جاڭالىقتار كوز قاراس

جەر كوميسسياسىنىڭ بۇگىنگى وتىرىسىنان بايقاعانىم。。。

kerey.kz

 |  May 28, 2016

جەر كوميسسياسىنىڭ بۇگىنگى وتىرىسىنان بايقاعانىم:

1. رۇقسات ەتىلمەگەن ميتينگىنىڭ اسەرى.

وتىزعا جۋىق بەلسەندىنىڭ تۇتقىندالعانى، كەيبىرىنە قىلمىستىق ءىس قوزعالعانى، شەرۋگە بەتتەگەندەردىڭ جاپپاي قامالعانى تەككە كەتپەگەن. الدىڭعى ميتينگىلەردىڭ جالعاسى، مامىردىڭ 21-ىندەگى وقيعا كوميسسياداعى حالىقشىلداردىڭ پوزيتسياسىن نىعايتقان. بۇگىنگى جيىننىڭ بەلسەندىسى مۇقتار تايجان “مامىردىڭ 21-ىندە شەرۋگە شىعۋدىڭ قاجەتى شامالى، ماسەلەنى بىلاي دا شەشۋگە تىرىسامىز” دەگەنى ەستە. مەنىڭشە حالىقشىلدار كوميسسيادا كوزىرگە اينالاتىن وقيعاعا شاقىرماسا دا ۇندەمەي قالۋى كەرەك ەدى. ساياساتتىڭ زاڭى سولاي). ارقاسى قوزىپ وتىرعان ءبىراز جۇرت مۇقتار تايجان مەن تاعى دا باسقا ازاماتتار اسىرە ساق ۇستانىمدارىن جاريالاعان سوڭ باسەڭسىدى. سونىڭ وزىندە كوميسسياداعى حالىقشىلدار سوڭعى ميتينگىنىڭ ىقپالىن سەزدى دەپ ويلايمىن.
بيلىكتى توڭكەرمەك بولدى، پالەن-تۇگەن دەگەندى ىشكى ىستەر ءمينيسترىنىڭ وكىلى وسى جيىندا تاعى قايتالادى. مۇقتار تايجان دەرەۋ سۇراق قويىپ ەدى، وزىڭە بىلاي شىعىپ جاۋاپ بەرەيىن دەپ جالتاردى. حالىقشىلدار وسى مۇمكىندىكتى پايدالانىپ، مامىردىڭ 21-ىندەگى وقيعانى جاقسىلاپ تالقىعا سالا المادى. تاقىرىپتان اۋىتقىماۋ ءۇشىن ميتينگىلەر ماسەلەسى مەن وعان باس پروكۋراتۋرا بەرگەن باعانى كوميسسيا وتىرىسىنىڭ كۇن تارتىبىنە جەكە ەنگىزۋى كەرەك. 1986 جىلعى جەلتوقسان وقيعاسىنان كەيىن قازاق ۇلتشىلدىعى تۋرالى ماسكەۋدەگى ورتالىق كوميتەت ارنايى قاۋلى الىپ، كەيىن ونى ارنايى كوميسسيانىڭ كۇشىمەن زورعا جويعىزعان. سول كوميسسيانىڭ باسى-قاسىندا جۇرگەن مۇقتار شاحانوۆ وتىر عوي كوميسسيادا. باس پروكۋراتۋرا ءوز قۇزىرەتىنەن اسىپ، 21 مامىرداعى ميتينگكە زاڭي باعا ەمەس، تاريحتا قالاتىن ساياسي قاۋلى شىعاردى. سوندىقتان كوميسسيا بۇل ماسەلەنى ءالى دە بولسا جەكە قاراۋى ءتيىس. سودان سوڭ، كوميسسيا قۇرىلعان كەزدە مۇشەلەردىڭ قاتارىندا اتالعان ماكس بوقاەۆ پەن ءبىر وتىرىستان كەيىن شىعىپ كەتكەن ماقسات نۇرىپباەۆ كوميسسياعا قايتا قوسىلۋى كەرەك. جىگىتتەرگە اباقتىدا ءبىراز تىڭ وي كەلگەن بولار.

2. ءساتسىز رەفورمانى مويىنداۋ.

