جاڭالىقتار رۋحانيات قازاق حاندىعىنا 550 جىل ادەبي الەم

زۋقا باتىردىڭ 150 جىلدىق مەرەيتويىنا ارنالعان وبلىستىق  اقىندار  ايتىسى وتەدى

kerey.kz

 |  Apr 2, 2016

زۋقا باتىر- 1866 جىلى قازىرگى شىعىس قازاقستان وبلىسىنىڭ زايسان اۋدانىندا دۇنيەگە كەلگەن. زۋقانىڭ اكەسى شىعىس وڭىرىنە اسا تانىمال بولعان ءسابيت داموللا. ارعى اتاسى نۇرمۇحاممەد ابىز. تەكتى اۋلەتتەن شىققان باتىر بابامىز، ورىس وتارشىلدىعى مەن گومينداڭ قىتاي ەزگىسىنە تاپ بولعان قازاق حالقىن ازات ەتۋ جولىندا قازا تابادى. بيىل باتىر بابامىزدىڭ تۋعانىنا 150 جىل تولدى.

ەسكە الۋ شارالارى قازاقستان،گەرمانيا، اۆستريا، انگليا، امەريكا، تۇركيا، قىتاي، موڭعىليا سىندى 11 ەلدە جۇرگىزىلەدى.

الماتى وبلىسى مادەنيەت  مۇراعاتتار جانە قۇجاتتاما  باسقارماسى مەن الماتى وبلىسى  جاستار ساياساتى ماسەلەلەرى   باسقارماسى      

«تۇعىرى بيىك ماڭگىلىك ەل» اتتى

تاۋەلسىزدىكتىڭ  25 جىلدىعىن اتاپ ءوتۋ جانە

زۋقا باتىردىڭ 150 جىلدىق مەرەيتويىنا ارنالعان

 وبلىستىق اقىندار ايتىسىنىڭ

ەرەجەسى

ايتىستىڭ نەگىزگى ماقساتى

ۇلتتىق ونەردىڭ اياسىن كەڭەيتۋ، تالانت يەلەرىن ىزدەپ تابۋ، اقىندىق ونەرگە باۋلي وتىرا، عاسىرلار بويى بابالار ارمانىمەن، ەرلىك ىستەرىمەن، تاۋەلسىزدىك جىلدارىندا قول جەتكىزگەن قۇندىلىقتاردى دارىپتەپ، مەملەكەتتىلىكتى نىعايتىپ، جاس ۇرپاقتى وتان سۇيگىشتىككە، ۇلتجاندىلىققا تاربيەلەي وتىرا، ەلدەگى حالىقتار دوستىعىن، بەرەكە-بىرلىكتى جانە ساياسي تۇراقتىلىقتى دارىپتەۋ، ەلىمىزدىڭ الەم الدىنداعى ابىروي-بەدەلىن اسقاقتاتا كورسەتۋ. ەل تاۋەلسىزدىگىن جالىندى جىرلار، تەرەڭ تەڭەۋلەر، اسەم اۋەندەر ارقىلى جان-جاقتى جىرلاۋ. زۋقا بابامىزدىڭ رۋحىن قاستەرلەپ، ءتول ونەردىڭ ماڭگىلىك عۇمىرى جايلى ءداستۇر جالعاسىن ساقتاي وتىرىپ، ۇرپاقتان-ۇرپاققا كەڭىنەن ناسيحاتتاۋ.

ۇيىمداستىرۋشىلار 

الماتى وبلىسىنىڭ جاستار ساياساتى ماسەلەلەرى باسقارماسى، الماتى وبلىسى مادەنيەت، مۇراعاتتار جانە قۇجاتتاما باسقارماسى، «زۋقا باتىر» قوعامدىق قورى وبلىستىق جاستار رەسۋرستىق ورتالىعى، «جاسىل ەل» جاستار ەڭبەك جاساقتارىنىڭ  رەسپۋبليكالىق شتابى الماتى وبلىستىق فيليالى، «الاش ۇلانى» جاستار قوعامدىق بىرلەستىگى.

تومەندەگى جايلار باستى نازاردا بولادى

- ايتىسكەر اقىننىڭ قولما-قول، سۋىرىپ – سالما توكپەلىگىمەن بىرگە ايتاتىن

جىرىن دومبىراعا قوسىپ لايىقتى اۋەن،  ماقال، سوزبەن ورىندالۋى;

- ايتىسكەردىڭ جان-جاقتى بىلىمدىلىگى، وي مەن قيال ۇشقىرلىعى، كوركەم تەڭەۋ مەن

استارلى سوزدەردى ورىندى قولدانۋ، تاقىرىپتى اشا ءبىلۋى;

- ايتىس سارىنىڭ، ماقساتىن ۇعىنا وتىرىپ، قارسىلاسىنا ۇتىمدى دا ورىندى

جاۋاپ قايتارۋ، تويتارىس بەرۋ قابىلەتى;

- ورىنداۋشىلىق شەبەرلىگى، ايتار ويىن تۇيىندەۋى ساحنالىق مادەنيەتى جانە كيىم

ۇلگىسى.

ايتىستى وتكىزۋدىڭ ءتارتىبى جانە شارتتارى

- وبلىستىق اقىندار ايتىسىنا قاتىساتىن ۇمىتكەرلەردىڭ جاسى 14 پەن 29 ارالىعىنداعى

جاستار قاتىسا الادى;

- وتىنىمدەر 15 ساۋىرگە دەيىن 8 (7282) 30-55-65, 30-56-42 تەلەفوندارىنا فاكس ارقىلى

جىبەرۋلەرىڭىز ءتيىس.

- ايتىسقا ءار اۋداننان 1 ۇمىتكەردەن قاتىسادى;

- ايتىسقا حالقىمىزدىڭ ءتىلىن، ءداستۇرىن، تاريحىن جانە ادەبيەتىن تەرەڭ بىلەتىن سۋىرىپ

سالما جاس اقىندار قاتىسادى;

- ايتىستا ەلدىڭ بىرلىگىنە، ۇلتارالىق تاتۋلىققا نۇقسان كەلتىرەتىن، كونستيتۋتسيالىق

قۇرىلىمعا قارسى ايتىلاتىن سوزدەرگە جول بەرىلمەيدى;

- وسى قاعيدانىڭ جوعارىدا كورسەتىلگەن ارەكەتكە جول بەرىلگەن جاعدايدا اقىن ايتىستان

شەتتەتىلەدى;

- اقىندار قازىلار القاسىنىڭ شەشىمىنە جانە وسى قاعيدانىڭ تالاپتارىنا باعىنۋى

ءتيىس;

- ايتىسقا قاتىسۋ ءۇشىن اۋدان، قالالارىنىڭ مادەنيەت ءبولىم باسشىلارىنىڭ، قوعامدىق

بىرلەستىكتەردىڭ جانە باسقا دا زاڭدى تۇلعالاردىڭ ۇسىنىسى بولۋى قاجەت;

- ايتىسقا قاتىسۋشى اقىندار ۇيىمداستىرۋ كوميتەتىنە ءوتىنىش بەرەدى. وتىنىشكە

مىناداي قۇجاتتاردى قوسا ۇسىنىلادى:

•  ومىربايانى تۋرالى ماعلۇماتتار.
•  تۋعان جەرى، كۇنى، ايى، جىلى، ۇلتى.
•  جۇمىس نەمەسە وقۋ ورنىنان انىقتاما.
•  تۋ تۋرالى نەمەسە جەكە كۋالىك كوشىرمەسى.
•  باسقا ايتىستاردا جەتكەن جەتىستىكتەرىن كۋالاندىراتىن قۇجات (ديپلوم جانە                       ماراپاتتاۋ  قاعازدارى)
•  تيىستى مەكەمەنىڭ ۇسىنىس حاتى.
•  بايلانىس تەلەفوندارى.

- اقىندار جەرەبە تارتۋ ءادىسى ارقىلى جۇپتارعا ءبولىنىپ ايتىسادى;

- اقىنداردىڭ ءسوز سايىستىرۋ (ايتىسۋ) ۋاقىتىنىڭ ۇزاقتىعىن قازىلار القاسى

بەلگىلەيدى;

- جەڭىمپازدار مىناداي باس جۇلدە، ءى، ءىى، ءىىى ورىندار بويىنشا ماراپاتتالادى:

•  باس جۇلدە – 1/بىرەۋ/ 
•  ءى ورىن  – 1/بىرەۋ/
•  ىى ورىن – 1 /بىرەۋ/
•  ىىى ورىن – 1 /بىرەۋ/

- جەڭىمپازدارعا باسقا دا ىنتالاندىرۋ سىيلىقتار جانە العىس حاتتارمەن

ماراپاتتالادى;

- اقىنداردىڭ ايتىسقا بارىپ-قايتۋ جول شىعىندارىن جىبەرۋ جاق تاراپىنان.  

ايتىس كەلەسىدەي بويىنشا باعالانادى

• ورىنداۋشىلىق شەبەرلىگى (ورىنداۋشىنىڭ دەربەستىگى);
• ساپالىق دەڭگەيى;
• ساحنا مادەنيەتى;
• ادەبي ءتىل بايلىعى;
• تاقىرىپتى دۇرىس اشا ءبىلۋى;
• قارسىلاسقا جاۋاپ بەرۋ شەبەرلىگى;
• ءداستۇرلى ايتىس ماقامىن ۇيلەستىرە قولدانا ءبىلۋ;
• قازىرگى تاڭداعى وزەكتى ماسەلەلەردى كوتەرە ءبىلۋ;
• تاقىرىپتان اۋىتقىماي، ۇيقاستىرا جەتكىزۋ.

ايتىستىڭ وتكىزىلۋ ءتارتىبى

ايتىس ءۇش اينالىم بويىنشا وتكىزىلەدى:

• ءبىرىنشى اينالىمدا ىرىكتەۋ، ءار جۇپقا 2 مينۋت ۋاقىت بەرىلەدى.
• ەكىنشى اينالىمدا – 3 مينۋتتان ۋاقىت بولىنەدى.
• ەكىنشى اينالىمنان كەيىن مارەگە شىققان 2 جۇپ 6 مينۋتتان ايتىسىپ،

  جۇلدەگەرلەر انىقتالادى. 

وتكىزىلۋ ورنى مەن مەرزىمى 

     بايقاۋ تالدىقورعان قالاسى، ءى.جانسۇگىروۆ اتىنداعى مادەنيەت سارايىندا            2016 جىلعى 24 ءساۋىر  كۇنى ساعات 14.00-دە وتكىزىلەدى. تىركەۋ ساعات 09.10. تىركەۋگە قاتىسپاعان قاتىسۋشىلار ايتىسقا جىبەرىلمەيدى.

ەسكەرتۋ:

2016 جىلدىڭ 13 ءساۋىر كۇنى، ساعات 14.00-دە تالدىقورعان قالاسى، ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ اكت زالىندا ىرىكتەۋ وتەدى. ىرىكتەۋدەن وتكەن اقىندار سايىسقا جولداما الادى. 

ديرەكتور                                                        ا.نۇرمۇحامبەتوۆ

kerey.kz