“ۇلت تاعدىرى” قوزعالىسى ءامىرجان قوسانوۆتى پرەزيدەنتتىككە كانديدات رەتىندە ۇسىندى

kerey.kz

 |  Apr 26, 2019  |  3,736 views

ءامىرجان قوسانوۆ “ۇلت تاعدىرى” قوزعالىسىنىڭ جيىنىندا. الماتى، 26 ءساۋىر 2019 جىل.  “ۇلت تاعدىرى” قوزعالىسى 9 ماۋسىمدا وتەتىن كەزەكتەن تىس پرەزيدەنت سايلاۋىنا ءامىرجان قوسانوۆتى كانديدات رەتىندە ۇسىندى. بۇل شەشىم قوزعالىستىڭ 26 ساۋىردە الماتىدا وتكەن جيىنىندا قابىلداندى. قوسانوۆ پرەزيدەنت بولسا “ەلدەگى ەكونوميكالىق ماسەلەلەردى شەشەتىنىن، پارتيالاردى تىركەۋ جولىن جەڭىلدەتەتىنىن، پارلامەنت سايلاۋىنا بارلىق پارتيالاردىڭ قاتىسۋىنا مۇمكىندىك جاسايتىنىن” ايتتى. قوسانوۆ ورتالىق سايلاۋ كوميسسياسى كانديداتۋراسىن تىركەسە، سايلاۋدا نەگىزگى قارسىلاسى “نۇر وتان” پارتياسىنىڭ كانديداتى قاسىم-جومارت توقاەۆ بولاتىنىن جەتكىزدى. “توقاەۆتىڭ اكىمشىلىك رەسۋرسى مىقتى. بىراق مەنىڭ ارتىمدا حالىق تۇر. تەلەدەباتقا دا دايىنمىن” دەدى ول. قازاقستاندا كەزەكتەن تىس پرەزيدەنت سايلاۋى 9 ماۋسىمدا وتەدى. ەرتە سايلاۋعا كانديداتتار ۇسىنۋ 28 ساۋىرگە دەيىن جالعاسادى، كانديداتتاردى تىركەۋ 11 مامىردا اياقتالادى. قازىرگە دەيىن ساياسي پارتيالار