|  |  |  | 

جاڭالىقتار كوز قاراس ساياسات

“توقاەۆتىڭ ماڭىنا نازارباەۆتىڭ پروپاگانديستەرى مەن بۇلبۇلدارى توپتاستى”


قاسىم-جومارت توقاەۆ

قاسىم-جومارت توقاەۆ
“قازاقستاننىڭ ەكس-پرەزيدەنتى نۇرسۇلتان نازارباەۆتىڭ ساياسي قۇرىلىمداعى جانە بيزنەستەگى كەيبىر ادامدارى “جارتىلاي ترانزيت” اياقتاپ ءارى بيلىككە ىقپالىن كۇشەيتىپ جاتقان توقاەۆ جاققا ءوتتى” دەپ سانايدى قازاقستاندىق ساياساتتانۋشى دوسىم ساتپاەۆ. توقاەۆتىڭ پارلامەنتتەگى سوزىنەن كەيىن ازاتتىق ساراپشىمەن سويلەسىپ، ەلدەگى وزگەرىستەردى تالقىلادى. 

ازاتتىقپارلامەنتتەگى جيىندا توقاەۆ تاعى دا قازاقستانعا قارسى قانداي دا ءبىر “كۇشتەر” ۇيىمداستىرعان “تەرروريستىك سوعىس” تۋرالى ايتتى. “جاۋ قاتىگەزدىكپەن كەز كەلگەن ارەكەتكە بارۋعا دايىن ەكەنىن كورسەتتى” دەدى ول. توقاەۆ سوزىندە اتاماعان “جاۋ” كىم؟

دوسىم ساتپاەۆ: ءبىراز ادام بۇل مالىمدەمەدەن ناقتىلىق كۇتتى. تىم بولماسا ادامداردىڭ اتىن اتايدى دەپ ويلادى. قازىر ساحنا سىرتىندا الدەبىر كەلىسسوزدەر ءجۇرىپ جاتقان سياقتى. بالكىم، كۇدىككە ىلىنگەندەرمەن كەلىسسوز ءجۇرىپ جاتۋى دا مۇمكىن. ايتىلماعان جايت كوپ. وليگارحتار، قارجىلىق-شارۋاشىلىق توپتار تۋرالى سوزدەر ايتىلدى. جايتتى بىلەتىندەر كىمدەر تۋرالى ءسوز بولعانىن ءتۇسىندى. ءبىر جاعىنان ناقتى ەسىمدەر اتالمادى.

ازاتتىق: توقاەۆ ءوز سوزىندە نازارباەۆ جايلى ءبىر رەت ايتىپ، ءبىرىنشى پرەزيدەنتتىڭ “ارقاسىندا” ەلدە “وتە تابىستى كومپانيالار مەن حالىقارالىق دەڭگەيدەگى باي ادامداردىڭ توبى پايدا بولدى” دەدى. بۇل ءسوز نەنى بىلدىرەدى؟

دوسىم ساتپاەۆ: قازىر توقاەۆ ءپۋتيننىڭ جولىمەن جۇرۋگە تىرىسىپ جاتىر. پۋتين بيلىكتى بەرگەن ەلتسينگە نە ىستەپ ەدى؟ ول ەلتسيننىڭ وليگارحتارىن ءوز جاعىنا تارتىپ، سوققى جاساي باستادى. كەيىن وليگارحتاردىڭ ءبىر بولىگى تۇرمەگە قامالدى، ءبىر بولىگى ەلدەن كەتتى، ءۇشىنشى بولىگى پۋتين جاققا ءوتىپ، سونىڭ كومانداسىنا قوسىلدى.

قازاقستاندا دا سونداي بولادى دەپ ويلايمىن. ءبىر كەزدەرى نازارباەۆتىڭ ماڭايىندا شوعىرلانعان ساياسي جانە بيزنەس ەليتا توقاەۆتىڭ كومانداسىنا قوسىلار. ءبىرىنشى پرەزيدەنتكە قىزمەت ەتكەندەردىڭ كوبى توقاەۆتىڭ ماڭىنا بارسا ايتارلىقتاي ساياسي وزگەرىس بولمايدى. ەكونوميكادا وزگەرىس بولار، بىراق ساياسي سالا وزگەرمەي قالۋى مۇمكىن. توقاەۆ 30 جىل بويعى جۇيەنى شىنىمەن وزگەرتكىسى كەلسە وسى سالادا جۇمىستى كۇشەيتۋى كەرەك.

