كوز قاراس

سانجار كەرىمبايدىڭ نە ءۇشىن بەيسەن قۇرانبەكتەن كوڭىلى قالدى؟

kerey.kz

 |  Dec 21, 2015

بەيسەن قۇرانبەكتىڭ پەندەلىگى نەمەسە سانجار كەرىمبايدىڭ نە ءۇشىن بەيسەن قۇرانبەكتەن كوڭىلى قالدى؟
جالپى تۆ سالاسىندا بەس جىل ىستەگەن كەزدە-اق ەفيردىڭ جاقسى ەمەس ەكەنىن ابدەن بىلگەم. تانىمالدىق ادام تابيعاتىن بۇزباي قويمايدى. ەفيردەن جىلتىراپ كورىنگەن جۇلدىزداردىڭ شىندىعىندا پەندەلىك كەم-كەتىككە تولى ءجاي عانا كوپ جاننىڭ ءبىرى ەكەنىن كوپشىلىك بىلە بەرمەيدى. “ايتۋعا وڭاي” دە تۋرا سونداي باعدارلاما. رەيتينگىسى وتە جوعارى. بەيسەن – سونىڭ جۇلدىزى. سول تانىمالدىق بالانى بۇزىپتى. باسقا، باسقا بىراق ءدال بەيسەننەن وسىنداي السىزدىك كۇتپەگەن ەدىم. تۆ-نىڭ جامان جاعى سول – ادامنىڭ ءالسىز تۇسىن جاسىرىپ، تەك جاقسى جاعىن عانا كورسەتەدى. ادامدار سودان زارداپ شەگەدى. نەگىزى مەن ونىڭ وسى “ناشار” قاسيەتىن بىلتىر “سالت-ءداستۇر سويلەيدى” كىتابىن ساتىپ العاندا دا بايقاعام. سول كەزدە ايىبىن بەتىنە باسىپ، ايتىپ-ايتىپ تاستايىن دەپ تۇردىم دا “قوي، ەل سيلاعان ازامات قوي” دەپ ءۇنسىز قالعام. بەكەر ءسويتىپپىن. سول كەزدە-اق ماسەلەنىڭ باسىن اشىپ الۋ كەرەك ەدى. البەتتە، بەيسەندى بالاسىنان ارتىق جاقسى كورەتىن ادامدار وتە-موتە كوپ. بىراق، جاقتاۋشىلارى كوپ ەكەن دەپ شىندىقتى ايتپاي وتىرا بەرۋ دە دۇرىس ەمەس قوي، سولاي ما؟ قۇداي ءۇشىن ماعان: “قازاقتار سەندەرگە نە بولدى، جەلىدە ءبىر ءبىرىڭنىڭ ايىپتارىڭدى اشىپ؟ وسەتىن ەلدىڭ بالالارى ءبىرىن ءبىرى باتىر دەپ قولداۋ كەرەك. قازاق دەسەڭ وزىڭە تيەدى. وسىلارعا نە جەتپەيدى؟” دەگەن سىڭايداعى اقىلدارىڭىزدى ايتپاي تۇرىپ، اۋەلى ءمان-جايدى ءبىلىپ الساڭىزدار جاقسى بولۋشى ەدى. ەگەر مەن ونىڭ پەندەلىگىن سىناماسام، ونى شىنىمەن دە اتپال ازامات دەپ تانيتىن قازاقتار اداسقان ۇستىنە اداسىپ كەتە بەرەدى. پلاتون مەنىڭ دوسىم، بىراق اقيقات ودان قىمبات دەگەندەي، اقيقات بەيسەننىڭ بەدەلىنەن جوعارى تۇرۋى كەرەك، مەنىڭشە. سونىمەن وقيعا بىلاي بولدى. بەيسەن ماعان “ساكە، سيار مەن ءالدي الامىن” دەگەن. مەن كەلىسىم بويىنشا كەزدەستىم. ول: – 100 دانا سيار 100 دانا ءالدي الامىن دەدى. مەن:- ونىڭ ءبارىن نە ىستەيسىڭ؟-دەدىم. 
- ساكە، سەنىڭ نە شارۋاڭ بار؟ ءوزىم بىلەم عوي
