|  |  |  | 

Спорт Сұхбаттар Шоу-бизнис

Мырзағали Айтжанов, бокстан ұлттық құраманың бас бапкерi: СЕРКЕГЕ ҒАНА СЕНIМ АРТАМЫЗ

Өткен аптада Алматыда спорттың бiрнеше түрi бо­йынша конфедерация кубогы сарапқа салынды. Бокстан конфедерацияның кубогы мен 25 миллион теңге сый­ақысы Маңғыстау облысының балуандарына бұйырды. Одан бұрын Павлодарда ересектер арасындағы ел бiрiншiлiгi мәресiне жеттi. Қараша айында Ресейдiң Санкт-Петербор қаласында жастар арасында әлем чемпионаты дүрiлдеп өттi. Ұлттық құраманың бас бапкерi Мырзағали Айтжанов осындай дүбiрлi додалардан кейiн құрама сапында өзгерiстер болғанын мәлiмдедi. Кей боксшылар салмағын ауырлатып, өзге салмаққа ауысса, құрама намысын он жылдан аса уақыттан берi қорғап келе жатқан тiсқаққан саңлақтар жастарға орнын босатты. “Павлодарда өткен ел чемпионатында бiрнеше боксшымыз өздерiнiң үйреншiктi салмағынан өзгесiне ауысты. Ендi әр салмақта кiм серкелiкке жарайды, сенiм соған артылады” дейдi Мырзағали Айтжанов.
– Әңгiменi жақында ғана аяқталған ел чемпионатынан бастадық қой, бас бапкер ре­тiнде қалай бағалайсыз?
– Ел чемпионатын ұйымдастыру жайында ешқандай мәселе жоқ, Павлодарда көктемде жастар арасындағы Азия чемпионаты өт­кiзiлдi. Сондықтан бұл өңiрде де бокстың қарқынды дамып, жастардың осы спорт түрiне деген қызығушылығы күн санап артып келедi. Ендi ел бiрiншiлiгi жайлы айтсақ, жастар көп қатысты. Бiз Рио Олимпиадасында медаль алған боксшыларды ел чемпионатына қатыстырған жоқпыз, оларға демалыс бердiк. Одан сырт Олимпиада дуына қосылған, алды үш рет жазғы Олимпиаданың сынына түскен тәжiрибелi боксшылар жастарға орнын босатып, ұлттық құрамадан кеттi. Мүмкiн содан да шығар, әр өңiрдiң бапкер­лерi ел бiрiншiлiгiне 18-20 жас аралығындағы жас таланттарды көп­теп қосты. Кейбiреулерi тәжiри­бенiң аздығынан, ересектер додасына алғаш қосылғандықтан тартыншақтап жүлдеге iлiне алмады. Олардың да арасында келешекте тегеурiндi боксшы шығатындары бар. Албырттығына қарамастан тәжiрибелi боксшыларға лайықты қарсылық көрсете бiлдi.
– Рио Олимпиадасының қатысушылары Абылайхан Жү­сiпов 64 келiден 69 келiге, әлем чемпионы Жәнiбек Әлiм­ханұлы 75 келiден 81 келiге ауысты. Бұрын 52 келiде сынға түсiп жүрген Iлияс Сүлейменов 56 келiде бағын сынап көрдi. Ел бiрiншiлiгiнде Жәнiбек пен Абылайхан сенiм үдесiнен шыға бiлдi. Ендi олар осы жаңа салмақ дәржесiнде сынға түседi ғой.
– Жазғы Олимпиада ойындарынан кейiн жеке бапкерлерiмен ақылдасып, бұл боксшылар жаңа салмақ дәрежесiне ауысты. Ендi осы салмақтың мықтысы болу үшiн барын салуы керек. Әрине 56 келiде әлем чемпионатының қола жүлдегерi Қайрат Ералиев бар, 69 келi жазғы Олимпиада ойындарында “қазақтың салмағы” атанып кеткенi әмбеге аян. Әлем чемпионы, Рио Олимпиадасының жеңiм­пазы Данияр Елеусiнов бар мұнда. Одан бөлек 69 келiде жастар арасында әлем чемпионы атанған Садриддин Ахмедовтi де албырттығына қарамай құрама сапына қабылдадық. 81 келi де – қазақ үшiн олжаны көп берген салмақ. Кезiнде Атланта Олимпиадасында Василий Жиров 81 келiде алтын медальмен бiрге Вэл Баркер кубогын иелендi. 81 келiде бiрнеше жылдан берi Әдiлбек Ниязымбетов сынға түсiп жүр. Әлем чемпионаттарында, жаз­ғы Олимпиада ойындарында олжа салды. Келешекте қалай болатынын тек ринг шешедi. Әр салмақтың саңлағын анықтау атағына, жиған абыройына қарап сараланбайды, бiз үшiн кiм тегеурiндi тiзгiндi соған ұстатамыз.
– Ауыр салмақтағы түйткiлдi мәселе шешiлiп келе ме?
