Bas prokuratura: 21 mamırda wstalğan 51 adamğa şara qoldanıldı
Qazaqstanda 21 mamırda «jer mäselesi boyınşa şeruge» rwqsat berilmegenine qaramastan köşege şıqqandardan policiya wstağan 51 adam äkimşilik sotqa tartılğan. Bwl turalı bügin Astanada ötip jatqan «jer komissiyasınıñ» üşinşi otırısında Qazaqstan bas prokurorınıñ orınbasarı Andrey Kravçenko mälimdedi.
«Äkimşilik jauapqa tartılğan 51 adamnıñ törteui äkimşilik qamauğa alındı, 12 adamğa ayıppwl salınıp, 21 adamğa sot eskertu jasadı» dedi bas prokuratura ökili. Ol 21 mamırdağı oqiğalar boyınşa qılmıstıq ister qozğalğan joq dep mälimdedi.
Kravçenkonıñ sözinşe, prokuratura «mitingke şığu – zañsız» ekeni turalı aldın ala eskertu jasap, oğan qatısuğa nietin aşıq bildirgen ärbir azamatpen jeke äñgime ötkizgenine qaramastan adamdar «özderin ne tosıp twrğanın bile twra» köşege şıqqan.
«Olardıñ ärbirine keleñsiz jaytqa kezigui, policiya men onıñ arasında problema tuındauı mümkin ekeni turalı eskertildi. Soğan qaramastan keybiri şıqtı» dedi Kravçenko.
Onıñ aytuınşa, qazirgi kezge deyin policiya ökilderiniñ is-äreketine qatıstı azamattardan prokuraturağa tüsken 30 şağımnıñ 8-i 21 mamırdağı oqiğalarğa qatıstı.
«Mäselen, Aqtöbede wstalıp, sot äkimşilik qamauğa alu turalı şeşim şığarğan eki adamnıñ ötinişi qaraldı. Sot olarğa şığarılğan äkimşilik jaza merzimin 7 täulikke qısqartqan soñ keşe olar bostaldı» dep habarladı Kravçenko.
«Jer komissiyası» müşesi Mwhtar Tayjannıñ key azamattardıñ üstinen «wltaralıq arazdıq qozdıru» jäne «bilikti küşpen özertuge şaqıru» turalı baptar boyınşa qılmıstıq ister qozğalğanı turalı aqparatqa qatıstı qoyğan saualına bas prokuror orınbasarı Andrey Kravçenko onday ayıptaularğa «ayğaqtardı bügingi komissiya otırısınan keyin jeke kezdesip körsetuge» dayın ekenin ayttı.
21 mamırda Qazaqstanda birneşe qalada “jer mäselesine” qatıstı jiınğa kelgenderdi policiya jappay wstap äketken edi. Wstalğandar arasında bwl küngi oqiğa turalı habar dayındauğa barğan ondağan jurnalist te boldı. Resmi bilik ol küni ondağan azamat wstalğan dese, azamattıq belsendiler policiya köşeden birneşe jüz adamdı zañsız wstap äketti degen uäj aytadı.
Azat Europa / Azattıq radiosı
Pikir qaldıru