SANJAR KERİMBAYDIÑ ne üşin BEYSEN QWRANBEKTEN köñili qaldı?
kerey.kz
Beysen Qwranbektiñ pendeligi nemese SANJAR KERİMBAYDIÑ ne üşin BEYSEN QWRANBEKTEN köñili qaldı?
Jalpı TV salasında bes jıl istegen kezde-aq efirdiñ jaqsı emes ekenin äbden bilgem. Tanımaldıq adam tabiğatın bwzbay qoymaydı. Efirden jıltırap köringen JWLDIZDARDIÑ şındığında pendelik kem-ketikke tolı jäy ğana köp jannıñ biri ekenin köpşilik bile bermeydi. “Aytuğa oñay” de tura sonday bağdarlama. Reytingisi öte joğarı. Beysen – sonıñ jwldızı. Sol tanımaldıq balanı bwzıptı. Basqa, basqa biraq däl Beysennen osınday älsizdik kütpegen edim. TV-nıñ jaman jağı sol – adamnıñ älsiz twsın jasırıp, tek jaqsı jağın ğana körsetedi. Adamdar sodan zardap şegedi. Negizi men onıñ osı “naşar” qasietin bıltır “Salt-dästür söyleydi” kitabın satıp alğanda da bayqağam. Sol kezde ayıbın betine basıp, aytıp-aytıp tastayın dep twrdım da “qoy, el silağan azamat qoy” dep ünsiz qalğam. Beker söytippin. Sol kezde-aq mäseleniñ basın aşıp alu kerek edi. Älbette, Beysendi balasınan artıq jaqsı köretin adamdar öte-möte köp. Biraq, jaqtauşıları köp eken dep şındıqtı aytpay otıra beru de dwrıs emes qoy, solay ma? Qwday üşin mağan: “Qazaqtar senderge ne boldı, jelide bir biriñniñ ayıptarıñdı aşıp? Ösetin eldiñ balaları birin biri batır dep qoldau kerek. Qazaq deseñ öziñe tiedi. Osılarğa ne jetpeydi?” degen sıñaydağı aqıldarıñızdı aytpay twrıp, äueli män-jaydı bilip alsañızdar jaqsı boluşı edi. Eger men onıñ pendeligin sınamasam, onı şınımen de atpal azamat dep tanitın qazaqtar adasqan üstine adasıp kete beredi. Platon meniñ dosım, biraq aqiqat odan qımbat degendey, Aqiqat Beysenniñ bedelinen joğarı twruı kerek, meniñşe. Sonımen oqiğa bılay boldı. Beysen mağan “Säke, Siyar men Äldi alamın” degen. Men kelisim boyınşa kezdestim. Ol: – 100 dana Siyar 100 dana Äldi alamın dedi. Men:- Onıñ bärin ne isteysiñ?-dedim.
- Säke, seniñ ne şaruañ bar? Özim bilem ğoy
- Beyseke, siz bir öziñiz 200 kitap alsañız basqa jwrt ne oqidı?
- Säke, men sizge naqtı eseptessem boldı emes pe?
- Sonda siz basqa jwrttı oylamaysız ba? Äşeyinde TV-da eldiñ qamın jep jüresiz ğoy?
- Ol TV-da ğoy. Bwl naqtı ömir. Saudada dostıq joq degen. Men kitap satıp alıp jatqanda eski dostıqtı köldeneñ tartpañız
- Men basqa elge de kitap qalsın dep jatırmın
- Men sizder siyaqtı köringen adamğa sata bermeymin. Men maşinama salıp alamın da “äy, osı kitaptıñ qadirine jetetin adam au” dep köñilim süygen kisige nemese tuısıma sıyğa tartamın.
- Sonda ne sizden basqanıñ tanısı men tuısı joq pa?
- Bar bolsa, bar şığar. Meniñ olarda ne şaruam bar? Men öz ağayın-tuısım men aralasatın ortam turalı aytıp otırmın.
- Al, men külli qazaqtıñ qamın jep twrmın.
- Säke, külli qazaqtıñ qamın jeudi jaqın ağayın-tuıs pen tanıs-tamırdı quantudan bastaladı,-dep mağan mat qoydı. – — Jaraydı, sizdiki-aq dwrıs delik. Biraq, Beyseske, aytpadı demeñiz men sizdiñ mına kitapqa toymaytın “qomağaylığıñız men toyımsız täbetiñiz” turalı jaqsılap twrıp post jazam. Eldiñ aldında äşkere qılamın,-dedim.
- Säke, aq jol. Jazsañ jaza ber. Kör de twr. Bäriber eldiñ bäri meniñ osı “naşar” qasietimdi qoldap, pikir jazadı. Kerek deseñ mağan ün qosu üşin qos-qostan siyar men äldi satıp almasa mağan kel,-dep odan sayın qwtıra tüspesi bar ma.
- Boptı, köremiz post şıqqan kezde,-dep kitap aqısın qwnttap twrıp qaltama salıp aldım da üyge qaray taydım ğoy. Al, Beysenniñ jaqtauşıları ne deysiñder osığan? Men anau-mınau dep ügittep sizderdi öz jağıma tartpay-aq qoyayın. Beysekeñdiki dwrıs pa endi? Bükil kitaptı jalğız özi artıp alıp Taldıqorğanğa äketip qaldı. Eşe, tegin taratam dep qoyadı. TV-nıñ jaman jağı osı ğoy. Beysenniñ osınday “naşar” qasieti turalı men postta aşıp jazbasam el odan beyhabar bolıp, “adasıp” jüre berer edi)))))))))))))))))))))))))))))))))))))))))))))))))))))))))))))))))))))))))))))))))))))))))))))))))))))
Sanjar Kerimbaydıñ facebook paraqşasınan alındı
Pikir qaldıru