ماعان “كانەلو” مەن كوتتونى بەرىڭدەر – قانات يسلام
ءبىرىنشى ورتا سالماقتا WBO Intercontinental جانە WBA Fedelatin نۇسقالارى بويىنشا الەم چەمپيونى قازاقستاندىق بوكسشى قانات يسلام الەمگە تانىمال بىلعارى قولعاپ شەبەرلەرىن جۇدىرىقتاسۋعا شاقىردى، – دەپ حابارلايدى Vesti.kz تىلشىسى. “مەن ماڭداي تەرىممەن بۇل كەزدەسۋگە دايىندالدىم. ماعان “كانەلو” مەن كوتتونى بەرىڭىزدەر، مەنىڭ ۇلكەن جەكپە-جەكتەر وتكىزگىم كەلەدى. شارشى الاڭدا ءولىپ كەتۋگە دايىنمىن. مەنىڭ ۋاقىتىم كەلدى”، – دەدى يسلام برازيليالىق روبسون اسسيسكە قارسى وتكىزگەن جەكپە-جەگىنەن سوڭ. ايتا كەتەيىك، قانات يسلام اقش-تىڭ ۋيلمينگتون قالاسىندا وتكەن جەكپە-جەك باسىندا قاباعىنان جاراقات الىپ قالعانىنا قاراماستان، قارسىلاسىن سوققىنىڭ استىنا الىپ، كەزدەسۋدى ءبىرىنشى راۋندتا اياقتادى. كەزدەسۋدىڭ بەينەجازباسىن مىنا سىلتەمەدەن كورە الاسىز. vesti.kz