TÄUELSİZDİKTİÑ 25 JILDIĞINA 25 ALAŞ ARISINIÑ QANATTI SÖZDERİN WSINIP OTIRMIZ
Alaş arıstarı tağı bir jañğırmaq!
23 mausım küni Astana qalasındağı Wlttıq kitaphanada «Alaş aytqan asıl söz» attı kitaptıñ twsaukeseri (11:00-de) ötedi. Jaña kitap Qazaq eli Täuelsizdiginiñ 25 jäne Alaşorda Ükimetiniñ Ükimetiniñ basşısı Älihan Bökeyhannıñ 150 jıldığına oray jarıqqa şığıp otır. Sonday-aq, 1916 jılğı Wlt-azattıq köterilisiniñ 100 jıldığın da qaperden şığarğanımız joq. Jinaqqa wlt kösemi Älihan Bökeyhannan bastap Smağwl Säduaqaswlına deyingi 25 Alaş arıstarınıñ oy-tolğamdarı men qanattı sözderin toptastırıp berip otırmız. Osı rette 25 Alaş arıstarın iriktep, olardıñ qanattı sözderin jariyalauımızdıñ tegin emestigin ayta ketken jön. Öytkeni, biıl Täuelsizdigimizdiñ 25 jıldığı, osığan oray oqırman qauımğa 25 Alaş arısınıñ qanattı sözderin sıy retinde tartu etudi aldımızğa maqsat etip qoydıq. Bwl bastamanı jobanıñ avtorı retinde 2 jıl bwrın Şımkentte qızmette jürgende qolğa alğan edim. Alaş arıstarınıñ tom-tom eñbekterin aqtarıp, inju-marjan sözderdi iriktegen jurnalistSerik Joldasbai men tarihşı Erkin Erlanwlına mıñ alğıs! Sebebi atalğan azamattar bir jıl boyı Alaş arıstarınıñ sözin jinaqtaumen aynalıstı. Sondıqtan da Alaş arıstarınıñ wlt, din, til, bilim, mädeniet, öner sındı taqırıptağı tağılımı mol, ğibrattı sözderi oqırman qauımdı bey-jay qaldırmaydı degen senimdemin. Sonday-aq kitaptıñ jarıq köruine qoldau körsetken Beken Qonıs pen Erkebulan Kurmangalievke de alğısımız şeksiz.
Negizi biz köp jağdayda oyımızdı däl jetkizu üşin özge jwrttıñ oyşıldarı men sayasatkerleriniñ qanattı sözderin tilge tiek etemiz. Ökinişke qaray, öz qayratkerlerimizdiñ qanattı sözderin qaperden şığarıp alıp jatamız. Äytpese Älihan Bökeyhan aytqan qanattı sözder Atatürik pen Djordj Vaşingtonnan eş kem emes. Aytalıq, Vaşington: «Elim mağan ne beredi dep emes, men elime ne beremin» dep oylauımız kerek?» dese, Älihan Bökeyhan: «Tiri bolsam, han balasında qazaqtıñ haqısı bar edi, qazaqqa qızmet qılmay qoymaymın» deydi. Ündestik bar ma? Bar. Jalpı kitaptı paraqtap qarap şıqsañız, «Apıray, ä» degizetin qanattı sözder öte köp. Mwnı kitapqa pikir jazğan belgili alaştanuşı – ğalım Twrsın Jwrtbay da aytıp otır. Mine, osınday qwndı kitaptı oqimın deseñiz, Almatı qalasındağı «El şejiresi» baspasına habarlasıñız. (Abay dañğılı 143, kabinetter: 403, 413. tel; 394-42-04, 394-42-91) Sonday-aq, Şımkentte Beken Qonısovtan, Astanada Serik Joldasbaydan «Alaş aytqan asıl söz» kitabın satıp aluıñızğa boladı.
Al, Astanalıq ağayındı «Alaş aytqan asıl söz» attı kitaptıñ twsaukeserine şaqıramız. Twsaukeser 23 küni sağat 11:00 –de Wlttıq kitaphanada ötedi. Eger oqırman tarapınan qızığuşılıq bolıp jatsa, atalmış kitaptıñ twsaukeserin Alaştıñ astanası atanğan Semeyden bastap basqa qalalarda da ötkizuge mümkindik bar.
P.S. Osı kitaptı sapalı äri uaqıtılı şığarıp bergen “El-şejire” qayırımdılıq qorı” qoğamdıq qorınıñ prezidenti DidahmetwlıDaulet Aşimhanğa alğıs bildiremin.
Pikir qaldıru