Qanat Islam men Patrik Allotey baspasöz jiının ötkizip jatır
Almatıda qazaqastandıq käsipqoy boksşı Qanat Islam men onımen 29 qazanda ringke şığatın qarsılası ganalıq Patrik Allotey baspasöz konferenciyasın ötkizip jatır.
Patrik Allotey Almatığa birer kün bwrın kelgen. Kezdesu Almatıda 29 qazan küni sağat 18-de “Arena” keşeninde ötedi.
Baspasöz konferenciyasında Allotey “Qazaqstanğa oyın üşin emes, jeñis üşin kelgenin” ayttı. Ol “Qanat men siyaqtı mıqtı qarsılaspen jwdırıqtasıp körgen emes” dedi. Alloteydiñ sözinşe, ol Qanat Islamnıñ Olimpiada oyındarına qatısqanın, onıñ bwğan deyingi jekpe-jekterin zerttep körgenin ayttı.
Qanat Islam qarsılasınıñ mıqtı ekenin, biraq barlığı ringte ayqındalatının ayttı.
Qanat Islamnıñ qarsılası ganalıq 25 jastağı boksşı Patrik Allotey käsipqoy ringte 36 kezdesu ötkizip, 34 kezdesude jeñiske jetken, eki kezdesude jeñilgen. Al Qanat Islam käsipqoy ringte 21 kezdesu ötkizip, barlığında jeñiske jetken. Ol 19 jekpe-jekti uaqıtınan bwrın ayaqtağan.
Azattıqtıñ “Siz jeñemin dep keldiñiz jäne soğan senimdisiz. Degenmen, jeñilgen jağdayda qanday reakciya bildiresiz?” degen swraqqa “Men jeñilemin dep kelgen joqpın” dep qana jauap berdi.
Qazannıñ 29-ındağı kezdesude jeñiske jetken boksşı super orta salmaqta (69 kg) WBO (Älemdik boks wyımı) twjırımı boyınşa qwrlıqaralıq çempion jäne IBO (Halıqaralıq boks wyımı) twjırımı boyınşa halıqaralıq çempion atağın aladı. Al Qanat Islam WBA Fedelatin nwsqası boyınşa Amerika aymağı çempionı atağın qorğauı tiis.
Azat Europa / Azattıq radiosı
Pikir qaldıru