|  | 

Шоу-бизнис

“Түркияның көз тартар көрікті жерлері”: Анадолыға ағылған ел пандемия кезінде де тоқтамаған

Кония – Түркияның Түркістаны

Кония қаласында тропикалық көбелектер бағы бар. Қыстың кезінде іші +30°С болып тұрады. Үш мыңнан аса көбелек түрі бар. Жылына 400 мың саяхатшы келетін орталық, шынымен де ғажап. Айнала толы түрлі-түсті, үлкенді-кішілі көбелектер. Бұл табиғаттың ғажап сыйын қолмен жасалған әйнек ғимараттың ішіне жинап, оған жайлы орта жасау, кім-кімнің ойына келе бермес дүние.

Көбелектер бір аптадан, бір жылға дейін өмір сүреді. Айтпағымыз, әрине бұл емес. Тәжтажал өршіп тұрса да #SafeTourismTurkey деп ұрандатып, сол айтқандарын шын мәнінде көрсетіп жатыр. Барлық жеке қолданатын заттарды пакетпен қаптаған. Ас ішетін қасық пен нанға дейін. Дені сау адам бұл елге қорықпай-ақ демалуға келсе болады.

Желтоқсанның 13-21 аралығында әлемнің түрлі мемлекеттерінен 30-дан БАҚ құралының өкілдері Түркия тараптың шақыруымен Ыстамбұл-Кония қалаларында болды. Қазақстаннан барған екі журналисті Түркітілдес журналистер қоры жіберді.

Кониядағы тарихи орындар сізді өзгеше әлемге жетелейді. Тасқа салынған өрнек пен Құран аяттарының хұсни үлгісіне қарап таңдай қақпау мүмкін емес. Адамның басында кіші-кірім жарылыс болады. Бүгінгі пенде баласының соншама бейшаралығына көзің жете түседі. Түгел бүтін, алып тасқа қашалған мың жыл бұрынғы мұра. Еш бүлінбей бүгінгі таңға дейін жетіп отыр. Ал, екімыңыншы жылдары салынған ғимараттың үшмыңыршы жылға жетер-жетпесі де неғайбыл…

Ыстамбұл Нью-Йорк сияқты өзгеше әлем

Ыстамбұлға әр қайта барған сайын адам қаланы жаңа қырынан тани түседі. Стихлал атты тарихи көше бар. Көшенің төменгі жағы Галата мұнарасына келіп тіреледі. Бұл жай ғана мұнара емес. Тарихы сөйлеп тұрған мұнара.

Ең басында ағаштан салынып, бұғаздағы кемелердің жүрісін бақылауға арналса, кейін ол қызметі маңызды болмай, өртті бақылау мұнарасына айналыпты. Қай жерден түтін шыққанын бақылап отырады. Ал қазір туристік нысан. Күніне мыңдаған адам келіп мұнара биігінен қаланы тамашалайды. Биіктігі 61 метр.

Стихлал көшесіндегі шіркеу қаланың нағыз мәдениеттердің тоғысқан жері екенін көрсетіп тұр. 19 ғасырға тиеселі болса керек. Шіркеуді көріп, жанарлары жасаурап, жымия фотоға түсіп жатқан еуропалық жұрттың аяғы үзілмейді екен.

Одан сәл төмен Ресей консулдығы орналасқан. Бір замандарда ағаштан салынған орыс елшілік ғимараты өртеніп, оны басқа жаққа салуға тура келеді. Сонымен орыстың қатын патшасы орыс елшілігі орыс топырағының үстінде тұруы керек деп, Ресейден кемемен топырақ әкеліп төсеп, оның үстіне қазіргі ғимаратты тұрғызған екен. Ресейдің бас елшілігі Анкарада.

Ыстамбұл тарихына арналған тағы бір мұражайға барудың сәті түсті. Алып бір залы кәдімгі таразыға арналған. Сауда қаласы болғаннан кейін де шығар, таразының не бір қызықты түрлері бар екен. Жасалу техникасы да күрделі. Бір қызығы кәдімгі таразының тасы ретінде пайдаланған үлкенді-кішілі темір асық өте көп екен. Біздің ата-бабамызбен қатысы бар-ау деп шамаладым… Кірдің тасы қызықты формаларда жасалыпты. Адамның басы, асық, төрт бұрыш, алты бұрыш…

Ыстамбұлдағы тағы бір тоқтаған жеріміз – өзбек тақиясы. Тақия 1752 жылы нақышбанилер жағынан салынған. Тақия тұрған төбе ол заманда Османлы патшасының аңшылық құратын мекені болған. Бір күні патша төбе басындағы шатырды көріп, жөн сұрауға кісі жібереді. Сөйтсе, Орта Азиядан келген қажылар екен. Сөйтіп, патша оларға арнайы жер беріп, үй салуына рұқсат етеді. Сол күннен бастап Түркістан мен Ташкеннен қажылыққа бара жатқандар осында түсел жасаған. Қонақтап Меккеге барар құжаттарын реттеп алып отырған екен. Өйткені, ислам әлемі Осман империясына бағынды ғой. Түркияның тәуелсіздік соғысы жылдарында Ататүрікке жақсы көмек жасаған. Мұнда сарбаздар мен оқ-дәрі жіберу үшін құпия база мен аурухана қызмет атқарған. Сол үшін кейін барлық тақиялар жабылғанда, өзбек тақиясы ол тізімге ілінбей, қазірге дейін жұмыс жасап тұр.

