|  | 

Шоу-бизнис

Мейрамхана қойжайындары тойға тапсырыс ақшасын қайтармай жатыр

Елде коронавирустың өршуіне байланысты той өткізуге тыйым салынды

Тапсырыс берушілер тойханаларға алдын ала төлеген ақшаларын қайтара алмай жатыр, деп  хабарлайды  Azattyq Rýhy тілшісі. Тұрғындар көрсетілмеген қызмет үшін ақша ұстап қалған тойхана қожайындарының әрекетіне наразы.

«Алматыдағы  Astana Plaza мейрамханасына наурыздың 23-і күні тұсаукесер той жасаймыз деп дайындалдық. Қонақтарды да шақырып қойған едік. Мейрамхананың әкімшілігіне алдын ала ақша төледік.  Бірақ төтенше жағдайға байланысты той өтпейтін болды. Жағдайды түсіндіріп  айтып едік, ақшамызды толық қайтармады. Бастапқыда барлық ақшаны қайтармаймыз деген, кейін елу  мың теңгемізді ұстап  қалды», – деп шағымданды өзін Сәуле Мұқанова деп таныстырған алматылық  тұрғын.

Қанат Кигізбаев есімді азамат анасының 80 жылдық мерейтойын 4 сәуір күні атап өтпек болған. Алыс-жақыннан келетін 220 адамның басын қосуды жоспарлаған жігіт Президенттің қаулысынан кейін ойынан еріксіз айнып, тойды кейінге шегеруге мәжбүр болады. Бірақ тойхана әкімшілігі алдын ала кепілге төленген  300 мың теңгені «Біздің кінәміз жоқ» деп қайтармаған.

Табыстан асабалар да қағылып жатыр. Он жылдан бері асаба болып жүрген Айбек Нұрқасымның сөзінше, наурыз – той айы.  Оның сөзіне сенсек, аптасына кемі екі той жүргізеді. Бірақ қауіпті індеттің таралуы той жасайтын адамдардың көңілін су сепкендей басқан.

«Тойға жалғыз бармаймыз. Әнші-бишілер де болады. Шоу көрсетіледі. Бір тойға кемі  150 мың теңге ақы аламын. Бірақ барлық той тоқтап жатыр. Қысқасы, вирус табысымызға да, халықтың көңіл күйіне де теріс әсер етті. Ел аман болса, той табылады. Мына қауіптен аман құтылсақ болды ғой», -дейді осы айда жарты миллион теңге табыстан қағылған Айбек Нұрқасым.

Ал мейрамхана иелері болса алдын ала төлеген ақшаның толық қайтарылмауын азық-түліктің сатып алынуымен түсіндірді. Жыл бойы той өткізетін орталықтар жағдайларының  күрт «қиындап» кеткенін айтады.

«Наурыз айында той көп еді. Біздің мейрамханада 15 шақты той өтуі керек болған. Тойға тапсырыс бергендер карантиннен кейін той өткізуден бас тартып жатыр. Азпазшылар, даяшылар, техникалық қызметкерлердің бәрін қосқанда, 20-дан астам адам жұмыс істейді. Мейрамханалар кірісті тойдан табады ғой. Енді міне, нөл болып отырмыз. Бәрінің несиесі бар. Той иелерінің ақшасын қайтаруға тырысамыз, қаншама азық-түлік алып қойған едік. Үкімет өтемақы жағын қарастырса», – дейді Astana Plaza мейрамханасының әкімшісі Маржан Әріпова.

Ал жағдайымыз қиын деген Қазақстан қонақүйлері және мейрамханалары қауымдастығы көмек сұрап, Үкіметке арнайы хат жолдады. Қауымдастықтың президенті Рашида Шайкенова қол қойған хатта бизнестің бұл түрін субсидиялауды сұраған. Сондай-ақ, қонақүйлерді жылдың аяғына дейін салықтан босатып, несиелік өсімпұлдарды алып тастауды және коммуналдық төлемдердің тарифін төмендетуді де талап еткен.

Әмірболат Құсайынұлы, Алматы

Related Articles

  • Алматыда зілзала болса, ең алдымен қандай үйлер қирауы мүмкін? Сәулетші Айдар Ерғалимен сұхбат

    Пётр ТРОЦЕНКО Алматының жоғарғы жағындағы көпқабатты ғимараттар. 18 шілде, 2022 жыл Қазақстандық сәулетші Айдар Ерғали егер күшті жер сілкінісі болса, сейсмикалық қауіпті аймақта орналасқан Алматы қаласы қандай қиындықпен бетпе-бет келетінін, совет кезінде салынған үйлер қазіргі заманғы көпқабатты ғимараттармен салыстырғанда жер сілкінісіне төтеп беруге неліктен әлсіз екенін айтты. 23 қаңтар күні Алматыда жер әдеттегіден қаттырақ сілкініп, елді дүрліктірді. Бұл оқиға кең ауқымдағы табиғи апатқа қала билігі мен тұрғындар қаншалықты дайын деген әңгімені қайта қоздырды. Жұрт әсіресе төтенше жағдайлар жөніндегі департаменттің ерте хабарлау жүйесі дұрыс жұмыс істемегенін, СМС-хабарламалар дер кезінде түспегенін де сынға алды. Жер бірінші рет сілкінген сәтте Алматы тұрғындары жапа-тармағай үйден сыртқа қарай жүгірді, кейбірі тіпті сырт киімін де кимеген

  • Цифрлі теңге “жаңа экономика” құруға көмектеспек

    Блокчейн технологиялары Қазақстанды жемқорлықтан барынша тазартып шыға алады. Бүгін Мемлекет басшысы бюджет қаражатының жұмсалуын бақылау үшін цифрлық теңгені пайдалана отырып, ақшаны таңбалау кілті туралы айтып өтті. Цифрлі теңгенің ең мықты жері осы. Программаланған токен болғандықтан ақша кімнен кімнің қолына өтті, бақылап отыра аламыз. Мысалы, мемлекеттік тендерлердің барлығын цифрлі теңгеге ауыстырып, осы тендерлік цифрлі теңгені қолма-қол ақша ретінде шешіп алу мүмкін болмайтындай жасап қоюға болады. Сонда біз тендер жеңімпазының ақшаны қалай жұмсағанын, кімнен тауар алғанын, кімдерге қанша айлық төлегенін көріп, содан үлкен BIG Data базасын құраймыз. Дәл осы кезде, мемлекеттік ақшаға мүмкіндігінше қазақстандық тауар алынғандығын бақылап, мәжбүрлеп отыруға мүмкіндік бар. Осы арқылы жемқорлықты атымен жойып, отандық бизнеске мықты қолдау көрсете алмақпыз.

  • Қазақстан Солтүстік Ирландияны жеңді. Құраманың Еуро-2024 додасына шығуға мүмкіндігі сақтаулы

    Руслан МЕДЕЛБЕК Қазақстан құрамасының ойыншылары жанкүйерлерге алғыс айтып жатыр. Астана, 10 қыркүйек 2023 жыл. Футболдан Қазақстан құрамасы Еуро-2024 турниріне іріктеу аясында Солтүстік Ирландияны жеңді. Астанадағы матчта жеңіс голын “Ақтөбе” шабуылшысы Максим Самородов салды. Қазақстанның келесі жылы Германияда өтетін Еуропа чемпионатына шығуға мүмкіндігі әлі де сақтаулы. Матчтың 27-минутында Абзал Бейсебековтің алаң ортасынан шығарған пасын Максим Самородов әдемі голға айналдыра білді. Максим қатты келген пасты аяғымен тоқтатты да, қарсылас қақпасының сол қапталына бағыттаған. Солтүстік Ирландия қақпашысы Бэйли Пикок-Фаррелл қолын созғанымен жетпеді. Доп қақпада. 30 мың жиналған стадион тулап сала берді. Гол авторы Максим Самородов (10-нөмерде) мен Қазақстан ойыншылары голды тойлап жатыр. Астана, 10 қыркүйек 2023 жыл. Осы голдан кейін Солтүстік Ирландия шабуылды

  • 1 440 000 ТЕҢГЕ, Ұшақ, пойыз, автобус кешіксе өтемақыны қалай алуға болады?

    Самат Мусабаев Жазда қозғалыс көбейеді. Елдің ішіне де, сыртына да саяхат, демалыс, балалардың каникулы деп тыным таппаймыз. Қозғалыс көбейген соң жолаушылар тасымалында қиындық туындап, желіден үнемі реніш пен ашуға толы жазбалар оқып тұрамыз. Ұшақтың кешігуі, пойыздың кестеден қалып қоюы секілді оқиғалардың аптасына әлденешеуі белгілі боп жатады. Менің айтпағым да осы мәселеге қатысты: Жақында әріптес ағам Еділ Жаңбыршин екеуміз ел жаққа бірге ұштық. Маңғыстауда кездесулеріміз жоспарланған еді. Астана әуежайына біз уақтылы келгенімізбен, Air Astanaның ұшағы уақтылы ұша қоймады. Уақтылы дегенде жарты сағат, бір сағат дегенге етіміз әбден үйренді ғой. Енді бұлар екі сағат, үш сағаттап ұшпауды шығарыпты. Біздің ұшағымыз бақандай үш жарым – төрт сағатқа кешігіп ұшты! Отандық әуе компанияларының осы

  • ВОЯДЖЕР-2 ЗОНДЫМЕН БАЙЛАНЫС ТОЛЫҚ ҚАЛПЫНА КЕЛТІРІЛДІ

    2023 жылы 1 тамызда НАСА Алыс ғарыштық байланыс желісінің (DSN) Канберрадағы антенналар кешені Вояджер-2 жіберген үзік сигналды ұстағаны белгілі. Кешен зондқа екі градусқа бұрылып кеткен антеннасын қайта Жерге бағыттауға бұйыратын барынша күшейтілген команда жіберді. 19,9 млрд км қашықтықтағы аппараттың жауабын 37 сағат күтуге тура келді. 4 тамызда НАСА Вояджер-2-ден толыққанды ғылыми және телеметриялық деректер қабылданғанын хабарлады. Олар аппараттың қалыпты жұмыс істеп тұрғанын және күтілген траекторияда екенін мәлім еткен. Жақсы жаңалық тарихи миссияның 46 жылдығы қарсаңында келді. Вояджер-2 1977 жылы 20 тамызда ұшырылды. Ол — Күн жүйесіндегі төрт алып планетаның бәрінің тұсынан ұшып өткен жалғыз ғарыш аппараты. Voyager 2, өз сыңарынан алты жылдан соң, 2018 жылы 10 желтоқсанда жұлдызаралық кеңістікке енді.

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: