وقو-نىڭ تاجىك اعايىندار كوپ تۇراتىن اۋىلىندا جاپپاي توبەلەس ورىن الدى
وڭتۇستىك قازاقستان وبلىسىنىڭ ماقتارال اۋدانى سەيفۋللين اۋىلىندا ورىن العان جاپپاي توبەلەس سالدارىنان ءۇش ادام جارالانىپ، دۇكەندەردىڭ بىرىنە ايتارلىقتاي زاقىم كەلگەن. بۇل تۋرالى وقو ءىىد ءباسپاسوز قىزمەتى حابارلاپ وتىر.
قاقتىعىستىڭ ورىن الۋىنا جەرگىلىكتى تۇرعىننىڭ كامەلەت جاسىنا تولماعان قىزدى زورلاماق بولعان ارەكەتى سەبەپ بولعان. دەگەنمەن، مەديتسينالىق تەكسەرىس كەزىندە جەتكىنشەك قىزدىڭ دەنەسىنەن زورلاۋ زاقىمدارى انىقتالماپتى. تەكسەرۋ كەزىندە قىزدىڭ اتا-اناسى دارىگەرلەر جانىندا تۇرعان. پوليتسەيلەر بولسا قر قىلمىستىق كودەكسىنىڭ 121-بابى، 4-تارماعىنا سايكەس ءىس قوزعاپ، تەرگەۋ امالدارىن جۇرگىزۋدە. باستى كۇدىكتى اتا-اناسىنىڭ جاۋاپكەرشىلىگىنە بەرىلگەن.
جەرگىلىكتى تۇرعىنداردىڭ بۇزاقىلىق ءىس-ارەكەتتەرىن تەرگەۋ بويىنشا اۋداندىق ءىىب كريميناليستەرىمەن جانە تەرگەۋشىلەرىمەن جەدەل-تەرگەۋ توبى قۇرىلدى. قوعامدىق قاكۋىپسىزدىكتى ساقتاۋ ماقساتىندا اتالعان ەلدىمەكەنگە ىشكى ىستەر ورگاندارىنىڭ 170 قىزمەتكەرى جۇمىلدىرىلعان. 1 تامىزدا وڭتۇستىك قازاقستان وبلىسى اكىمىنىڭ، وبلىس پروكۋرورىنىڭ، ىشكى ىستەر دەپارتامەنتى باستىعىنىڭ ورىنباسارلارى سەيفۋللين اۋىلىنىڭ تۇرعىندارىمەن جيىن وتكىزدى.
قۇقىققورعاۋ جانە مەملەكەتتىك ورگاندار، ازاماتتىق قوعام ينستيتۋتتارىنىڭ بىرلەسكەن ءىس-ارەكەتتەرىنىڭ ارقاسىندا، تارتىپكە قارسى ءىس-ارەكەتتەر شەكتەلىپ، توقتاتىلدى. جاعداي باقىلاۋدا دەيدى وقو ءىىد وكىلدەرى.
sn.kz
پىكىر قالدىرۋ