جاڭالىقتار كوز قاراس ساياسات شوۋ-بيزنيس
وتاندىق مامان: دوللار باعامى اپتا سوڭىندا 380 تەڭگە بولۋى مۇمكىن
ForexClub ساراپشىسى ايدار قالياسقار دوللاردىڭ تەڭگەگە شاققانداعى باعامى الداعى ۋاقىتتا قانشالىقتى قۇبىلاتىنىن بولجادى. بۇل تۋرالى NewTimes.kzاگەنتتىگىنە سىلتەمە جاساپ NUR.KZ پورتالى حابارلايدى.
ساراپشىنىڭ ايتۋىنشا، بۇگىندە ينۆەستورلار ءۇشىن ەڭ جاعىمسىز جايت الداعى ۋاقىتتا مۇناي باعاسىنىڭ تومەندەۋى بولماق.
«43 دوللار دەڭگەيىنە جەتكەندە تومەنىرەك ماقساتتار قويۋ كەرەك – شامامەن 40 دوللار دەڭگەيىندە. ال بۇل دەگەنىڭ تاعى التى پايىزدىق تومەندەۋدى بىلدىرەدى. سالدارى تەڭگە باعامىنا اسەر ەتەدى»، – دەيدى ايدار.
مامان بۇل ورايدا ساۋداداعى ەڭ ماڭىزدى سەرىكتەستەردىڭ ءبىرى رەسەيگە نازار اۋدارعان ابزال ەكەنىن العا تارتتى.
«امەريكالىق ستاتيستيكانىڭ دا اسەرىن نازاردان تىس قالدىرماعان ءجون: ەڭبەك نارىعى بويىنشا مالىمەتتەر جەتكىلىكتى دارەجەدە كۇشتى بولىپ شىقسا، دوللار نارىقتىڭ بارلىق سالاسىندا كوتەرىلە تۇسەدى. وسىلايشا اپتا سوڭىندا دوللار باعامى 360-380 تەڭگەگە دەيىن جەتۋى ابدەن مۇمكىن»، – دەپ ءتۇيدى قالياسقار.
ايتا كەتەرلىگى، بۇگىندە دوللار باعامى 351,59 تەڭگەنى قۇرايدى.
پىكىر قالدىرۋ