مەنىڭشە، بۇگىنگى وتىرىستا قازاقستاننىڭ اۋىل شارۋاشىلىعى رەفورماسىنىڭ ءساتسىز بولعانى العاش رەت جوعارى كوميسسيا دەڭگەيىندە مويىندالدى. “جەڭىل ماشينە شىعارىپ نەسىنە تىراشتاندىق، نەگە سوقا شىعارمادىق، سول اقشانى اۋىل شارۋاشىلىعىنا نەگە قۇيمادىق” دەگەن ايتاحانوۆ پەن كوسارەۆتەردىڭ ءسوزى بولار ءىس بولىپ كەتكەننەن كەيىن “ك-تىمىزگە نەگە قارامادىق” دەگەندى ەسكە ءتۇسىردى. اۆتوموبيل جاساۋمەن شۇعىلدانىپ جۇرگەن توپ-مەنەدجەرلەردىڭ «قازاقستان ماشينە شىعارۋدى ون جىلعا كەش باستادى، ەندىگىسى بوس اۋرە، اقشا جەۋدەن وزگە تۇك ەمەس» دەگەنىن ءوز قۇلاعىمەن ەستىگەن، كەزىندە داۋىرلەگەن، بۇگىندە تۇرالاعان اۋىلدا وسكەن ءبىز سياقتىلارعا مۇنداي مويىنداۋ وتە اۋىر ەستىلەدى ەكەن. جيىرما بەس جىل جازىقسىز تۇرمەدە وتىرىپ، ەندى اقتالعانداي سەزىمدە بولدىم). باسقا دا بيلىكشىل بىرنەشە سپيكەر ء“وزىمىز دە جەردى ۇقساتار ەدىك” دەگەندى ءىلىپ اكەتتى. ياعني، وكىمەت اقشانى ءراسۋا قىلماعاندا جەر ساتامىز با، جوق پا دەپ وتىرماس ەدىك دەگەندى انىق اڭعارتتى. مەنىڭشە بۇل، پرەزيدەنت نازارباەۆتىڭ اۋىل شارۋاشىلىعىنا جاساعان رەفورماسىنا ءوزى قۇرعان كوميسسيانىڭ امالسىزدان بەرگەن العاشقى اشىق باعاسى، مويىنداۋى. ەندى اۋىلدان تەك كەشىرىم سۇراۋ قالدى))
جالپى بۇگىنگى وتىرىستا انشەيىندە شەڭبەردەن شىعا المايتىن ءبىراز سپيكەرلەردىڭ ەكى ويلى بوپ، بىلقىلداپ قالعانىن بايقادىم. قانشا دەگەنمەن وتىرىس تىكەلەي ەفيردەن كەتىپ جاتىر دەگەندەي. ەلگە قاراۋعا دا بەت كەرەك. ايتپاقشى، ازاتتىقتان وزگەلەر نەگە تىكە تاراتپايدى وسىنى، كوميسسيا امەريكانىكى ەمەس ەدى عوي؟)).

3. پارلامەنت.

انشەيىندە وپپوزيتسيا مەن قوعام بەلسەندىلەرىمەن سويلەسپەيتىن بيلىك جەر كوميسسياسىن قۇرۋ ارقىلى ءوزى قۇرعان پارلامەنتتىڭ دە تۇككە تۇرمايتىنىن مويىندادى. بۇگىنگى وتىرىس – دايىن پارلامەنت قوي. پارلامەنتتە جەر ءۇشىن قىپ-قىزىل ايتىس، تالاس-تارتىس، ءتىپتى توبەلەس بولۋى كەرەك ەدى. دەپۋتاتتارى توبەلەسەتىن ەلدەر قىرىلىپ قالعان جوق)). مەنىڭشە بيلىك تىم بولماسا وسى جەر كوميسسياسىنداعى «حالىقشىلدار» سەكىلدى كونسترۋكتيۆتى ساياساتكەرلەر مەن بەلسەندىلەردى پارلامەنتكە ءالى دە بولسا كىرگىزۋى كەرەك. كورىنىپ تۇر، ماكس بوقاەۆتان وزگە راديكالدارى جوق)). بۇل ەندى باسقا اڭگىمە، بىتپەيتىن جىر.

ەڭ باستىسى جەر كوميسسياسىنداعى حالىقشىلدار «نۇروتاننىڭ» دوكەيلەرىمەن جيىن ۇستىندە، تىكەلەي ەفيردە تىكە سويلەسىپ، قارجاسىپ، شايناسسا دەيمىز. بيلىك دەگەنىمىز – كۇش. كۇشتى كۇشتىنى عانا سىيلايدى. مۇقتار تايجان سويلەپ وتىرىپ، مينيسترلەرگە قاراپ «سولاي ما؟» دەگەندە زالدا ءبىرتۇرلى ىڭعايسىزدىق پايدا بولاتىنىن بايقادىم. ەشكىم بۇلاي ناگلىي سويلەمەگەن عوي ولارعا)).

اسىلحان ماماشۇلىنىڭ facebook پاراقشاسىنان الىندى