|  | 

Жаһан жаңалықтары

Украина мен Ресей шағын қала үшін неге соғысып жатыр?


Бахмут қаласының маңы. 5 наурыз, 2023 жыл

Бахмут қаласының маңы. 5 наурыз, 2023 жыл

Бірнеше айға созылған шабуылдан кейін Донбастағы Бахмут қаласы қантөгіс алаңына айналды. Украина шабуылға әлі қанша төтеп бере алады? Бахмут құласа, не болады?

Тамыздан бері Ресей әскері мен “Вагнер” жалдамалы тобы Бірінші дүниежүзілік соғыс кезіндегідей Бахмутқа құрлық әскерін жұмсап, Украина қорғанысын бұзу үшін үздіксіз шабуыл жасап жатыр.

Кейінгі айларда Украина елдің солтүстігіндегі Харьков облысы мен Днепрдің батыс жағалауындағы Херсон аймағында қарымта шабуылды үдетіп, бұл маңдағы шайқас назардан тыс қалған.

Бірақ желтоқсан айында шабуыл күшейіп, Ресей әскері Бахмутты үш жағынан қоршауға алды. Қоршаудағы Украина әскеріне қаладан шығатын бір ғана жол қалған. Алдағы бірнеше күнде Бахмут толықтай Ресейдің қолына өтуі мүмкін.

Сонымен бұл шайқастың мәні бар ма?

Әскери сарапшылар мен соғысты бақылаушылар үшін Бахмуттың стратегиялық маңызына қарағанда символдық мәні жоғары. Луганск облысының әкімшілік шекарасынан батысқа қарай 20 километр жерде Бахмутка өзенінің жағасында орналасқан 70 мың халқы бар қала шарабымен және тұз шахтасымен танымал болған.

Бахмут қаласы айнала қырат-төбемен қоршалған ашық жазықта, негізгі жолдар тоғысында орналасқан.

Ойлы-қырлы болғандықтан, қала минометпен атқылауға ыңғайлы. Қаланың жол торабында орналасуы әскер мен техниканы еркін тасымалдауға мүмкіндік береді.

Ресей әскері жеті-сегіз аптадан бері Бахмутты алу үшін шабуылды үдетіп жатыр, қала бірнеше күн ішінде құлауы мүмкін. 

“Қаланы қорғап қалуға қауқарымыз жететін сияқты. Өте ауыр. Жаудың үздіксіз шабуылына тойтарыс беру қиын. Қалаға кіріп-шығу қиындады. Бірақ азық-түлік, оқ-дәрі жеткізу, жаралы жауынгерлерді алып кету тоқтаған жоқ” дейдіУкраинадағы 5-шабуылдаушы бригаданың жауынгері Юрий Сыротюк.

Украинаның жоғары басшылары, бірінші кезекте, президент Владимир Зеленский Бахмутты қорғау жалғасатынын айтты.

“Украинаның бас қолбасшысы, генерал Валерий Залужний мен басқа да командирлер Бахмутты қорғау операциясын жалғастыруды қолдап отыр” делінген 6 наурызда шыққан Зеленский әкімшілігінің мәлімдемесінде.

Сол күні түнде жариялаған видеосында Зеленский былай деді: 

“Әскери басшылық кері шегінбеу туралы шешімді бірауыздан қолдады. Басқа позиция болмады. Бас қолбасшыға Бахмуттағы жауынгерлерге қосымша күш жіберуді тапсырдым”.

Батыс шенеуніктері барынша сақ болуға тырысып бақты.

“Украиндар Бахмуттың батысына қарай шегінетін болса, мұны оператив немесе стратегиялық сәтсіздік деп қабылдамаймын. Жанын салып Бахмутты қорғап жатқан жауынгерлердің еңбегін жоққа шығарғым келмейді. Бірақ Бахмут стратегиялық емес, символдық мәнге ие. Сондықтан орыстар қаланы басып алған күннің өзінде бұл соғыс барысы өзгерді дегенді білдірмейді” деді 6 наурызда АҚШ-тың қорғаныс министрі Ллойд Остин

“Бұл Украинаның қаланы қорғау қабілетін тежеуі мүмкін, бірақ олардың күресін тоқтатпайды. Ресей бұл мақсатқа көп шығындалып, қанша адамын құрбан етті. Сондықтан жақында украиндар қаладан кетуге мәжбүр болуы мүмкін” деп жазды Австралия әскерінің бұрынғы генерал-майоры, Ресей әскери доктринасы бойынша сарапшы Мик Райан.

