ КҮТІП ТҰР

Марат Токашбаев20264779_10213584890926170_912489721076125608_n

Америкада Stratfor деген жекеменшік барлау-аналитикалық компаниясы бар. Толық аты – Strategic Forecasting Inc, қысқартылған аты – Stratfor. Жұмысының бағытына қарап сыртқы жұрт оны көлегейлі ОББ (ЦРУ) деп атайды. Сол барлау-сараптамалық орталығы 2015-2025 жылдарға арнап жаһандық болжамдар жасапты. Бұл бесінші болжам. Бұған дейінгі болжамдары (1996, 2000, 2005, 2010жж) түгелге жуық шындыққа жанасымды болды.

Ал осы соңғы болжамында не делінген? Еуразиялық одақ арқылы кіндігіміз байлаулы болған соң бізді Ресей тағдыры қызықтырады. «Украина үшін Ресеймен дау-дамай таяу жылдарда халықаралық қауымдастықтың басты назарында болады, алайда біз Ресей Федерациясы қазіргі қалпында тағы он жыл өмір сүруге қабілетті деп есептемейміз. Көмірсутегі шикізаты мен мұнай бағасының ауытқуына тәуелділік Мәскеудің орасан аумақты алып жатқан Ресей Федерациясында мемлекеттік институттарды басқарып отыруына мүмкіндік бермейді. Біз Мәскеу билігінің әлсіреуі Ресейді формальды және неформальды түрде бөлшектеуге ұрындыратындығын күтіп отырмыз», – дейді олар.

Ресей Федерациясы қазіргі қалпында аман қалуы екіталай. Энергоресурстарды экспорттаудан түскен табысты тұрақтылығы мығым экономикаға айналдыра алатындай қабілетінің жоқтығы Ресейді көмірсутегі шикізатының бағасына тәуелділікпен қоса ең осал тұсына айналып отыр. Экспорттан ағылған пайда ең алдымен Мәскеуге түседі, аймақтарға қалған-құтқаны ғана тиеді. Бұл баяғы 1980, 1990 жылдардағы кеңестік кезеңдегі тәрізді аймақтардың өз мәселесін өзі шешуге ұмтылуын үдетеді. Мұндай жағдайды Мәскеу билігі әдетте КГБ (қазір ФСБ) арқылы шешетін, алайда жазалаушы органдардың өзі ары қарай «орталықтан безу» үдерістерін тоқтата алмайтыны анық. Ресейге қарсы күннен күнге күшейіп отырған санкциялар осыған қызмет етуде. Бұл шынымен біртіндеп Ресей ыдырайды деген сөз.Марат Токашбаев суреті.

Ресейдің батысында Польша, Венгрия және Румыния бір кезде орыс басқыншылығынан айырылған жерлерін қайтарып алуға тырысады. Олар Украина мен Белоруссияны өз жағына тартады. Ресей болса Солтүстік Кавказға бақылауын жоғалтады, ал Орталық Азияда бей-берекетсіздік басталады. Солтүстік батыста Карелия қайтадан Финляндия құрамына қосылуға әрекеттенеді. Қиыр Шығыста Приморье аумақтары Мәскеуге тәуелсіз саясатпен Жапонияға, Қытай мен АҚШ-қа қарай бағыт ұстанатын болады.

«Бір ерекшелігі аумақтар өз автономиясы үшін күреспейді, керісінше әлсіреген Мәскеу вакуумдық кеңістік қалдырады, сол кеңістікте бұрынғы Ресей Федерациясының жекелеген бөлшектері ғана өмір сүруі ықтимал», –дейді Stratfor.

Мұндай жағдайда Қазақстан не істеу керек? Апатқа ұшырап аударылып бара жатқан кемеге өзін шынжырмен байлап сонымен бірге су астына жөнелген кеме тарихы жер бетінде жоқ. Сондықтан аман қалу үшін Қазақстан суға қарық болатын Ресеймен арадағы Еуразиялық одақ деген шынжырды үзуі қажет!                                                                                                                                                                   Марат Токашбаев

facebook  парақшасынан алынды

Related Articles

  • АҚШ НАТО-дағы одақтастарын Ресейге қысым жасауға шақырды

    “Батыс-2017″ әскери жаттығуы барысында ұшырылған Ресейдің “Искандер-М” зымыраны. Ленинград облысы, 18 қыркүйек 2017 жыл. АҚШ НАТО бойынша одақтастарына Ресейдің орта және қысқа қашықтықтағы зымырандарды жою туралы келісімді бұзып отыруы ықтимал екеніне дәлел ұсынған. Германиялық Der Spiegel басылымының жазуынша, АҚШ қорғаныс министрі Джеймс Мэттис НАТО-ның ядролық жоспарлау жөніндегі тобының жабық отырысында солтүстікатлантикалық одаққа мүше елдерден Мәскеуді келісімді сақтауға мәжбүр ететін іс-қимыл жоспар әзірлеуін сұраған. Бұл жоспар 2018 жылы жазда өтетін НАТО саммитіне дейін дайын болуы тиіс деп жазады басылым. Қажет болған жағдайда НАТО Ресейге қарсы санкциялар енгізуге дайын болуы тиіс деп мәлімдеген Мэттис. Пентагон басшысы “егер НАТО бойынша әріптестерімен ортақ келісімге келе алмаса, онда АҚШ жеке іс-әрекет етуге әзір болады” деп