- بەيسەكە، ءسىز ءبىر ءوزىڭىز 200 كىتاپ الساڭىز باسقا جۇرت نە وقيدى؟ 
- ساكە، مەن سىزگە ناقتى ەسەپتەسسەم بولدى ەمەس پە؟ 
- سوندا ءسىز باسقا جۇرتتى ويلامايسىز با؟ اشەيىندە تۆ-دا ەلدىڭ قامىن جەپ جۇرەسىز عوي؟
- ول تۆ-دا عوي. بۇل ناقتى ءومىر. ساۋدادا دوستىق جوق دەگەن. مەن كىتاپ ساتىپ الىپ جاتقاندا ەسكى دوستىقتى كولدەنەڭ تارتپاڭىز
- مەن باسقا ەلگە دە كىتاپ قالسىن دەپ جاتىرمىن
- مەن سىزدەر سياقتى كورىنگەن ادامعا ساتا بەرمەيمىن. مەن ماشيناما سالىپ الامىن دا ء“اي، وسى كىتاپتىڭ قادىرىنە جەتەتىن ادام اۋ” دەپ كوڭىلىم سۇيگەن كىسىگە نەمەسە تۋىسىما سىيعا تارتامىن. 
- سوندا نە سىزدەن باسقانىڭ تانىسى مەن تۋىسى جوق پا؟
- بار بولسا، بار شىعار. مەنىڭ ولاردا نە شارۋام بار؟ مەن ءوز اعايىن-تۋىسىم مەن ارالاساتىن ورتام تۋرالى ايتىپ وتىرمىن.
- ال، مەن كۇللى قازاقتىڭ قامىن جەپ تۇرمىن.
- ساكە، كۇللى قازاقتىڭ قامىن جەۋدى جاقىن اعايىن-تۋىس پەن تانىس-تامىردى قۋانتۋدان باستالادى،-دەپ ماعان مات قويدى. – — جارايدى، سىزدىكى-اق دۇرىس دەلىك. بىراق، بەيسەسكە، ايتپادى دەمەڭىز مەن ءسىزدىڭ مىنا كىتاپقا تويمايتىن “قوماعايلىعىڭىز مەن تويىمسىز تابەتىڭىز” تۋرالى جاقسىلاپ تۇرىپ پوست جازام. ەلدىڭ الدىندا اشكەرە قىلامىن،-دەدىم. 
- ساكە، اق جول. جازساڭ جازا بەر. كور دە تۇر. بارىبەر ەلدىڭ ءبارى مەنىڭ وسى “ناشار” قاسيەتىمدى قولداپ، پىكىر جازادى. كەرەك دەسەڭ ماعان ءۇن قوسۋ ءۇشىن قوس-قوستان سيار مەن ءالدي ساتىپ الماسا ماعان كەل،-دەپ ودان سايىن قۇتىرا تۇسپەسى بار ما. 
- بوپتى، كورەمىز پوست شىققان كەزدە،-دەپ كىتاپ اقىسىن قۇنتتاپ تۇرىپ قالتاما سالىپ الدىم دا ۇيگە قاراي تايدىم عوي. ال، بەيسەننىڭ جاقتاۋشىلارى نە دەيسىڭدەر وسىعان؟ مەن اناۋ-مىناۋ دەپ ۇگىتتەپ سىزدەردى ءوز جاعىما تارتپاي-اق قويايىن. بەيسەكەڭدىكى دۇرىس پا ەندى؟ بۇكىل كىتاپتى جالعىز ءوزى ارتىپ الىپ تالدىقورعانعا اكەتىپ قالدى. ەششە، تەگىن تاراتام دەپ قويادى. تۆ-نىڭ جامان جاعى وسى عوي. بەيسەننىڭ وسىنداي “ناشار” قاسيەتى تۋرالى مەن پوستتا اشىپ جازباسام ەل ودان بەيحابار بولىپ، “اداسىپ” جۇرە بەرەر ەدى)))))))))))))))))))))))))))))))))))))))))))))))))))))))))))))))))))))))))))))))))))))))))))))))))))))

سانجار كەرىمبايدىڭ facebook پاراقشاسىنان الىندى