Kärim Mäsimovtiñ äkesi satıp jibergen balalar üyi zañdı ielerine qaytarıldı
Almatı oblısınıñ mamandandırılğan audanaralıq ekonomikalıq sotı Qajımqan Mäsimov satıp jibergen balalar üyiniñ ğimaratın keri qaytaruğa şeşim şığardı dep jazadı Total.kz. Sot ükimine säykes, qwrıltayşılar jiınınıñ hattaması qoldan jasalğanı anıqtalıp, ol jaramsız dep tanıldı. Esteriñizde bolsa, QR Prem'er-ministriniñ äkesi Almatı oblısındağı atalğan ğimarattı nebäri 10 million teñgege satıp jibergen bolatın.
Bwğan deyin jazğanımızday, Qajımqan Mäsimov «Fazıl-Gazı Toplı» qayırımdılıq qorı qwrıltayşılarınıñ biri bolğan. Ol jalğan hattama äzirleu arqılı aumağı 1074,8 şarşı metr bolatın ğimarattı öziniñ tuğan bauırına satıp jibergen. Boralday auılındağı osınau ğimaratta bwğan deyin äleumettik jağdayı tömen otbasılardan şıqqan jäne ata-anasınıñ qamqorınsız qalğan jetim balalar twrıp kelgen.
Mäsimovke aldanıp qalğan «Fazıl-Gazı Toplı» qorınıñ özge qwrıltayşıları – Iqlas Erlan, Olgun Mehmet jäne Baqıt Dariyabaev mwnan keyin sotqa arızdanıp, ğimarattı satu turalı hattamanı zañsız dep tabuın swrağan. 3 mamır küni sud'ya atalğan qwjattıñ rasımen de qoldan jasalğanın rastap, ğimarattı zañdı ielerine qaytaru turalı şeşim şığardı. Sonday-aq, prem'erdiñ äkesi memleketke salıq retinde 100 mıñ teñge töleui tiis. Al, 60 balağa arnalğan balalar üyiniñ qojayındarı sotta ädil şeşim şığarğanı üşin sud'yağa alğısın bildirdi.
sn.kz
Pikir qaldıru