Өзбек тақиясынан кейін Ыстамбұл қаласының маңындағы Түркияның тарихи фильмдер түсіретін қалашығына бардық. Үлкендігі жағынан әлемде екінші орында тұрады екен. “Ер Тұғырыл” т.б тарихи сериалдар осында түсіріліпті. Фильмнің кейбір жерлері әлі жарияланбағандықтан өзімізге фото-видео түсіруге рұқсат берген жоқ.

Тарихи қалашықты салумен жалпы жүз елуге жуық адам айналысады. Жақында Шыңғысханға қарсы шыққан Хорезмшах туралы сериал түсіріп жатыр екен. Түркияда Көшпенділердің басын қосып, ұлы империя құрған Шыңғыс атамызды жауыз, мәдениетті құлатушы деп айыптайды. Онысын қарапайым логикаға салып түсірдіргісі келеді. Жеке басымызға ең ұнамағаны осы болды.

Ал, бұл қалашықта бүкіл көшпенділер тарихы қайта жазылып жатыр десек артық айтқандық болмайды. Мұндай істі жасау үшін тек ұлтты сүю керек, оның тарихына махаббатпен қарау керек. Қымбат мүлік, ақшаны суша шашу да жоқ. Бәрі қарапайым ғана істелген.

Түркия сапарымыз аяқтап елге қайтатын уақыт та келді. Бәрі үшін рақмет! Түркітілдес журналистер қорының төрайымы Нәзия Жояменгенқызына айырықша алғыс айтамын. Қор Түркия Мәдениет және туризм министрлігінің осы шарасына бізді жіберді. Барлық шығынды Түркия тарап төлейді. Көрмеген жерді көру, баспаған тауға шығу бақытын бұйырды. Ондаған мемлекеттен 34 БАҚ-тың журналистері, блогерлері жиналған екен. Қазақстаннан «Астана» арнасының тілшісі Еркін Қанин екеуміз жүрдік. Алған әсеріміз өте көп. Пандемияға қарамай түрік туризм саласының қалай жұмыс жасайтынын көрдік. Көзімізді жеткізді. Ондайда тек іштен тынып, біздің ел де осындай болса ғой шіркін деген ой өзегіңді өртей жөнеледі. Дамыған елдің әр жетістігін ішінде жүріп, қолмен ұстап, ауасымен тыныстап тұрып сезгеннің жөні бөлек.

“Алашым неге тоқырап қалды, біздің елдің ертеңгі күні не болмақ, шәу еткен орыстың екі итіне тәйт дейтін бір ақ жағалының жоғын-ай” деген сан түрлі ойлар ішіңді жегідей жейді. “Абайдың” алты сериасы жарық көрді ғой. Қарап отырсаң қазақ түк те өзгермеген. Сайлауда жеңсем, паралап алсам, малымды қалай көбейтсем деген баяғы тірліктің өзгергені шамалы екен.

Қалай десек те, барын бағалап, соны әлемге көрсете алған жұрттар озып тұр. Туристк әлеует біздің елдеде жоқ емес. Тек, соған жағдай жасап, жолын төсеп, бағасын шарықтатпай ұстап тұрса дейсің…

Мейіржан Әуелханұлы

Related Articles

  • QNET Digital Business Award 2020 сыйақысына ие болды

    Компания онлайн жұмыста Тәуелсіз Өкілдерге қолдау көрсеткені үшін марапатталды Халықаралық QNET QN Europe тікелей сауда компаниясының бөліміне Digital Business Award 2020 сыйақысы берілді. Бұл марапат Covid-19 пандемиясы кезінде QNET компаниясының бизнес-үдерісте ақпараттық технологияларды сәтті меңгергенінің куәсі болды. Пандемияға байланысты шектеулер дәстүрлі бизнеске көп залал келтірді, оның ішінде тікелей сауда саласына да қауіп төнді. Тәуекелдерді азайту үшін QNET қызметкерлері Тәуелсіз Өкілдердің қашықтан жұмыс істеуі бағыты бойынша дайындық жұмыстарына күш салды. «Тәуелсіз Өкілдер желісі біздің бизнесі іздің ортасында орналасқан. Біз оларға ғаламторда еш кедергісіз бизнесті жүргізуге қажетті құралдар мен қолдауымызды беру үшін тез әрекет етуіміз керек болды. Лезде сандық қарым-қатынасқа ауысу қадамдары оңай шаруа болған жоқ. Еуропаның көп бөлігінде жұмыс істейтін компания