УКРАИНА МЕН РЕСЕЙДІҢ ШЫҒЫНЫ БІРДЕЙ

Бахмутты қорғауға бір себеп болса, сарапшылар оны былай түсіндіреді: бұл Харьков облысына шабуыл алдындағы тактикаға ұқсайды, украиндар Ресей әскерін шығынға ұшыратып, көктем мен жаздағы шабуылдар алдында әлсіреткісі келеді.

Әскери сарапшылардың сөзінше, Ресейге Бахмутты солтүстік, шығыс пен батыстан қоршауға алу қымбатқа түскен: кейінгі айларда майданда қаза тапқан бір украинға жеті-сегіз орыс жауынгерінен келген. НАТО-ның аты-жөнін жасырын қалдыруды сұраған өкілетті қызметкерлері де CNN-ге берген сұхбатында осы деректі растаған.

“Жалпы алғанда, қарсыластың тактикасы өзгерген жоқ. Украина әскеріне қарсы шабуылға “тірі ет толқыны” ағылып жатыр” деді 1-арнаулы бригада өкілі Тарас Березовец «Настоящее времяға» берген сұхбатында.

Сарапшылар қазір Украина мен Ресейдің шығыны бірдей деп бағалап отыр.

“Бахмуттың стратегиялық мәні – қарсыласты барынша әлсіретіп, әл-дәрмені қалғанша шайқасу. Өйткені 2023 жылғы соғыс барысына осы шайқас шығыны едәуір әсер етеді. Қазір қай тараптың алда келе жатқанын айту қиын” дейді үкімет қаржыландыратын ұлттық стратегиялық зерттеулер институтының сарапшысы Николай Белесков.

Соғысты зерттеу институты да осы пікірге қосылады.

Америкалық сараптама орталығының зерттеуінде: “Ресей әскері шабуылын бірнеше ай бойы жалғастыруға тырысады. Бұл Украинаға бастаманы өз қолына алуға мүмкіндік береді” делінген.

Украинаның Бахмут үшін күресіне Ресейдің осы өңірге жіберген әскер құрамы да әсер етіп отыр.

Жақында Бахмутқа барып келген америкалық сарапшы, әскери-теңіз талдау орталығының қызметкері Майкл Кофман Twitter парақшасында “Украина Бахмутты жанкештілікпен қорғау арқылы Ресейдің оқ-дәрі қоры мен жауынгерлер санын азайтты. Бірақ бұл стратегия кері нәтиже беруі мүмкін. Өйткені Украина шабуылға ресурс үнемдеп отыр. Бұл маңызды операцияда жеңіске жетуге кедергі келтіреді” деп жазды. 

“СОҒЫС СТРАТЕГИЯСЫ НАШАР”

Ресей әскері Бахмутты алса, мақтануға себеп табылар еді. Өйткені осыған дейінгі Украинаның жеңісі Ресей әскеріндегі жүйелі мәселелердің бетін ашқан.

Ресейдің қорғаныс министрі Сергей Шойгу 7 наурызда “Бахмутты алсақ, Донецк облысына жол ашылады” деп мәлімдеді.

Бахмут шайқасында көбіне мобилизация кезінде әскерге алынған, дайындығы төмен жауынгерлер мен “Вагнер” тобының үгіттеуімен жазасын жеңілдету үшін соғысқа баруға келіскен тұтқындар қырылып қалды.

Батыс шенеуніктерінің мәліметінше, “Вагнер” тобына 50 мың тұтқын қосылған. Олардың барлығы дерлік Бахмут шайқасына жіберілген.

“Бұл – Бахмутты алудың соңғы мүмкіндігі. Олар жергілікті жерде болсын жеңіске жетуге тырысады” дейді Украина шығыс әскерінің баспасөз хатшысы, полковник Сергей Череватый.

“Вагнер” тобының басшысы Евгений Пригожин Бахмутты жаулап алғанын кемі екі рет айтқан. Ол Украина күштерінің көзін жоюға уәде берген.

