QASIM-JOMART TOQAEV
“Almatı oblısında üş ağayın mal üşin öltirildi, 9 bala jetim qaldı. Bwl qasiret. İİM mwqiyat tergeu jasap, kinälilerdiñ bärin jazağa tartatınına senemin”, -dep jazdı Toqaev öziniñ Twitter jelisindegi paraqşasında.
Eske sala ketsek, ötken jeksenbide BAQ-ta Almatı oblısı Jambıl audanında mal saudasımen aynalısıp jürgen üş jigittiñ joğalıp ketkeni turalı habarlanğan edi.
Marqwmdardıñ tuısqandarınıñ aytuınşa, Doldanwlı Jarqınbek (1979 jılı tuğan), Zarlıhanwlı Mwqiyat (1973 jılı tuğan) jäne Älimhan Qadılbek Şığıs Qazaqstan oblısınıñ Tarbağatay audanınan satıp alğan 40 bas maldı eki jük köligimen 17 qırküyek küni Wzınağaş bazarına şığarğan. Sodan keyin iz-tüzsiz joğalıp ketken. Birneşe künnen keyin olar öli küyinde tabıldı.
24 qırküyekte Almatı oblıstıq İşki ister departamentiniñ baspasöz qızmeti iz-tüzsiz joğalğan üş ağayındınıñ ölimine qatıstı küdiktiler wstalğanın habarladı.
Kisi öltiru faktisi boyınşa tergeu jwmıstarı Almatı oblıstıq İşki ister departamenti basşılığınıñ qatañ baqılauına alınğan.
Al bügin öltirilgen ağayındılar jer qoynına berildi, qaralı jiınğa jüzdegen adam jinaldı.
Pikir qaldıru