  • Елімізде сүт тағамдарын өзгеше түрде өңдейтін ірі зауыт іске қосылды

      Зауыт жылына 110 мың тонна сүт өңдейді Солтүстік Қазақстан облысында «Eurasian Milk» ірі сүт зауыты іске қосылды. Eurasian Milk зауыты тарихы 1928 жылы басталған Петропавл қаласының сүт кәсіпорнының базасында ашылады. Бір ғасырға жуық уақыттан кейін аймақтағы тамақ өнеркәсібінің тарихы терең кәсіпорындарының бірі мүлдем жаңа технологиялық деңгейде қайта жанданды. Жаңа зауытта шығарылған сүт өнімдерінің алғашқы партиясы сауда желілеріне 2020 жылдың желтоқсанында түседі. Ауқымды жобаны іске қосу ел экономикасын тұрақтандыруға үлес қосады. Eurasian Foods Corporation (EFC) холдингі ірі салық төлеушілердің қатарына кіреді, өткен жылы мемлекеттік бюджетке 9 млрд.теңгеден астам салық төледі. Зауытты жаңғыртуға $12 млн. жұмсалды. Зауытта бірнеше желі орнатылған: Германия өндірісі бойынша сүтті қабылдау және өңдеу, сары май өндіру бойынша

  • HALYK BANK көп балалы анаға пәтер сыйлады

    Ұстаз Halyk Bank-тің “Ай сайын пәтерлер ұтыс ойыны” ауқымды науқанына қатысқан Алматы облысында мектеп мұғалімі күтпеген жерден пәтерге ие болды. Қарасай ауданы, Ұлан ауылының мұғалімі Галияш Барлыбаеваға пәтер Алматы қаласындағы “Хан-Тәңірі” элиталық тұрғын үй кешенінен берілді. Банк басшылары жыл соңына дейін осы тұрғын үй кешенінде тағы 2 пәтерді сыйламақ. “Елімізде алғаш рет ұйымдастырылған ауқымды акция, яғни Алматы қаласының экологиялық таза элиталық ауданында үш жайлы пәтер ұтысқа тігілді. Атаулы ұтысқа қатысу шарттары өте қарапайым: 2020 жылғы 20 желтоқсанға дейін Halyk Bank-те 50% жеңілдікпен тиімді кредит немесе артық төлемсіз 24 айға дейін бөліп төлеуге зат ресімдеп, ай сайын Homebank қосымшасындағы қызметтерді қолдану жеткілікті”,- деп хабарлады банктің баспасөз қызметі. Күтпеген жерден қымбат пәтерге

  • «Halyk Bank» ұтыс ойнатады

    «Halyk Bank» бағалы сыйлықтардың ұтысын бастады. Сәттілікке жетудің жолы қарапайым. Ұтысқа «Samsung XCover 4S» маркалы 10 смартфон ойнатылады. Бар болғаны банктің заңды тұлға ретінде тіркелген клиенттері Halyk Pos тегін мобильді қосымшасын жүктеп және оны іске қосу қажет. Ұтысқа жету үшін орнатылған Halyk Pos қосымшасы көмегімен VISA карталары бойынша ай сайын кемінде 10 транзакция жасалуы тиіс. HALYQLINE.KZ Қазақстанның ең ауқымды банкі заңды тұлғаларды бағалы сыйлықтар ұтыс ойынына қатысуға шақырады. «Жарияланған науқан 2020 жылғы 1 қарашадан 2021 жылғы 31 қаңтарға дейін жалғасады. Ұтыс ойынның шарттары өте қарапайым. Орнатылған Halyk Pos қосымшасы көмегімен VISA карталары бойынша айына кемінде он транзакция қабылдауы тиіс және әрбір жүргізілген операцияның сомасы 500 теңгеден кем болмауы қажет. Тауар

  • Қазақстан Республикасының президенті Қ. К. Тоқаев мырзаға

    Қазақстан Республикасының президенті Қ. К. Тоқаев мырзаға Құрметті Қасым-Жомарт Кемелұлы! Өзіңізге мәлім, елдің кино қауымдастығында жікке бөлінушілік болып жатыр. Бір жылдан бері дау-дамай мен текетірестер басылмай келеді. Кәсіби киногерлер дау-дамайдан арылмай отыр. Нағыз шығармашылыққа орын қалмады. Біз мұның бәрі осы сала министрлігінің ойланбай жасаған әрекеттерінің салдары деп санаймыз. 2019 жылдың наурызында, "Ұлттық киноны қолдау мемлекеттік орталығы" КАҚ құрылып, оған республикалық кино өндірісінің барлық негізгі мәселелерін шешу құзыры берілді. Ақырында "Қазақфильм" Ұлттық киностудиясына қажетті назар аударылмай қалды, ал Сыбайлас жемқорлықпен күрес Агенттігі Ұлттық киноны қолдау орталығының жетекшілеріне қарсы қылмыстық іс қозғады. Оның қалай аяқталатыны әзірге белгісіз, тергеу жалғасып жатыр. Десе де осының өзі нағыз сорақылық болып отыр. "Қазақфильм" Ұлттық киностудиясына келер

1 пікір

  1. Ğaliy Baysımaq

    Äriyne, avtor durus aytasız. Öte orundu käytemiz endi elimizdi nadandar közü aşılmağan jeksurundar basqarsa. Teksizge biylik berseņ osu boladı aynalasıņ laņ jasaydı.

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: