Ötken aptada üş otbasınıñ oyranın şığarğan oqiğa boldı. Almatı oblısı Jambıl audanınıñ ortalığı Wzınağaş kentindegi mal bazarına 18 qırküyek küni mal äkelgen 1979 jılğı Doldanwlı Jarqınbek, 1973 jılğı Zarlıhanwlı Mwqiyat pen Älimhan Qadılbek esimdi azamattardıñ joğalğanı belgili bolıp, artınşa ol jigitterdiñ süyegi tabıldı. Täuelsizdik alğannan keyin, eli men jerin añsap jetken üş azamattıñ qazası är qazaqtıñ qabırğasın qayıstırıp ketkeni ras.
Qazaq qazir mıñğa bölindi. Ruşıldığımız asqınıp twr. Dinşildigimiz basımızdı bir dastarhanda tüyistirmeytin boldı. Orıstildiler men qazaqtildiler bolıp, tağı qırqısıp jatamız. Endi kelip, jergilikti qazaqtar men oralmandar atanıp alıp, qaq jarıludıñ aldında twrmız. Aqparat qwraldarınan estuimizşe körşi elde «Qazaqstanda Qıtaydan kelgenderdi qırıp jatır eken?» degen qaueset tarap jatqan körinedi.
Qazaqtıñ basın qospau, «elim men jerim» dep otırğan ağayınnıñ ıstıq köñilin suıtu üşin äli talay qitwrqı äreketter jasaluı mümkin. Desek te, qazaqtıñ sanalı wrpağı mwnday arandatuşıldardıñ sözine ermeydi dep oylaymız.
Üş jigittiñ ölimine sebep, olardıñ oralman boluı emes. Bwl – isker jigitterdiñ tapqanına köz alartqan jendetterdiñ isi. Qılmıskerlerdiñ kökeyin tesken – aqşa. Sol sebepti aqşa üşin jasalğan qılmıs äleumettik narazılıqqa wlaspauı tiis. Şetten kelgen türli diasporanı qwşağına sıyğızğan qazaq öz qandasın da özekten teppeydi. Osını qandastar tüsinse deymiz.
Biraq, är elde, är jerde bir tentektiñ bolatını ras. Qılmıskerdiñ wltı men tegi bolmaydı. Sondıqtan da, elimizdegi tentekterimizdi bastıqtıra almağanımız üşin, şetten kelgen är ağayınnan jergilikti qazaqtar keşirim swrauğa tiispiz.
Bwl mäselege Qazaqstan Respublikasınıñ İşki ister ministri Qalmwhanbet Qasımov mırza bastap, özge de qwziretti organdar tikeley aralasıp, kinäliler ädil jazasın aluı qajet.
Bizdiñ äzirge aytarımız osı.
Şäriphan Qaysar
Abai.kz
Pikir qaldıru