نازارباەۆ تۇسىندا بايىعاندار، “تەرروريستەر” جانە كەزەكتى استا-توك ۋادە

ازاتتىق: توقاەۆ ەكس-پرەزيدەنتتىڭ قىزىنا تيەسىلى ۋتيليزاتسيا الىمى كومپانياسىنىڭ جۇمىسىن توقتاتۋدى، نازارباەۆ وتباسىنىڭ مۇددەلەرى بار كەدەندەگى “بىلىقتى” رەتتەۋدى تاپسىردى. ول تاۋ-كەن جانە مۇناي سالاسىن دا ايتىپ قالدى…

دوسىم ساتپاەۆ: بۇل بيزنەس-قۇرىلىمعا ءبىرىنشى پرەزيدەنتتىڭ قاتىسى بار. ەلدەن سىرتقا شىعاتىن قارجىنى توقتاتۋ تۋرالى مالىمدەمەسى دە وسى ادامدارعا قاراتا ايتىلسا كەرەك. مۇنىڭ ءبارى كەيىنگى وقيعالاردان سوڭ باستالىپ، [ۇقك توراعاسى] كارىم ءماسىموۆتىڭ ۇستالۋىنان كەيىن جەدەلدەدى.

ازاتتىقتوقاەۆ “بايلار بايلىعىمەن ءبولىسسىن” دەگەندى مەڭزەدى. ەندى بايلاردىڭ تاعدىرى نە بولادى؟ مەنشىكتى قايتارۋ ياكي ەليتا اراسىندا قارجىنى قايتا ءبولىسۋ ءجۇرىپ جاتىر ما؟

دوسىم ساتپاەۆ: مەنشىكتى قايتارۋ توقاەۆقا ءتيىمسىز. ول جاقسى ينۆەستيتسيالىق كليماتتى ساقتاۋعا مۇددەلى ەكەنىن ايتتى. شەتەلدىك ينۆەستورلار مەنشىكتى قايتارۋدان قاتتى قورقادى. قازىر ينۆەستيتسيا تارتۋ جاعىنان ەلدىڭ باستى قارسىلاسى وزبەكستان ەكەنىن ۇمىتپاۋ كەرەك. قازاقستاندا مەنشىكتى قايتارۋ باستالسا، بۇل ەلگە اقشا سالعىسى كەلەتىن ينۆەستورلاردى ۇركىتەدى.

مەنىڭشە، بۇل جەردە ەكى نۇسقا بار: قارسىلاس دەپ سانايتىن وليگارحتاردى قاتتى قىسىپ، باسقالارىمەن كەلىسەدى. ەكىنشى نۇسقا، ولاردى بەلسەندى تۇردە قولدانادى.

ورتالىق ازيادا مۇنداي ءادىس قولدانىلدى، ياعني بۇرىنعى باسشىلارمەن جۇمىس ىستەگەندەردىڭ كاپيتالىن الىپ الدى. قىرعىزستان پرەزيدەنتى سادىر جاپاروۆ قىزىق ءادىس قولداندى. ول ساياسي جانە بيزنەس ەليتانىڭ كوبىن قۇمتور التىن كەنىشى اينالاسىنداعى جەمقورلىق ءۇشىن ايىپتادى. كەيبىرىن تۇرمەگە وتىرعىزدى. كەيىن ولارمەن كەلىسسوز جۇرگىزىپ، ولار اقشالارىن اۋداردى دا، بوساپ شىقتى.