«Вагнер» әскери тобының жетекшісі Евгений Пригожин Ресейдің сыртқы істер министрлігімен жұрт алдында тақасып отырғаны белгілі. Соғыс кезінде саяси танымалдығы артқан ол Бахмутты қорғаныс министрлігіне қарсы шоқпар ретінде пайдаланғысы келетіндей.

Украина мен Батыс шенеуніктері Бахмутты шабуылдап жатқан “Вагнер” әскерінің құрамы өзгеріп, топ қатары кәсіби дайындықтан өткен, тәжірибелі жауынгерлермен толыға бастағанын айтады.

Кейінгі апталарда Пригожин «Вагнер» тобына арналған оқ-дәрі қоры азайып бара жатқанын айтып шағынған. Бұрынырақта Пригожиннің жақтастары Шойгу мен Ресей бас штабының басшысы, генерал Валерий Герасимовқа қарсы шыққан.

“Орыстар Бахмутты алса, қираған қалаға ие болады. Қаланың стратегиялық маңызы төмен. Онда оккупациялық күштерге көмек болатын инфрақұрылым қалған жоқ. Ресейдің Бахмутты жаулап алуға сонша күш жұмсағаны олардың соғыс стратегиясының нашарлығын көрсетеді” деп жазды сарапшы Мик Райан.

Азат Еуропа / Азаттық радиосы

Related Articles

  • “Ақ қасқырлар”. Өзбекстан футболы жетістігінің сыры неде?

    “Ақ қасқырлар”. Өзбекстан футболы жетістігінің сыры неде?

    Руслан МЕДЕЛБЕК Өзбек ойыншысы Абдукодир Хусанов (2) пен БАӘ ойыншысы Луанзиньо (21) әлем кубогына іріктеу ойынында. 5 маусым, 2025 жыл. Футболдан 2026 жылғы әлем чемпионатына Өзбекстан құрамасының жолдама алғанына жастар футболының қандай қатысы бар? Өзбекстан футболы жетістігінің себебіне үңілдік. “ӘЛЕМДІК АРЕНАҒА ҚОШ КЕЛДІҢІЗДЕР” Өзбекстан Азия құрлығында Иран, Катар, БАӘ, Қырғызстан, Солтүстік Корея бар топтан екінші орын алып, 2026 жылғы әлем кубогына лицензия иеленді. Өзбек футболшылары тоғыз ойынның бесеуінде жеңіп, үшеуінде тең түсіп, бір ойында жеңілген. Осы нәтиже ұлттық команданың әлем чемпионатына шығуына жеткілікті болды. Бұл топтан Өзбекстаннан бөлек Иран да әлем чемпионатына қатысады. Өзбекстан әлем чемпионатына шығуға бірнеше рет өте жақын болған еді. Мәселен, 2014 жылғы әлем біріншілігінің іріктеуінде Иран,

  • Миллиардер Билл Гейтс бар байлығын Африка елдеріне аудармақ

    Миллиардер Билл Гейтс бар байлығын Африка елдеріне аудармақ

    Microsoft компаниясының негізін қалаушы және әлемдегі ең бай адамдардың бірі саналатын Билл Гейтс өзінің байлығын қайда жұмсайтынын ресми мәлімдеді. Кәсіпкер Африка елдеріндегі денсаулық сақтау, білім беру және кедейлікпен күрес салаларына шамамен 200 миллиард доллар инвестиция салуды жоспарлап отыр. «Жуырда мен өз байлығымды 20 жылдың ішінде толықтай тарату жөнінде шешім қабылдадым. Қаражаттың басым бөлігі осы жерде, Африкада, түрлі мәселелерді шешуге көмектесуге бағытталады», – деді Билл Гейтс өзінің қорымен бірлескен баспасөз мәслихатында. Басты басымдықтар: – инфекциялық аурулармен күрес (соның ішінде безгек, туберкулез, ВИЧ); – ана мен бала денсаулығын жақсарту; – ауылдық аудандардағы білім беру сапасын арттыру; – таза ауызсу мен санитария инфрақұрылымын дамыту; Билл Гейтс: «Бұл – қайырымдылық емес, бұл – инвестиция.