  • Өзі басқарған партия Мугабеге биліктен кетуге бір күн берді

    Зимбабве президенті Роберт Мугабе әскери және жай киімдегі адамдардың ортасында. Хараре, 17 қараша 2017 жыл. Зимбабвенің биліктегі “Зимбабвенің африкалық ұлттық одағы – Патриоттық майдан” партиясы Роберт Мугабеге ел президенті қызметінен өз еркімен кетуге дүйсенбіге дейін мұрсат беріп, әйтпесе оған импичмент жарияланатыны туралы ескерткен. Бұл туралы қауіпсіздік министрі Патрик Чинамасқа сілтеме жасап Reuters хабарлады. Ол жексенбіде билік партиясы арнайы отырысында Мугабені партия басшылығынан кетіргеннен кейін баспасөз мәслихатында сөйлеген. Британдық Daily Mail басылымы 93 жастағы Роберт Мугабенің өзін үйқамақта ұстауға наразылық білдіріп, аштық жариялағаны туралы хабарлады. Мугабенің отбасы мүшелерінің бірінің айтуынша, ол сенбіден бері ас ішуден бас тартып, “шындық үшін өлуге” бар екенін мәлімдеген. Мугабенің аштық жариялағаны туралы ақпаратты билік партиясының мүшелерінің бірі басылымға

  • Трамп Пхеньянға “төзімін сынай бермеуді” ескертті

    АҚШ президенті Дональд Трамп Оңтүстік Корея парламентінде сөйлеп тұр. Сеул, 8 қараша 2017 жыл. АҚШ президенті Дональд Трамп Солтүстік Корея басшысы Ким Чен Ынге АҚШ-тың “төзімділігімен ойнамауға” кеңес беріп, “әлем өзін ядролық қарумен қоқан-лоқы көсетіп отырған аластатылған режимнің қаупіне төзе алмайтынын” мәлімдеді. 8 қарашада Оңтүстік Корея парламентінде сөйлеге Трамп Пхеньян иеленгісі келіп отырған ядролық қару Солтүстік Кореяның қауіпсіздігін арттыра алмайтынын, керісінше ол елдің режиміне “үлкен қауіп тудыратынын” мәлімдеді. “Бізді жете бағалай алмай қалып жүрмеңдер және сынай бермеңдер” деді Трамп. Дегенмен ол Пхеньян егер баллистикалық зымыран жасауын тоқтатып, “ядролық әрекеттерін тоқтатуға және толық тексеруге келіссе” онда Солтүстік Кореяның болашағы жарқын болатынына уәде берді. Трамп 8 қараша күні таңертең ауа-райының қолайсыздығына байланысты

  • Ресей СІМ: Латын графикасына өту – Қазақстанның ішкі ісі

    Григорий Карасин, Ресей сыртқы істер министрінің орынбасары. Ресей сыртқы істер министрінің орынбасары Григорий Карасин ресми Мәскеу Қазақстанның латын әліпбиіне көшу туралы шешіміне “байыппен қарайтынын және оны Қазақстанның ішкі мәселесі деп білетінін” мәлімдеді. Бұл жайында ол “Россия-24″ телеарнасына берген сұхбатында айтты. “Меніңше, бұл жағдайда біздің ұстанымымыз байсалды, түптеп келгенде, қай тілді қандай деңгейде қолдану – бұл Қазақстанның ішкі ісі” деді Карасин. Оның сөзіне қарағанда, жаңа әліпбиге көшуге қатысты жаңа жағдайға бейімделу біраз уақытты алады және айтарлықтай проблема туындамайды. Бұған дейін Ресейдің Қазақстандағы елшісі Михаил Бочарников та Мәскеу Қазақстанның қазақ әліпбиін латын графикасына көшіру шешіміне “түсіністікпен және құрметпен қарайтынын” мәлімдеген. Қазақстан президенті Нұрсұлтан Назарбаев 26 қазанда қазақ тілі әліпбиінің латын графикасындағы жаңа нұсқасын

  • Ирак әскері Киркук қаласына кірді

    Киркукте жүрген Ирак әскерінің көліктері. 16 қазан 2017 жыл. Ирак әскері күрдтер басқаратын даулы Киркук қаласына кіріп, қалалық кеңестің бас кеңсесін бақылауына алды. Қала тұрғындарының Reuters агенттігіне айтуына қарағанда, Ирак әскери күштері қалалық кеңес ғимаратының үстінен күрдтер туын алып тастаған, қазір онда Ирак туы ғана тұр. Күрдтер туы бұл жерге биыл сәуірде тігілген болатын. Қаладан мыңдаған тұрғын кетіп қалғаны хабарланып жатыр. Күрдтердің пешмерга жасақтары Киркук провинциясының көп бөлігін 2014 жылы “Ислам мемлекеті” (ИМ) экстремистік ұйымының содырлары Ирактың солтүстік бөлігін басып алған соң бақылауға алған. Ирак премьер-министрі Хайдар әл-Абади Күрдістан автономиясы мен оған жақын аймақтарда, оның ішінде Киркукте 25 қыркүйекте тәуелсіздік алу жөнінде референдум өткен соң “елдің тұтастығын қорғау үшін” операция

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: