قىرعىز باسشىسى قازاق حالقىن ەمەس، بيلىكتىڭ ەكونوميكالىق ساياساتىن سىناپ وتىر. دۇرىس ايتىلعان پىكىردى دۇرىس قابىلداعان ءلازىم. كەتكەن قيعاشتىقتار جوندەلۋى كەرەك. وسىدان كەيىن ۇكىمەت تاريفتەردى تومەندەتىپ، زەينەتاقىمدى ون ەسە ەمەس، ەڭ بولماسا ەكى-ءۇش ەسە كوتەرسە مەن مۇلدە قارسى بولمايمىن.

مارات توكاشباەۆ

ال ءبىزدىڭ شەكارالىق شەنەۋنىكتەردىڭ ارەكەتى – «تاز اشۋىن تىرنادان الادىنىڭ» كەرى. جاي حالىقتىڭ بۇعان نە قاتىسى بار؟ قاراپايىم جۇرتتى، بالالى، اياعى اۋىر ايەلدەردى شەكارادا 4-7 ساعات سارسىلتىپ قويۋ ادامگەرشىلىككە جاتا ما؟ كەشە كەشكىلىك بۇل كەپتەلىس ۇقق ورگاندارىنىڭ جوسپارلى تەكسەرۋىنىڭ سالدارى دەگەندەي سىلتاۋ كوزگە شالىندى. سوندا جوسپارلى تەكسەرۋ مىندەتتى تۇردە شەكاراداعى قوزعالىستى تەجەۋمەن اتقارىلا ما؟ جالپى بۇل ۋاقيعانى شيەلەنىستىرۋدىڭ قاجەتى جوق.

بيلىك وزگەرەدى، حالىق قالادى. قازاق-قىرعىز حالىقتارىنىڭ باۋىرلاستىعى – ماڭگىلىك. ءبىزدى تەك تاريحىمىز عانا ەمەس، كەلەشەگىمىز دە بىرىكتىرەدى. مەملەكەت – حالىق ءۇشىن. حالىق ءۇشىن قىزمەت ەتەتىن ورگاندار وسى تۇرعىدان العاندا ورىنسىز امبيتسيالارعا ەرىپ كەتە بەرمەي حالىقارالىق ساياسي مادەنيەتتى دە جەتە مەڭگەرگەنى ابزال-اۋ.

مارات توكاشباەۆتىڭ facebook پاراقشاسىنان الىندى