قىتايدا جۇلدىزعا اينالعان ديماش
ديماش قۇدايبەرگەن قىتايداعى بايقاۋدا ءان ايتىپ تۇر. (سۋرەت ءانشىنىڭ الەۋمەتتىك جەلىدەگى پاراقشاسىنان الىندى) 22 جاستاعى قازاق ءانشىسى ديماش قۇدايبەرگەن قىتايداعى Singer 2017 انشىلەر بايقاۋىنا قاتىسىپ، مۋزىكالىق تەلەارنادان كورىنگەن بەتتە سەنساتسيا جۇلدىزعا اينالدى. ديماش قۇدايبەرگەن ءوز ەلى قازاقستاندا قىتايداعى تەلەۆيزيالىق تالانتتار جوباسىنا شىققانعا دەيىن اسا تانىمال بولماعان ەدى. بىرنەشە اپتادان كەيىن ول قازاقستانعا تانىمال ادامعا اينالىپ ورالدى. ونى اۋەجايدان كۇتىپ الۋعا اقتوبەدەگى جەرگىلىكتى بيلىك وكىلدەرى، قاپتاعان فاناتتار، تەلەوپەراتورلار باردى. اقتوبەلىكتەر قىتايدىڭ Singer 2017 (I Am a Singer) بايقاۋىنىڭ ءبىرىنشى اينالىمىندا فرانتسۋز تىلىندەگى S.O.S. D’UN Terrien En Détresse ءانىن ايتقان جەرلەستەرى جەڭىمپاز اتانعاندا قاتتى قۋاندى. مۇنان سوڭ، اقپاننىڭ 25-ءى كۇنى ول بايقاۋدىڭ ءۇشىنشى اينالىمىنىڭ جەڭىمپازى بولدى. وقي وتىرىڭىز: قىتايداعى ونەر بايقاۋىندا تانىلعان
