تۇرىك اعايىندارعا ۇقساتىپ ناۋرىزباي ماحمۋد دۇيسەكۇلى بولىپ جازۋ ءۇردىسى دە قالىپتاستى. بۇعان مەملەكەت جانە قوعام قايراتكەرى شەرحان مۇرتازا سياقتى ۇلتجاندى تۇلعالار العاش­قىلاردىڭ ءبىرى بولىپ ۇلگى كورسەتكەنى انىق. ءسويتىپ، تولقۇجات پەن جەكە كۋالىكتى تولتىرۋ بارىسىندا فامي­لياسى مەن ءوزىنىڭ اتىن جازاتىن ءداستۇر بوي كورسەتە باستادى. سودان كوپ ۇزاماي كەيبىر كىسىلەر فامي­لياسىنىڭ سوڭىنا «تەگى» دەگەن جال­عاۋلاردى دۇرىس كورىپ سولاي جازعىزدى. رۋلارىن ايشىقتاعاندار دا جەتەرلىك.
الەم حالىقتارىنىڭ قاي قايسىن الىپ قاراساڭ دا وزدەرىنىڭ ۇلتىنا ءتان اتاتەگى بار. اتاپ ايتاتىن بولساق، ارميانداردا «يان»، گرۋزيندەردە «شۆيلي»، «ادزە»، ۋكراينداردا «كو»، پولياكتاردا «سكي»، جاپونداردا، كورەيلەردە باعزى زاماننان قالىپ­تاسقان اتاتەگىن كورىپ ەرىكسىز سۇيسىنەسىڭ. ولاردى وسى اتاتەگىنە قاراپ-اق قاي ۇلتتىڭ وكىلى ەكەندىگىن وپ-وڭاي اجىراتىپ الۋعا بولادى. وسىعان كەلگەندە ەرىكسىز ويعا باتاسىڭ.
مەنى قازاقتىڭ اتاتەگىنە «اتا» ءسوزىن تىركەپ جازساق قالاي بولار ەدى دەگەن وي كوپتەن بەرى مازالاپ ءجۇر. مىسالى، ناۋرىزباياتا ماحمۇت دۇيسەكۇلى دەپ جازساق، بۇل جەردە «اتا» جالعاۋى، ياعني ماحمۇتتىڭ اتاسىنىڭ كىم ەكەندىگىن ناقتى كور­سەتىپ تۇر. بۇل – بىرىنشىدەن، قازاق ازا­ماتتارى وزدەرىنىڭ اتاتەگىنە «اتا» ءسوزىن تىركەپ جازسا، ونىڭ فامي­لياسىنىڭ ءوزى-اق تولقۇجات يەسىنىڭ قازاق ۇلتىنان ەكەنىن بىلدىرسە، ەكىنشىدەن، وزگە قاي ەلگە، قاي جەرگە بارمايىق سول مەملەكەتتىڭ وكىلدەرى تولقۇجاتىمىزعا قاراپ-اق قازاق ەكەنىمىزدى بىردەن ايىرار ەدى. ۋاقىت وتە كەلە «تەگى»، «ءتىڭ»، «ءنىڭ» دەگەن جالعاۋلار «اتا» سوزىنە جول بەرەرى انىق.
بۇگىنگىنىڭ جاستارى شەجىرەنى جەتىك بىلمەگەندىكتەن ءوزىنىڭ تەگىن وسى «اتا» ءسوزى ارقىلى اجىراتىپ، قاننىڭ ارا­لاسىپ كەتپەۋىنەن ساقتاناتىندىعى حاق.

قازاق حالقى اتاتەگىنە جازىلعاندا نە ۇتامىز؟
1. «اتا» جالعاۋىنان قازاق حالقى ءبىر اتانىڭ بالالارى ەكەنىن بىلدىرەدى.

2.اتا ءسوزى قازاق ۇلتىنا «تايعا تاڭبا باسقانداي» تاڭباسى ەمەس پە؟!

3.ۇلتىمىزدىڭ جۇزگە بولىنبەۋىنە باستى باستاماسى بولادى.

4.ۇلتىمىزدى بىرلىككە، ىنتىماققا شاقىرادى

5.قازاق حالقىن ءتىلىن جانە ءدىنىن قادىرلەۋگە ىقپال ەتەدى.

6.قازاق مەملەكەتىندەگى باسقا ۇلت وكىلدەرىنىڭ باستاۋشىسى بولادى.

7.شەت مەملەكەتتەرگە، قازاق ەلى بولماعان دەگەندەرگە تاباندى ەل ەكەنىمىزدىڭ دالەلى بولادى.

8. ۇلتىمىزدىڭ ادەت-عۇرپىن ساقتاۋعا قادىرلەۋگە اسەرىن تيگىزەدى.

مەنىكى كوپشىلىكتىڭ ورتاسىنا ءوز ۇسىنىس-پىكىرىمدى ءبىلدىرۋ. كىم قالاي قابىلدايدى، ونى اركىمنىڭ ءوز تانىم-تۇيسىگى بىلەدى. بىراق قالاي دەگەنمەن دە، قازاق رەسپۋبليكاسىنىڭ مەملە­كەتى مەن ۇكىمەتى،ەلىمىزدىڭ زاڭ شىعا­رۋشى ورگانى پارلامەنت ءماجىلىسىنىڭ دەپۋ­تات­تارى بۇل ماسەلەگە تەرەڭ زەيىن قو­يىپ تالقىلاسا، قازاق ۇلتىنىڭ ماسە­لەسى بولعاندىقتان بۇل قادام كەرەك-اق.
ناۋرىزباياتا
راحىمبەردى دۇيسەكۇلى