وليگارحتارمەن جۇمىس ىستەۋدىڭ ءتۇرلى ءادىسى بار. باسقالارعا ساباق بولۋ ءۇشىن كەيبىرەۋىن قاماپ قويادى، “ەشكىم جازاسىز قالمايدى” دەگەندەي يشارا تانىتادى. بيلىككە مويىنسۇناتىن، ياعني توقاەۆ ايتقان جوبالارعا كاپيتالىن قوسۋعا نيەتى بارلارىن قالدىرادى (ول بۇل قور مەملەكەتتىك بولمايدى، بەلگىلى ءبىر رەسۋرستار ەسەبىنەن ءومىر سۇرەدى دەدى عوي). مەنىڭشە ءدال وسى قوردى وليگارح توپتار قارجىلاندىرادى، سەبەبى ولاردى بۇعان ماجبۇرلەيدى. مەنىڭشە، بۇل ء“پۋتيننىڭ ۆاريانتىنا” كەلەدى.

توقاەۆ ەسكەرتۋسىز وق اتۋعا بۇيرىق بەردى. ەلدەگى 7 قاڭتارداعى احۋال

ازاتتىق: وتكەن اپتادا ازاتتىققا بەرگەن سۇحباتىڭىزدا توقاەۆتى “جارتىلاي پرەزيدەنت” دەپ اتاپ ەدىڭىز. ەندى ول تۋرالى وسىلاي ايتۋعا كەلە مە؟

دوسىم ساتپاەۆ: قازىر “جارتىلاي ءترانزيتتىڭ” اياقتالعانىن كورىپ وتىرمىز. بۇل داعدارىس توقاەۆقا بيلىكتى نىعايتۋعا مۇمكىندىك بەردى، وتكەن جىلدىڭ سوڭىندا ونىڭ قولىندا مۇنداي بيلىك بولماعان. بىلتىر وعان “نۇر وتان” پارتياسى توراعاسىنىڭ ورنىن بەردى، ال بيىل تاعى ءبىر ماڭىزدى قىزمەت – قاۋىپسىزدىك كەڭەسى توراعاسىنا باسشىلىقتى قولىنا الدى. نازارباەۆ ساياسات ساحناسىنان كەتكەندە جارتىلاي ترانزيت ءداۋىرى اياقتالادى دەپ بۇرىننان ايتىپ ءجۇرمىز. بۇل جاعداي توقاەۆقا نومەنكلاتۋرا ىشىندە جانە بۇگىنگى ءسوزى ارقىلى قوعام اراسىندا پوزيتسياسىن نىعايتۋعا مۇمكىندىك بەردى. بۇگىنگى سوزىندە الەۋمەتتىك-ەكونوميكالىق ماسەلەگە ەرەكشە كوپ نازار اۋدارىلدى.

ازاتتىق: ءيا، توقاەۆ الەۋمەتتىك ساياسات تۋرالى كوپ ايتتى. ۇكىمەتكە “حالىقتىڭ تابىسىن ارتتىرۋ باعدارلاماسىن ازىرلەۋگە”، ينفلياتسيانى اۋىزدىقتاپ، جۇمىسسىزدىقتى ازايتۋعا تاپسىرما بەردى. تارتىپسىزدىك ەلدەگى تەڭسىزدىكتى اشىق كورسەتتى دەگەنى پوپۋليزمگە ۇقساپ كەتتى…

دوسىم ساتپاەۆ: ارينە. مەنىڭ ويىمشا، بۇل – قازىر توقاەۆتىڭ اينالاسىندا جۇرگىزىلىپ جاتقان ساياسي-تەحنولوگيالىق جۇمىستىڭ ءبىر بولىگى، سوندىقتان ول مۇنداي مالىمدەمەلەرمەن قوعامنىڭ ءبىر بولىگىن وزىنە تارتادى.

ونىڭ ءسوزىنىڭ ناقتىلاۋ كورىنگەن نەگىزگى بولىگىنە قارايتىن بولساق، وندا ءبىرىنشى پرەزيدەنتپەن بايلانىسى بار دەلىنەتىن جەكەلەگەن قارجى-ونەركاسىپتىك توپتاردىڭ قارجىلىق قىزمەتىن باقىلاۋعا بايلانىستى سۇراقتار بار. قازىر مەنشىكتى قايتا ءبولىسۋ باستالىپ جاتقانى بايقالادى. بۇل ادەتتە ءبىر ادامنىڭ كۇشى ازايىپ، ەكىنشىسى كۇشەيگەن كەزدە بولادى. بۇل ورتالىق ازيانىڭ كوپ ەلىنە ءتان. وزبەكستانعا قاراڭىز: يسلام كاريموۆتى ماقتاعاندار ەندى شاۆقات ميرزيەەۆتى سولاي ماداقتاپ جاتىر. تۇركىمەنستاندا ء[بىرىنشى پرەزيدەنت ساپارمۇرات] نيازوۆ قايتىس بولعاننان كەيىن گۋربانگۋلى بەردىمۇحامەدوۆتىڭ جەكە باسىنا تابىنۋ قالىپتاستى. قازىردىڭ وزىندە وسىنداي العىشارتتاردى كورىپ وتىرمىز. بۇعان قالاي جول بەرمەيمىز؟ قازاقستان بيفۋركاتسيا نۇكتەسى دەپ اتالاتىن جاعدايدا تۇر.

الدىمىزدا بىرنەشە جول تۇر. ءار داعدارىس وزگەرىسكە جول اشادى، بۇل – كلاسسيكا. بۇل مۇمكىندىكتى پايدالانباسا، قازىر الاڭدى وليگارحتار مەن ءتيىمسىز مەملەكەتتىك اپپاراتتان، بيلىكتىڭ بارلىق دەڭگەيىندەگى سابوتاج جاساۋشىلاردان تازالاماسا، ازاماتتىق قوعاممەن جۇمىستى باستاماسا، ساياسي جۇيەنى وزگەرتپەسە ء(ىرى نارازىلىقتى بولدىرماۋدىڭ جولى سول عانا، سەبەبى نارازىلىقتى زاڭدى تۇردە شىعارۋدىڭ جولى بار بولسا، الەۋمەتتىك پار جينالىپ قالمايدى), “30 جىل بوسقا ءوتىپتى، بارلىعىن جاڭادان باستايمىز” دەمەسە، ەلدى جوعالتىپ الامىز. ەكىنشى جول – بار كۇشىمەن جۇيەنىڭ قاڭقاسىن ساقتاپ قالۋ، ماردىمسىز وزگەرىس جاساپ، بارلىعىن مۇلىكتى بولىسۋمەن شەكتەۋ، ءبىر وليگارحتى ەكىنشىسىمەن الماستىرۋ. بۇل ءبىر ورىندا كىبىرتىكتەۋ بولادى.

ازاتتىق: قازىرگى بيلىك تۇبەگەيلى وزگەرىسكە بارا الا ما؟ امبيتسياشىل ماقساتتار قويىلدى، ال مەملەكەتتىك اپپارات – باياعى.

دوسىم ساتپاەۆ: تۇبەگەيلى وزگەرىس تۋرالى قانداي دا ءبىر سالماقتى باستاما ەستىمەدىم. بۇرىن ءوزى ايتىپ جۇرگەندەردى قايتالاۋ بولدى. رەفورمالار پاكەتى… ماسەلەن، [بىلتىرعى سايلاۋ مەن رەفورمالار تۋرالى مالىمدەلەردەن سوڭ] پارلامەنت تە سول بۇرىنعى پارلامەنت بولدى. كەشە عانا نازارباەۆتى ماقتاپ وتىرعان دەپۋتاتتار بۇگىن ءدال سولاي توقاەۆتى ماداقتاپ وتىر. توقاەۆتىڭ ماڭىنا كەزىندە نازارباەۆقا ماداق ايتىپ جۇرگەن ونىڭ پروپاگانديستەرى مەن بۇلبۇلدارى توپتاستى، ەندى ولار ەكىنشى پرەزيدەنتكە دە سولاي ماداق ايتا باستادى. بۇل الاڭداتادى. بەسەنەدەن بەلگىلى قاعيدات: پاتشانى جاسايتىن – ونىڭ اينالاسى. كادرلاردى تۇبىرىمەن قايتا جاساقتاپ، بيلىككە جاڭا ادامداردى اكەلمەيىنشە (ونى جاڭا الەۋمەتتىك ليفتىلەر مەن ءادىل دە تازا سايلاۋسىز جۇزەگە اسىرۋ مۇمكىن ەمەس), وندا سالماقتى ساياسي وزگەرىس كۇتۋ بەكەر.