 – Жастар бар, бiрақ олар әлi де шикiөкпе. Ауыр салмақтағы бокс­шылардың саны артып келе жатқаны қуантады. Павлодардағы ел чемпионатында жүлдегер атанған Нұрлан Сапарбай деген бозбаланы да құрамаға қабылдадық.
– Бүкiләлемдiк бокс сериясының алдағы маусымының жеребесi тартылды. “Астана арландары” клубының боксшылары топтық кезеңде Ресей, Өзбекстан, Қытай елдерiнiң боксшыларымен жұдырықтасады. Соңғы жылдары ұлттық құраманың белдi боксшылары да “арландыққа” жарап, клубтың намысы үшiн жекпе-жекке түстi. Бұл жолы қалай болады?
– Бүкiләлемдiк бокс сериясының биылғы маусымында клубтың бапкерлерi мен бас менеджерi Серiк Сәпиев жас боксшыларға сенiм артуды жөн санап отыр. Жас­тарға мүмкiндiк берiп, өздерiн дәлелдеуiне орай туғызбақ. Әрине, ұлттық құраманың да боксшылары клубтың атынан сынға түсiп, ел намысы жолында ештеңеден аянбайды. Бiз үшiн келесi жылдың басты додасы – Азия бiрiншiлiгi мен әлем чемпионаты. Осы екi додада бокс­шылар барын салуы керек.
– Өзiңiз баптап өсiрген Бiржан Жақыпов, Берiк Әбдi­рахманов, Олжас Сәттiбаев сынды боксшылар құрамадан кеттi. Бiрақ күнi кеше конфедерация кубогында Берiк Әбдiрахманов Маңғыстау облысының командасында жұдырықтасып, жеңiске жеттi.
– Бұлар өздерi ойланып-толғанып құрамадағы орынды жастарға босату жайлы байламға келдi. Бiржан мен Берiк былтыр АИБА-ның АРВ жобасында бақтарын сынады. Осынау жобамен жасасқан келiсiм­шарттары бар. Егер де жоба биыл да жалғасын тапса, бұл боксшылар сол жерде шеберлiктерiн көр­сетедi.
– Жәнiбек Әлiмханұлы кә­сiпқой боксқа қатысып, өзiн сынап та көрдi. Рио Олимпиадасы кезiнде де бiздiң бокс­шылар­ға кәсiпқой бокстың прмоу­терлерi көз тiгiп, қызығушылық танытып едi.
– Кәсiпқой бокстың терiсiн илеп, сол салада жүрген әрiптес­тер айыптай қоймас, бiрақ кәсiп­қой бокста Жәнiбекке қарсылас атанған боксшының әлеуетi бiздiң оғланмен салыстыруға мүлде келмейдi. Екеуiнде аспан мен жердей айырмашылық бар. Кезiнде өзiмiз де жұдырықтасып, әуесқой бокста 245 жекпе-жек өткiздiк, АҚШ-қа барып, кәсiпқой бокстың майын iшкен майталмандармен де рингтке күш сынасып көрдiк. Жәнiбек – әлем чемпионы, Азия ойын­дарының жеңiмпазы.
АҚШ кәсiпқой боксқа қазақтың, орыстың, украинның боксшыларын тартуға әуес. Неге? Өйткенi олар дайын. Мысалы, Жәнiбекке неге көз тiгiп жүр? Жаңа айттым, әлем чемпионы атағын иелену екiнiң бiрiнiң қолынан келе бермейдi. Жәнiбекте мұндай марапат бар. Әлiмхан­ұлының әлi талайға же­тетiнiн бiл­гендiктен кәсiпқой боксқа қосқысы келетiндер көп.
АИБА Рио Олимпиадасында бокстың мәртебесiн көтеру үшiн кәсiпқойлардың да қатысуына мүмкiндiк бердi. Кәсiпқой боксшылардың қайсысы Олимпиада чемпио­ны атанды? Ешкiм де. Олар кәсiпқой рингтке жылына төрт-бес жекпе-жек өткiзедi. Ал әуесқойлар өздерiнiң салмағын үнемi бақылауда ұстайды, үш күнде үш жекпе-жек өткiзедi.
– Рио Олимпиадасына әзiр­лiк жүргiзгенде өзге елдердiң боксшыларымен бiрлескен оқу-жаттығу жиынын өткiздiңiздер. Келесi жылы Азия құрлығындағы аламан мен әлем бiрiн­шiлiгiне дайындықты қаңтар айынан бастайсыздар. Басқа елдермен тiзе қосып дайындықтан өту жоспарда бар шығар.
– Бiзге келiп тәжiрибе алмас­қысы, үйренгiсi келетiн елдерде қисап жоқ. Бiрақ бiз олардың барлығына мақұл дей алмаймыз. Құраманың әлеуетiне қараймыз, боксшыларын салмақтаймыз. АҚШ-тың ұлттық құрамасы бiздiң елге келуге ынта бiлдiрiп отыр. Кейiнiрек Германияға оқу-жаттығу жиынына баруымыз мүмкiн. Немiстер қолқа салып шақырту жiбердi. Қай елмен бiрлесiп әзiрлiк өткiзсек те, бiздiң мақсат – әлем чемпионатынан қомақты олжамен оралу.
Сұхбаттасқан Қ.Рахмет
zhasalash.kz

