QR Qarjı ministrligi ofşorlar tiziminde qazaqstandıqtardıñ boluın zerttep jatır
Qarjı ministrligi ofşorlar tiziminde qazaqstandıqtardıñ boluın zerttep jatır. Bwl turalı Tengrinews.kz tilşisine QR Qarjı ministrligi Memlekettik kiris komitetiniñ resmi ökili Jambıl Swrağanov habarladı.
“Bizde aqparat bar. Qazir mälimetter bazasına säykes zertteu jwmıstarı jürip jatır. Zertteudiñ nätijesine baylanıstı şeşimder qabıldanadı. Bwdan bizdiñ habarımız bar, jwmıs istep jatırmız”, – dedi Swrağanov.
Jurnalistik tergeulerdiñ halıqaralıq konsorciumı (ICIJ) 9 mamırda panamalıq Mossack Fonseca zañgerlik firmasınıñ 200 mıñnan asa klienti jaylı mälimeti bar tolıq mälimetter bazasın jariya etti.
Parlamenttegiler qazaqstandıqtardıñ daulı ofşorlar tiziminde bar bolıp şığuına qatıstı pikir aytqan edi.
Jalpı otırısta “Aq jol” frakciyasınıñ deputatı Azat Peruaşev osı taqırıpqa baylanıstı prem'er-ministr Kärim Mäsimovke saualın oqıdı. “Biılğı säuirde Jurnalistik tergeulerdiñ halıqaralıq konsorciumı älem boyınşa käsipkerler men şeneunikterdiñ ofşorlıq kestesin qoldanuınıñ mälimetterin jariya etti. Bwl oqiğalar “panamalıq dau” degen atauğa ie boldı, sebebi oğan panamalıq iri zañgerlik kompaniya negiz boldı. Ofşor aymaqtarı salıq saludı jetildirude ğana qoldanılmaytını belgili, sonımen qatar, byudjet qarajatın jımqıru men jemqorlıq üşin de qoldanıladı. Osığan baylanıstı joğarı lauazımdı memlekettik qızmetkerlerdiñ ofşor esepşottarınıñ boluı turalı mälimet köptegen elde şu şığardı. Islandiyanıñ prem'er-ministri otstavkağa ketti, al Wlıbritaniyanıñ prem'er-ministri baspasözge tüsinik beruge mäjbür boldı”, – dedi deputat.
Pikir qaldıru