توقاەۆ دەموكراتيالىق وزگەرىستەر تەز جۇرگەنىن قالايتىن ساياساتكەرگە ۇقسامايدى

ازاتتىق: توقاەۆتىڭ الدىندا قانداي سىن-قاتەر تۇر؟ ول قازىر نە ىستەۋى كەرەك؟

دوسىم ساتپاەۆ: ول قازىر ءدال نازارباەۆ ايتقاندى ايتىپ، شيكىزاتتىق ەمەس ەكسپورتتى ۇلعايتامىن، حالىقتىڭ ءال-اۋقاتىن جاقسارتامىن دەپ وتىر. بىراق ول 30 جىلدا بارلىق سالادا قۇردىمعا كەتكەنىمىزدى رەسمي تۇردە مويىنداسا، وندا ءبىر-ەكى جىلدا جاعدايدى تۇزەپ الامىز دەپ ۇمىتتەنۋ اقىماقتىق بولار ەدى. ءتىپتى توقاەۆ ازىرگە ساياساتقا تيىسپەي، ۇلكەن ساياسي رەفورمالاردى باستايدى دەگەن كۇننىڭ وزىندە ەكونوميكالىق جۇيەنى وزگەرتۋ ءۇشىن 10-20 جىل كەرەك بولادى. مۇنى [گرۋزيانىڭ بۇرىنعى پرەزيدەنتى ميحايل] سااكاشۆيليدىڭ مىسالىمەن جىلدامداتساق، وندا ءبىر، ءبىر جارىم جىل ىشىندە جاساۋعا بولادى. بىراق ول ءۇشىن بيلىكتە سااكاشۆيلي بولۋى كەرەك. ەكىنشىدەن، مەملەكەتتىك اپپاراتتى 90 پايىزعا وزگەرتۋ قاجەت. ۇشىنشىدەن، ەلگە جۇمىس ىستەيتىن، جەمقورلىققا باتپاعان جاس تەحنوكراتتاردان جاڭا ەليتا قالىپتاستىرۋ كەرەك، ال بۇل ءۇشىن ساياسي ەرىك-جىگەر قاجەت بولادى. بۇعان قوسا سااكاشۆيلي بيلىككە رەۆوليۋتسيادان سوڭ كەلگەنىن، وعان بيلىكتى مۇراگەرلىكپەن قالدىرماعانىن ەستە ۇستاعان ءجون.

مەنىڭشە، ەڭ ماڭىزدىسى – ءبىز جولعالتىپ العان ۇرپاقتى نە ىستەيمىز دەگەن سۇراق. بۇلىك پەن توناۋعا قاتىسقان جاستاردى نە ىستەيمىز؟ الماتىدا بۇل نەگىزىنەن شەت جاقتاردان كەلگەن ازاماتتار بولدى. ولاردى قايتا وقىتىپ، بىردەڭە ىستەۋ كەرەك. بۇل ماسەلەنى شەشپەسە، ەرتەڭ باسقا جەردە تاعى “جارىلادى”.

ازاتتىق راديولى

Related Articles

  • ءسىزدىڭ ءادىسىڭىز – قاتالدىق.

    ءسىزدىڭ ءادىسىڭىز – قاتالدىق. ءسىزدىڭ جۇمىسىڭىز شىدامدىلىق – بۇل قۇرال. اشتىققا، سۋىققا توزە ءبىل، اۋىرسىنۋ، جىلجىمايتىن مۇلىك. تەك بۇل قارسىلاسىڭىزدى بارلىق جەردە، ءتىپتى ونىڭ قورعانىس تەرەڭىندە دە جويۋعا مۇمكىندىك بەرەدى. قارسىلاس – اڭ-تاڭ. ونى باقىلاپ، ونى اتىپ تاستاڭىز. دۇشپانىڭ ىشەكشى – ودان گورى قاسىرەت بول. ول قاتال، ودان دا قيىن. ءسىزدىڭ ماماندىعىڭىز – ونەر. © ۋكراينا قارۋلى كۇشتەرىنىڭ سنايپەردەن ەستەلىك