Related Articles

  • “Геосаясат илеуіне түсіп қалуымыз мүмкін”. Қазақстанда АЭС салуға қатысты сарапшы пікірі

    Елена ВЕБЕР Атом электр стансасын салу және пайдалану экологиялық қатер және төтенше жағдайда адам денсаулығына қауіпті ғана емес, оған қоса соғыс барысында Украинаның Запорожье АЭС-індегі болған оқиға сияқты бопсалау құралы дейді әлеуметтік-экологиялық қордың басшысы Қайша Атаханова. Ол мұның артында көптеген проблема тұрғанын, қазақстандықтарға АЭС салу жөніндегі референдум қарсаңында біржақты ақпарат беріліп, онда тек пайдалы жағы сөз болып жатқанын айтады. Сарапшы АЭС-тің қаупі мен салдары қандай болатыны жайында ақпарат өте аз деп есептейді. Голдман атындағы халықаралық экологиялық сыйлықтың лауреаты, биолог Қайша Атаханова – радиацияның адамдарға және қоршаған ортаға әсерін ширек ғасырдан астам зерттеп жүр. Ол бұрынғы Семей полигонында және оған іргелес жатқан аудандарда зерттеу жүргізген. Қарағанды университетінің генетика кафедрасында оқытушы болған.

  • “Қазақстан дұрыс бағытта”. Деколонизация, Украинадағы соғыс және Қаңтар. Балтық елшілерімен сұхбат

    Дархан ӨМІРБЕК Балтық мемлекеттерінің Қазақстандағы елшілері (солдан оңға қарай): Ирина Мангуле (Латвия), Эгидиюс Навикас (Литва ) және Тоомас Тирс. Совет одағы ыдырай бастағанда оның құрамынан бірінші болып Балтық елдері шыққан еді. Өзара ерекшеліктері бар болғанымен, сыртқы саясатта бірлігі мықты Латвия, Литва және Эстония мемлекеттері НАТО-ға да, Еуроодаққа да мүше болып, қазір көптеген өлшем бойынша әлемнің ең дамыған елдерінің қатарында тұр. Ресей Украинаға басып кіргенде Киевті бар күшімен қолдап, табандылық танытқан да осы үш ел. Соғыс басталғанына екі жыл толар қарсаңда Азаттық Балтық елдерінің Қазақстандағы елшілерімен сөйлесіп, екіжақты сауда, ортақ тарих, Ресей саясаты және адам құқығы тақырыбын талқылады. Сұхбат 8 ақпан күні алынды. “БІЗДЕ ҚАЗАҚСТАНДЫ ДҰРЫС БІЛМЕЙДІ” Азаттық: Сұхбатымызды Балтық елдері мен Қазақстан арасындағы сауда қатынасы

