Jañalıqtar Ruhaniyat Qazaq handığına 550 jıl Ädebi älem
ZUQA BATIRDIÑ 150 JILDIQ MEREYTOYINA ARNALĞAN OBLISTIQ AQINDAR AYTISI ÖTEDİ
kerey.kz
Zuqa batır- 1866 jılı qazirgi Şığıs Qazaqstan oblısınıñ Zaysan audanında düniege kelgen. Zuqanıñ äkesi şığıs öñirine asa tanımal bolğan Säbit damolla. Arğı atası Nwrmwhammed abız. Tekti äuletten şıqqan batır babamız, orıs otarşıldığı men gomindañ qıtay ezgisine tap bolğan qazaq halqın azat etu jolında qaza tabadı. Biıl batır babamızdıñ tuğanına 150 jıl toldı.
Eske alu şaraları Qazaqstan,Germaniya, Avstriya, Angliya, Amerika, Türkiya, Qıtay, Moñğıliya sındı 11 elde jürgiziledi.
Almatı oblısı mädeniet mwrağattar jäne qwjattama Basqarması men Almatı oblısı jastar sayasatı mäseleleri basqarması
«TWĞIRI BIİK MÄÑGİLİK EL» ATTI
TÄUELSİZDİKTİÑ 25 JILDIĞIN ATAP ÖTU JÄNE
ZUQA BATIRDIÑ 150 JILDIQ MEREYTOYINA ARNALĞAN
OBLISTIQ AQINDAR AYTISINIÑ
EREJESİ
AYTISTIÑ NEGİZGİ MAQSATI
Wlttıq önerdiñ ayasın keñeytu, talant ielerin izdep tabu, aqındıq önerge bauli otıra, ğasırlar boyı babalar armanımen, erlik isterimen, täuelsizdik jıldarında qol jetkizgen qwndılıqtardı däriptep, memlekettilikti nığaytıp, jas wrpaqtı Otan süygiştikke, wltjandılıqqa tärbieley otıra, eldegi halıqtar dostığın, bereke-birlikti jäne sayasi twraqtılıqtı däripteu, elimizdiñ älem aldındağı abıroy-bedelin asqaqtata körsetu. El Täuelsizdigin jalındı jırlar, tereñ teñeuler, äsem äuender arqılı jan-jaqtı jırlau. Zuqa babamızdıñ ruhın qasterlep, töl önerdiñ mäñgilik ğwmırı jaylı dästür jalğasın saqtay otırıp, wrpaqtan-wrpaqqa keñinen nasihattau.
WYIMDASTIRUŞILAR
Almatı oblısınıñ jastar sayasatı mäseleleri basqarması, Almatı oblısı mädeniet, mwrağattar jäne qwjattama basqarması, «Zuqa batır» qoğamdıq qorı oblıstıq jastar resurstıq ortalığı, «Jasıl el» jastar eñbek jasaqtarınıñ Respublikalıq ştabı Almatı oblıstıq filialı, «Alaş Wlanı» jastar qoğamdıq birlestigi.
TÖMENDEGİ JAYLAR BASTI NAZARDA BOLADI
- aytısker aqınnıñ qolma-qol, suırıp – salma tökpeligimen birge aytatın
jırın dombırağa qosıp layıqtı äuen, maqal, sözben orındaluı;
- aytıskerdiñ jan-jaqtı bilimdiligi, oy men qiyal wşqırlığı, körkem teñeu men
astarlı sözderdi orındı qoldanu, taqırıptı aşa bilui;
- aytıs sarınıñ, maqsatın wğına otırıp, qarsılasına wtımdı da orındı
jauap qaytaru, toytarıs beru qabileti;
- orındauşılıq şeberligi, aytar oyın tüyindeui sahnalıq mädenieti jäne kiim
ülgisi.
AYTISTI ÖTKİZUDİÑ TÄRTİBİ JÄNE ŞARTTARI
- oblıstıq aqındar aytısına qatısatın ümitkerlerdiñ jası 14 pen 29 aralığındağı
jastar qatısa aladı;
- ötinimder 15 säuirge deyin 8 (7282) 30-55-65, 30-56-42 telefondarına faks arqılı
jiberuleriñiz tiis.
- aytısqa är audannan 1 ümitkerden qatısadı;
- aytısqa halqımızdıñ tilin, dästürin, tarihın jäne ädebietin tereñ biletin suırıp
salma jas aqındar qatısadı;
- aytısta eldiñ birligine, wltaralıq tatulıqqa nwqsan keltiretin, Konstituciyalıq
qwrılımğa qarsı aytılatın sözderge jol berilmeydi;
- osı qağidanıñ joğarıda körsetilgen äreketke jol berilgen jağdayda aqın aytıstan
şettetiledi;
- aqındar qazılar alqasınıñ şeşimine jäne osı qağidanıñ talaptarına bağınuı
tiis;
- aytısqa qatısu üşin audan, qalalarınıñ mädeniet bölim basşılarınıñ, qoğamdıq
birlestikterdiñ jäne basqa da zañdı twlğalardıñ wsınısı boluı qajet;
- aytısqa qatısuşı aqındar wyımdastıru komitetine ötiniş beredi. Ötinişke
mınaday qwjattardı qosa wsınıladı:
- Ömirbayanı turalı mağlwmattar.
- Tuğan jeri, küni, ayı, jılı, wltı.
- Jwmıs nemese oqu ornınan anıqtama.
- Tuu turalı nemese jeke kuälik köşirmesi.
- Basqa aytıstarda jetken jetistikterin kuälandıratın qwjat (diplom jäne marapattau qağazdarı)
- Tiisti mekemeniñ wsınıs hatı.
- Baylanıs telefondarı.
- aqındar jerebe tartu ädisi arqılı jwptarğa bölinip aytısadı;
- aqındardıñ söz sayıstıru (aytısu) uaqıtınıñ wzaqtığın qazılar alqası
belgileydi;
- jeñimpazdar mınaday Bas jülde, İ, İİ, İİİ orındar boyınşa marapattaladı:
- Bas jülde – 1/bireu/
- İ orın – 1/bireu/
- İİ orın – 1 /bireu/
- İİİ orın – 1 /bireu/
- jeñimpazdarğa basqa da ıntalandıru sıylıqtar jäne alğıs hattarmen
marapattaladı;
- aqındardıñ aytısqa barıp-qaytu jol şığındarın jiberu jaq tarapınan.
AYTIS KELESİDEY BOYINŞA BAĞALANADI
- orındauşılıq şeberligi (orındauşınıñ derbestigi);
- sapalıq deñgeyi;
- sahna mädenieti;
- ädebi til baylığı;
- taqırıptı dwrıs aşa bilui;
- qarsılasqa jauap beru şeberligi;
- dästürli aytıs maqamın üylestire qoldana bilu;
- qazirgi tañdağı özekti mäselelerdi kötere bilu;
- taqırıptan auıtqımay, wyqastıra jetkizu.
AYTISTIÑ ÖTKİZİLU TÄRTİBİ
Aytıs üş aynalım boyınşa ötkiziledi:
- birinşi aynalımda irikteu, är jwpqa 2 minut uaqıt beriledi.
- ekinşi aynalımda – 3 minuttan uaqıt bölinedi.
- ekinşi aynalımnan keyin märege şıqqan 2 jwp 6 minuttan aytısıp,
jüldegerler anıqtaladı.
ÖTKİZİLU ORNI MEN MERZİMİ
Bayqau Taldıqorğan qalası, İ.Jansügirov atındağı mädeniet sarayında 2016 jılğı 24 säuir küni sağat 14.00-de ötkiziledi. Tirkeu sağat 09.10. Tirkeuge qatıspağan qatısuşılar aytısqa jiberilmeydi.
Eskertu:
2016 jıldıñ 13 säuir küni, sağat 14.00-de Taldıqorğan qalası, İ. Jansügirov atındağı Jetisu memlekettik universitetiniñ akt zalında irikteu ötedi. İrikteuden ötken aqındar sayısqa joldama aladı.
Direktor A.Nwrmwhambetov
kerey.kz
Pikir qaldıru