  • باتىس بەرگەن قارۋ-جاراق ۋكرايناعا كومەكتەسە الا ما؟ ساراپشىمەن سۇحبات

    ريد ستەنديش اسكەري بەرەندى تەحنيكاعا ءمىنىپ كەلە جاتقان ۋكراين جاۋىنگەرلەرى. ۋكراينا قۇرلىق اسكەرى ءباسپاسوز قىزمەتى 2022 جىلعى 19 ساۋىردە جاريالاعان سۋرەت. ۇلىبريتانياداعى كونسەرۆاتيۆتىك پارتيانىڭ قاۋىپسىزدىك ماسەلەلەرى جونىندەگى بۇرىنعى كەڭەسشىسى، Article 7 كونسالتينگ توبىنىڭ باس ديرەكتورى گارۆان ۋولش باتىستىڭ اسكەري تەحنيكاسى ۋكرايناعا قالاي كومەكتەسە الاتىنىن، سوعىستىڭ ەندىگى كەزەڭى نەلىكتەن لوگيستيكاعا بايلانىستى ەكەنىن ايتتى. رەسەي اسكەرى ۋكراينانىڭ شىعىسىنداعى شابۋىلىن كۇشەيتە باستاعان شاقتا، باتىس ەلدەرى كيەۆتى قۋاتتى قارۋ-جاراقپەن قامتاماسىز ەتۋگە تىرىسىپ جاتىر. ۋكراينا بۇل سوعىستا تاباندىلىقپەن قارسىلىق تانىتىپ، رەسەي اسكەرى ەلدىڭ سولتۇستىگىنەن كەتتى. بىراق ساراپشىلار سوعىستىڭ ەندىگى كەزەڭى باتىستىڭ اسكەري كومەگى قانداي بولاتىنىنا بايلانىستى ءوربيدى دەيدى. جۋىردا اقش ۋكرايناعا قاۋىپسىزدىگىن نىعايتۋعا 800 ملن دوللاردىڭ كومەگىن بەرۋدى ماقۇلداعان. سلوۆاكيا، بالتىق ەلدەرى، كانادا سەكىلدى باسقا مەملەكەتتەر

  • قارا تەڭىزدە رەسەيدىڭ “ماسكەۋ” كرەيسەرى سۋعا باتتى. وعان نە بولدى؟

    مارك كرۋتوۆ “ماسكەۋ” كرەيسەرى رەسەيدىڭ قارا تەڭىزدەگى اسكەري فلوتىنىڭ فلاگمانى بولعان. 14 ءساۋىر كەشكە رەسەي قورعانىس مينيسترلىگى ەلدىڭ قارا تەڭىزدەگى اسكەري فلوتىنىڭ فلاگمانى – “ماسكەۋ” كرەيسەرى سۋعا باتقانىن حابارلادى. ساراپشىلار زىمىران قارۋى بار كرەيسەردەن ايىرىلۋ رەسەي فلوتىنا ەلەۋلى سوققى بولىپ تيەتىنىن ايتادى. 13 ءساۋىر كەشكە ۋكراينانىڭ ودەسسا وبلىستىق اسكەري اكىمشىلىگىنىڭ باسشىسى، پولكوۆنيك ماكسيم مارچەنكو telegram-كانالىنا رەسەيدىڭ قارا تەڭىز فلوتىنىڭ فلاگمانى (جولباسشى كەمە) سانالاتىن، زىمىرانمەن جابدىقتالعان “ماسكەۋ” كرەيسەرىنە ۋكراينانىڭ كەمەگە قارسى ەكى “نەپتۋن” زىمىرانى تيگەنىن جازدى. بىرنەشە ساعاتتان كەيىن رەسەي قورعانىس مينيسترلىگى تاسس اگەنتتىگىنە كەمەدە ءورت بولعانىن راستادى. اسكەري ۆەدومستۆو ء“ورت سالدارىنان “ماسكەۋ” زىمىران كرەيسەرىندە وق-ءدارى قورى جارىلدى. كەمەگە ەداۋىر زاقىم كەلدى. ەكيپاج تولىقتاي ەۆاكۋاتسيالاندى” دەپ مالىمدەپ، ءورتتىڭ شىعۋ سەبەبى انىقتالىپ جاتقانىن ايتقان.

