OQO-nıñ täjik ağayındar köp twratın auılında jappay töbeles orın aldı
Oñtüstik Qazaqstan oblısınıñ Maqtaral audanı Seyfullin auılında orın alğan jappay töbeles saldarınan üş adam jaralanıp, dükenderdiñ birine aytarlıqtay zaqım kelgen. Bwl turalı OQO İİD baspasöz qızmeti habarlap otır.
Qaqtığıstıñ orın aluına jergilikti twrğınnıñ kämelet jasına tolmağan qızdı zorlamaq bolğan äreketi sebep bolğan. Degenmen, medicinalıq tekseris kezinde jetkinşek qızdıñ denesinen zorlau zaqımdarı anıqtalmaptı. Tekseru kezinde qızdıñ ata-anası därigerler janında twrğan. Policeyler bolsa QR Qılmıstıq kodeksiniñ 121-babı, 4-tarmağına säykes is qozğap, tergeu amaldarın jürgizude. Bastı küdikti ata-anasınıñ jauapkerşiligine berilgen.
Jergilikti twrğındardıñ bwzaqılıq is-äreketterin tergeu boyınşa audandıq İİB kriminalisterimen jäne tergeuşilerimen jedel-tergeu tobı qwrıldı. Qoğamdıq qakuipsizdikti saqtau maqsatında atalğan eldimekenge işki ister organdarınıñ 170 qızmetkeri jwmıldırılğan. 1 tamızda Oñtüstik Qazaqstan oblısı äkiminiñ, oblıs prokurorınıñ, işki ister departamenti bastığınıñ orınbasarları Seyfullin auılınıñ twrğındarımen jiın ötkizdi.
Qwqıqqorğau jäne memlekettik organdar, azamattıq qoğam instituttarınıñ birlesken is-äreketteriniñ arqasında, tärtipke qarsı is-äreketter şektelip, toqtatıldı. Jağday baqılauda deydi OQO İİD ökilderi.
sn.kz
Pikir qaldıru