Demalıs künderi Almatı oblısı Jambıl audanındağı mal bazarındağı sauda-sattıqtan keyin üş birdey ağayındı azamattıñ iz-tüzsiz joğaluı halıqtı qattı alañdattı. Sol sebepti bügin Wzınağaşta halıq jinalıp, joğalğan azamattardıñ deregin anıqtaudı talap etken bolatın-dep habarlaydı egemen.kz .
Ökinişke qaray, jwrt amandığın jabılıp tilegen arıstay jigitter kisi qolınan qaza tapqanı anıq bolıp otır.
Qayğılı habardı oblıstıñ İşki ister departamenti rastadı. «Almatı oblısınıñ Jambıl audanı aumağınan öltirilgen adamdardıñ mäyiti tabıldı. Bwl bwğan deyin Köksu audandıq İşki ister bölimine kelip tüsken şağım boyınşa izdestirilip jatqan azamattardıñ mäyitteri ekeni anıqtaldı. Qazir qılmıstıq is qozğalıp, oqiğağa qatısı bar degen küdikpen Jambıl audanınıñ eki twrğını twtqındaldı. Audan aumağında oblıstıq İşki ister departamenti basşısınıñ orınbasarı N. Mäsimov bastağan jedel izdestiru tobı jwmıs jasap jatır», – dedi atalğan departamenttiñ baspasöz qızmetindegiler.
Däl osı sätterde bizder Jambıl audanındağı qwzırlı mekemelerdiñ basşılarına habarlasa otırıp, aqparattıñ rastığın anıqtağan edik.
«Qazirgi uaqıtta oblıstıq, audandıq äkimşiliktiñ basşıları, qwzırlı organdardıñ qızmetkerleri bir kisidey jwmılıp, osı mäselemen aynalısuda. Tiisti mekemelerden bölek, «Nwr Otan» partiyasınıñ oblıstıq, audandıq jetekşileri, mäslihat deputattarı da Wzınağaştağı qılmıstıq oqiğanıñ tolıq aşıluına, jauızdardıñ tiisti jazasın aluına müddelilik tanıtıp otır. Üş birdey azamatınan asa qayğılı jağdayda ayırılğan otbası müşelerine köñil aytıp, söylesip, barlıq amal-şaralardıñ qoldanılatının jetkizdik. Al Wzınağaşta bwl oqiğağa alañdap, tolqığan halıqqa da tüsindiru jwmıstarı jürgizildi. Köpşilikke basu aytıldı. Osı qayğılı jağdaydı paydalanıp, eldi odan äri dürliktirip, ürey tuğızğısı keletinder de bar. Özderi azalı, aşulı otbasın da arandatqısı kelip otırğandar bar. Osını da halıqqa jetkizdik. Qazir el taradı. Al qayğılı oqiğağa baylanıstı qılmıstıq is qozğaldı. Küdiktilerge qatıstı tergeu jwmıstarı jürgizilip jatır. Ärbir aqparattı tekserip, jağdaydı tolıq baqılap otırmız, – dedi audandıq qwqıq qorğau organdarınıñ jwmısına tikeley jauaptı, Almatı oblısı Jambıl audanı äkiminiñ birinşi orınbasarı Nwrlan Ertaswlı.
Eske sala keteyik, ötken jeksenbi küni Almatı oblısı Köksu audanınıñ twrğındarı – Jarqınbek Doldanwlı, Mwqiyat Zarlıhanwlı jäne Qadılbek Älimhan attı ağayındı jigitter 2 Kamaz köligimen Almatı oblısı Jambıl audanı Wzınağaş auılındağı mal bazarına mal satuğa barğan. Sodan izim-qayım joğalğan azamattardıñ mäyiti bügin tabıldı.
Qalmahanbet Mwqametqali,
Aynaş Esali.
egemen.kz
Pikir qaldıru