  • Украина “өрмегі” заманауи соғысты қалай өзгертті? Әскери сарапшылар пікірі

    Украина “өрмегі” заманауи соғысты қалай өзгертті? Әскери сарапшылар пікірі

    Украина “өрмегі” заманауи соғысты қалай өзгертті? Әскери сарапшылар пікірі Амос ЧЭПЛ Ресейлік “Белая” әуе базасын шабуылдаған украин дронынан түсірілген видеодан скриншот. Фото:Source in the Ukrainian Security  1 маусым күні жарияланған видеода бомбасы бар квадрокоптерлер жүк көлігінен ұшып жатқаны көрінеді, арғы жағында өрт болып жатыр. Сол күні Украина қауіпсіздік қызметі Ресей аэродромдарына соққы жасағанын, нәтижесінде Кремльдің стратегиялық бомбалаушы ұшақтары жойылғанын мәлімдеді. Әскери тактика бөлмелерінде бұл видеоларды мұқият зерделеп жатқаны анық. “Бұл шабуылды бүкіл әлем әскери қызметкерлері дабыл деп қабылдауы қажет” деді Жаңа америкалық қауіпсіздік орталығының Қорғаныс бағдарламасы директоры Стейси Петтиджон (ханым) Азаттық радиосына. “[1 маусымдағы шабуыл] көптеген қыры бойынша Украинаның ұзаққа ұшатын дрондар шабуылынан тиімді бола шықты. Өйткені шағын дрондар шашырап кетіп, әртүрлі нысандарды көздей алады

  • “Өрмектен” соң: ресейлік стратегиялық аэродромның спутниктен түсірілген суреттері жарияланды

    “Өрмектен” соң: ресейлік стратегиялық аэродромның спутниктен түсірілген суреттері жарияланды

    Азаттық радиосы Спутниктен түсірілген суреттер мен қолда бар өзге де деректер 1 маусым күні украин дрондары Ресей әскери аэродромдарына жасаған шабуылдың салдарынан Ресей кемінде 10 стратегиялық бомбалаушы ұшағынан айырылғанын растайды деп хабарлады Азаттықтың Орыс қызметі. “Стратегиялық бомбалаушы ұшақтар жойылған” OSINT-талдаушы Крис Биггерс 2 маусым күні таңертең Ресейдің Иркутск облысындағы “Белая” аэродромына украин дрондары жасаған шабуылдан кейін спутниктен түсірілген суреттерді жариялады. Бұл суреттер тіпті бұлттың ар жағынан да жер бетіндегі нысандарды “көре” алатын жасанды апертуралы радардың (SAR) көмегімен түсірілген. Фотосуреттерге қарағанда, әскери әуе базасында 4 Ту-95 және 4 Ту-22 стратегиялық бомбалаушы ұшақ жойылғанға ұқсайды. Шабуылға ұшыраған Ресейдің екінші әскери әуе базасы – Мурманск облысындағы “Оленья” аэродромының әзірге спутниктен түсірілген суреттері жоқ. Алайда Украинаның

  • ВСУ Ресейдің стратегиялық авиациясына ең ірі соққы жасады 

    ВСУ Ресейдің стратегиялық авиациясына ең ірі соққы жасады 

      1 маусым күні Украина Қарулы күштері Ресейдің бірқатар аэродромдарына ауқымды дрон шабуылын жасап, стратегиялық авиациясына ауыр соққы берді. Бұл соғыс басталғалы бері Ресейдің әуе күштеріне жасалған ең ірі шабуыл болуы мүмкін. Неміс басылымы Bild әскери шолушысы Юлиан Рёпкенің жазуынша, шабуыл кезінде 10-ға жуық стратегиялық бомбардировщик жойылуы мүмкін. Атап айтқанда, өртеніп жатқан Ту-95 ұшақтарының спутниктік суреттері жарияланған. Сарапшы бұл шабуылды Ресейдің стратегиялық ядролық әлеуетіне төнген елеулі қатер деп бағалайды. Германиялық әскери сарапшы Нико Ланге болса, Ресейдің стратегиялық ұшақтарының саны азайғаны — Еуропа қауіпсіздігі үшін оң қадам екенін атап өтті. Израильдік әскери шолушы Игаль Левин операцияны «салыстыруға келмейтін деңгейдегі шабуыл» деп сипаттады. Telegram-дағы жазбасында: «Украиндықтар шабуыл ауқымын аспандатып жіберді», — деді ол. Операцияны СБУ ұйымдастырған DW басылымының СБУ-дағы дереккөзіне сүйенсек,

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: