قۇرالايدى كوزگە اتقان قۇنداقباي مەرگەن قاشانعا دەيىن “باندى” اتاندى؟
اكەمنەن ەستىگەن اڭگىمە: 5-6 جاسار كەزىم-اۋ. ەتەكتە وتىرعان تاۋ وراقتىنىڭ شاعىن اۋىلى تارس-تۇرس اتىلعان مىلتىق ءۇنىن ەستىپ، ازان-قازان بولدى. ەركەكتەر ءشيتىسىن، ايىر-سۇيمەنىن دايىنداپ، اتىنا جۇگىرىپ، ايەلدەر بالالاردى، قىزداردى ساي-سالاعا، شي اراسىنا جاسىرىپ الەك. وسى كەزدە قىرمەن شاۋىپ كەلە جاتقان ادامدار دا كورىندى. ءبىر ءتۇپ بۇتانىڭ تۇبىندە وتىرىپ ءبارىن كوردىك. الداعى وتىز قارالى – قازاق جىگىتتەرى ەكەن، ال سوڭىندا شۇباپ كەلە جاتقان – ورىستار. ول كەزدە اق-قىزىلىڭدى قايدان تۇسىنەيىك، بىزگە ءبارى ورىس بولاتىن. اۋەلى ويناپ ءجۇر ەكەن دەدىك. ويتكەنى، قاشىپ كەلە جاتقانداردىڭ ەڭ سوڭىنداعى ءبىر ادام اتىن شىر اينالدىرىپ توقتاي قالسا، ارتىنان قۋىپ كەلە جاتقان ورىستار اتتارىنان تۇسە سالىپ، جەرگە جابىسادى. اناۋ ءبىر-ەكى رەت تارس ەتكىزىپ، شابا جونەلگەندە سولداتتار دا ايعايلاي اتقا
