قازاقستاندىق اكتەر تۇڭعىشباي جامانقۇلوۆ ۇستالدى
سىبايلاس جەمقورلىققا قارسى ءىس-قيمىل ۇلتتىق بيۋروسى “فەنيكس” كوركەمفيلمىنىڭ تۇسىرىلىمدەرىنە بولىنگەن قاراجاتتىڭ جىمقىرىلعانىن انىقتادى، – دەپ حابارلايدى Tengrinews.kz تىلشىسى ۆەدومستۆونىڭ ءباسپاسوز قىزمەتىنە سىلتەمە جاساپ.
تەرگەۋدىڭ مالىمەتىنشە، “قازاقفيلم” اق-نىڭ “ت.ك.TURAN UNIVERSAL BUSINESS” جشس-عا ءفيلمنىڭ وندىرىسىنە 79 ميلليون تەڭگە بولگەنى انىقتالعان. “ونىڭ 69 ميلليون تەڭگەسىن كارتينا پروديۋسەرى تۇڭعىشباي جامانقۇلوۆ جىمقىرعان. ول – “ت.ك.TURAN UNIVERSAL BUSINESS” جشس-نىڭ قۇرىلتايشىسى”، – دەلىنگەن حابارلامادا.
سونداي-اق، قاراجاتتىڭ قوسالقى مەردىگەرلىك ۇيىمداردا قولما-قول اقشاعا اينالدىرىلىپ، تۇڭعىشباي جامانقۇلوۆقا بەرىلگەنى ايتىلادى.
سونىمەن قاتار، قاراجات جىمقىرۋعا “قازاقفيلم” اق-نىڭ ەكونوميكا جانە قارجى جونىندەگى باسقارۋشى ديرەكتورى گ.ىسقاقوۆانىڭ جانە ءفيلمنىڭ اتقارۋشى پروديۋسەرى ن.يۋدينانىڭ قاتىسى بار ەكەنى دالەلدەنگەنى حابارلانىپ وتىر. ايتا كەتەيىك، ولار سوتتىڭ سانكتسياسىمەن قاماۋعا الىنعان بولاتىن.
tengrinews.kz
پىكىر قالدىرۋ