  • رەسەي اسكەرى دونباسسقا شوعىرلاندى. ۋكراينا سوعىستىڭ جاڭا كەزەڭىنە قالاي دايىندالىپ جاتىر؟

    ريد ستەنديش دونباسستاعى سەپاراتيستەر. اقش تەڭىز اسكەرىنىڭ وتستاۆكاداعى پولكوۆنيگى، ۆاشينگتونداعى ستراتەگيالىق جانە حالىقارالىق زەرتتەۋلەر ورتالىعىنىڭ كەڭەسشىسى مارك كانسيان ازاتتىققا سۇحبات بەردى. ول ۋكرايناداعى سوعىستىڭ كەلەسى كەزەڭىندە نە بولاتىنىن، نەلىكتەن كيەۆكە وق-ءدارى كوبىرەك قاجەت ەكەنىن جانە رەسەي اسكەرىنىڭ تىعىرىققا تىرەلۋ سەبەپتەرى تۋرالى ايتتى. ۋكرايناداعى سوعىس ەلدىڭ شىعىسى مەن وڭتۇستىگىنە ويىسىپ جاتقاندا، كيەۆ ناتو ەلدەرىنەن رەسەي اسكەرىن جويۋعا قاجەت قارۋ-جاراق سۇرادى. جۋىردا چەحيانىڭ ۋكرايناعا سوۆەت كەزىندە جاسالعان ت-72 تانكىن، گاۋبيتسا مەن بروندالعان تەحنيكاسىن جىبەرگەنى بەلگىلى بولدى. وسىلايشا ولار كيەۆتىڭ وتىنىشىنە قۇلاق اسىپ، قولداۋدىڭ جاڭا دەڭگەيىنە وتكەنىن بىلدىرگەندەي بولدى. پولشا، ۇلىبريتانيا سەكىلدى ەلدەر دە قارۋ-جاراق جىبەرىپ جاتىر. ۋكرايناعا جۇزدەگەن ميلليون دوللار جۇمساعانىن مالىمدەگەن اقش تا قوسىمشا قۇرال-جابدىقتارىن تاسىمالداپ جاتىر. دەگەنمەن ۋكراينا كۇشتەرىنە ەندى تاكتيكانى وزگەرتىپ،

  • زامانبەك نۇرقادىلوۆتىڭ ۇلى اكە كەگىن قايتارماقشى

    ——————- «سەنى ءولتىرۋ شىبىننان دا وڭاي»: نۇرقادىلوۆتىڭ ۇلى قۇپيانىڭ شەتىن 17 جىلدان كەيىن شىعاردى (ۆيدەو) اۆتورى: نۇرلان ءالينۇر، 03.03.2022, “تۇركىستان” گازەتى زامانبەك نۇرقادىلوۆتىڭ ۇلى قايرات نۇرقادىلوۆ «ۋاقىت كورسەتەدى» باعدارلاماسىنا العاش رەت سۇحبات بەرىپ، 17 جىل بويى ايتپاعان قۇپياسىن جاريالادى دەپ حابارلادى turkystan.kz. ونىڭ ايتۋىنشا، ەندى اكەسى زامانبەك نۇرقادىلوۆ تۋرالى بار شىندىقتى ايتۋدىڭ ءساتى كەلگەن. شىندىقتى ايتۋ مەنىڭ پارىزىم دەپ سانايدى. «اكەم ساياساتتىڭ قۇربانى بولدى. ەكى رەت جۇرەگىنەن، ءبىر رەت ماڭدايىنان اتىپ، ءوز-وزىنە قول جۇمسادى دەگەنگە كەلىسپەيمىن. قايتىس بولعاندا دەپارتامەنتتەگىلەر مەنى جابىرلەنۋشى بولىپ، بارلىق ساراپتاما قۇجاتتارعا سەن قول قوياسىڭ دەدى. ءبىر جۇما وتكەننەن كەيىن پالتو كيگەن ۇزىن بويلى ورگانداعى ەكى جىگىت كەلدى. ولار «ءوز-ءوزىن ءولتىردى بولادى، سۋيتسيد دەپ جازامىز، سەن سوعان

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: