اقش: رەسەي ارنايى قىزمەتىنىڭ وكىلدەرى Yahoo-عا كيبەرشابۋىل جاسادى
كورنەكى سۋرەت. اقش ادىلەت مينيسترلىگى رەسەي ارنايى قىزمەتىنىڭ ەكى قىزمەتكەرىن Yahoo ينتەرنەت كومپانياسىنا اۋقىمدى كيبەرشابۋىل جاساۋعا قاتىسى بار دەپ رەسمي تۇردە ايىپتادى. ايىپتىلاردىڭ ءبىرى قاڭتاردا ماسكەۋدە ۇستالعان. مينيسترلىك مالىمدەمەسىندە تاعى ەكى حاكەرگە ايىپ تاعىلعانىن ايتادى-دەپ حابارلايدى ازاتتىق راديوسى. رەسەي فەدەرالدىق قاۋىپسىزدىك قىزمەتىنىڭ (فسب) قىزمەتكەرلەرى دميتري دوكۋچاەۆ جانە ونىڭ باستىعى يگور سۋششين دەپ تانىلعان. اقش بيلىگى ولاردىڭ 2014 جىلى Yahoo سەرۆەرلەرىن بۇزىپ كىرۋگە قاتىسى بار دەيدى. حاكەرلىك شابۋىل جاسالعانى وتكەن جىلى بەلگىلى بولعان. شابۋىلدا 500 ميلليون اككاۋنت بۇزىلعان. كيبەرشابۋىلدار تاريحىندا مۇنداي كەڭ اۋقىمدى قىلمىس بولماعان. ايىپ تاعىلعان وزگە حاكەرلەر الەكسەي بەلان جانە كاريم باراتوۆ دەپ تانىلعان. باراتوۆ بىرەر كۇن بۇرىن ۆاشينگتوننىڭ سۇراۋى بويىنشا كانادادا ۇستالعان. بۇعان دەيىن باراتوۆتىڭ بۇرىن قازاقستان ازاماتى