  • Алматыда зілзала болса, ең алдымен қандай үйлер қирауы мүмкін? Сәулетші Айдар Ерғалимен сұхбат

    Пётр ТРОЦЕНКО Алматының жоғарғы жағындағы көпқабатты ғимараттар. 18 шілде, 2022 жыл Қазақстандық сәулетші Айдар Ерғали егер күшті жер сілкінісі болса, сейсмикалық қауіпті аймақта орналасқан Алматы қаласы қандай қиындықпен бетпе-бет келетінін, совет кезінде салынған үйлер қазіргі заманғы көпқабатты ғимараттармен салыстырғанда жер сілкінісіне төтеп беруге неліктен әлсіз екенін айтты. 23 қаңтар күні Алматыда жер әдеттегіден қаттырақ сілкініп, елді дүрліктірді. Бұл оқиға кең ауқымдағы табиғи апатқа қала билігі мен тұрғындар қаншалықты дайын деген әңгімені қайта қоздырды. Жұрт әсіресе төтенше жағдайлар жөніндегі департаменттің ерте хабарлау жүйесі дұрыс жұмыс істемегенін, СМС-хабарламалар дер кезінде түспегенін де сынға алды. Жер бірінші рет сілкінген сәтте Алматы тұрғындары жапа-тармағай үйден сыртқа қарай жүгірді, кейбірі тіпті сырт киімін де кимеген

  • Цифрлі теңге “жаңа экономика” құруға көмектеспек

    Блокчейн технологиялары Қазақстанды жемқорлықтан барынша тазартып шыға алады. Бүгін Мемлекет басшысы бюджет қаражатының жұмсалуын бақылау үшін цифрлық теңгені пайдалана отырып, ақшаны таңбалау кілті туралы айтып өтті. Цифрлі теңгенің ең мықты жері осы. Программаланған токен болғандықтан ақша кімнен кімнің қолына өтті, бақылап отыра аламыз. Мысалы, мемлекеттік тендерлердің барлығын цифрлі теңгеге ауыстырып, осы тендерлік цифрлі теңгені қолма-қол ақша ретінде шешіп алу мүмкін болмайтындай жасап қоюға болады. Сонда біз тендер жеңімпазының ақшаны қалай жұмсағанын, кімнен тауар алғанын, кімдерге қанша айлық төлегенін көріп, содан үлкен BIG Data базасын құраймыз. Дәл осы кезде, мемлекеттік ақшаға мүмкіндігінше қазақстандық тауар алынғандығын бақылап, мәжбүрлеп отыруға мүмкіндік бар. Осы арқылы жемқорлықты атымен жойып, отандық бизнеске мықты қолдау көрсете алмақпыз.

  • “Жеңіліс ауыр тиді”. Қазақстан Еуро-2024 додасына тікелей жолдама ала алмады. Бірақ әлі бір мүмкіндігі бар

    Словения-Қазақстан матчы. Любляна, 20 қараша, 2023 жыл Футболдан Қазақстан құрамасы Люблянада Словения құрамасынан 1:2 есебімен жеңіліп, 2024 жылы Германияда өтетін Еуропа чемпионатына тікелей жолдама ала алмады. Бірақ Қазақстан келесі жылы наурызда Еуро-2024 додасына лицензия алуға тағы бір рет талпынып көрмек. Словениядағы ойын қалай өтті? Қазақстан құрамасының бас бапкері жеңіліс жайлы не деді? Люблянадағы матчқа барған Азаттық тілшісінің репортажы. МАТЧ ҚАЛАЙ ӨТТІ? Ойын бастала сала Словения құрамасы шабуылға көшіп, матчтағы басымдықты өз қолына алуға тырысты. Матчтың 26-минутына дейін Словения ойыншылары Қазақстан қақпасына төрт рет қауіпті соққы жасап үлгерді. Ойынның 40-минутында қазақстандық қорғаушы Ян Вороговский Петар Стояновичті қақпа маңында шалып шығып, польшалық төреші Шимон Марчиняк Қазақстан қақпасына пенальти белгіледі. Бұл 11-метрлік пенальтиден

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: