جاڭالىقتار شوۋ-بيزنيس

الماتى-پەتروپاۆل باعىتىنا جاڭا اۋە رەيسى اشىلدى.

kerey.kz

 |  Mar 14, 2020

FlyArystan-نىڭ 180 ورىندىق Airbus A320 ۇشاعى الماتىدان پەتروپاۆلعا العاش رەت ۇشتى. ءبىر جاقتى بيلەت قۇنى 9999 تەڭگەدەن باستالاتىن رەيستەر اپتاسىنا 4 رەت – دۇيسەنبى، سارسەنبى، جۇما جانە جەكسەنبى كۇندەرى تۇراقتى ورىندالىپ تۇرماق

الداعى ۋاقىتتا وبلىستىڭ بارلىق قالالارىن وتاندىق لوۋكوستەردىڭ رەيستەرىمەن قامتۋ جوسپارلانعان. Airbus A320 ۇشاعى 12-ناۋرىز كۇنى الماتى-كوكشەتاۋ- الماتى جانە الماتى-قوستاناي- قوستاناي ارالىعىندا ۇشۋدى باستادى.

«پەتروپاۆلدان الماتى مەن ەلوردامىز نۇر-سۇلتانعا ورىندالاتىن جاڭا رەيستەر جەرگىلىكتى تۇرعىندار مەن حالىق اراسىندا سۇرانىسقا يە بولادى دەپ ۇمىتتەنەمىز. سولاي بولعان جاعدايدا، ءبىز ساپارلاردىڭ سانىن ارتتىرىپ، پەتروپاۆلعا قاتىنايتىن باعىتتاردىڭ كوبەيۋىن قاراستىراتىن بولامىز. سونىمەن قاتار بۇل شارانىڭ وتكىزىلۋىنە كۇش سالعان جەرگىلىكتى اۋەجاي مەن اكىمشىلىكتىڭ ەڭبەگىن اتاپ وتكىم كەلەدى»، – دەدى FlyArystan-نىڭ باسقارۋشى ديرەكتورى تيم دجوردان.

13 ناۋرىزدان باستاپ نۇر-سۇلتاننان پەتروپاۆلعا قۇنى 3999 تەڭگەدەن باستالاتىن بيلەتتەر ساتىلىمعا شىقتى. ۇشاقتار 10 ساۋىردەن باستاپ جۇما جانە جەكسەنبى كۇندەرى ۇشاتىن بولادى.

«ءبىزدىڭ باستى كەڭەسىمىز – بيلەتتى ەرتە برونداپ، جولاشۋىلاردىڭ اقشانى بارىنشا از تولەۋىنە مۇمكىندىك جاساۋ. ءبىز ەڭ بىرىنشىدەن تومەن باعاداعى ورىنداردى ساتامىز، سوندىقتان سولتۇستىككە نەمەسە وڭتۇستىككە ۇشقىڭىز كەلسە، ساياحاتىڭىزدى الدىن الا جوسپارلاعان ءجون. ۇشاقتار جاڭا، ياعني ورتاشا العاندا 6 جىل عانا قولدانىستا بولعان. كەيدە جولاۋشىلار ارزان بيلەتتەر از دەپ كىنالاپ جاتادى، ارزان باعاعا ۇشقىڭىز كەلەسە بيلەتتى ەرتە برونداۋ كەرەك»،- دەدى اتالعان اۋە كومپانياسىنىڭ وكىلى ءلاززات نابيەۆا.

پەتروپاۆل جانە كوكشەتاۋ قالالارىنا اشىلعان باعىتتار بويىنشا اۋەكومپانيانىڭ فلوتىنا قوسىلعان بەسىنشى بورت. ءساۋىر ايىندا الىناتىن جاڭا Airbus A320 ۇشاعى قاراعاندى قالاسىنا تۇراقتاماق.