Jer komissiyasınıñ bügingi otırısınan bayqağanım。。。
kerey.kz
Jer komissiyasınıñ bügingi otırısınan bayqağanım:
1. Rwqsat etilmegen mitinginiñ äseri.
Otızğa juıq belsendiniñ twtqındalğanı, keybirine qılmıstıq is qozğalğanı, şeruge bettegenderdiñ jappay qamalğanı tekke ketpegen. Aldıñğı mitingilerdiñ jalğası, mamırdıñ 21-indegi oqiğa komissiyadağı halıqşıldardıñ poziciyasın nığaytqan. Bügingi jiınnıñ belsendisi Mwqtar Tayjan “mamırdıñ 21-inde şeruge şığudıñ qajeti şamalı, mäseleni bılay da şeşuge tırısamız” degeni este. Meniñşe halıqşıldar komissiyada közirge aynalatın oqiğağa şaqırmasa da ündemey qaluı kerek edi. Sayasattıñ zañı solay). Arqası qozıp otırğan biraz jwrt Mwqtar Tayjan men tağı da basqa azamattar äsire saq wstanımdarın jariyalağan soñ bäseñsidi. Sonıñ özinde komissiyadağı halıqşıldar soñğı mitinginiñ ıqpalın sezdi dep oylaymın.
Bilikti töñkermek boldı, pälen-tügen degendi işki ister ministriniñ ökili osı jiında tağı qaytaladı. Mwqtar Tayjan dereu swraq qoyıp edi, öziñe bılay şığıp jauap bereyin dep jaltardı. Halıqşıldar osı mümkindikti paydalanıp, mamırdıñ 21-indegi oqiğanı jaqsılap talqığa sala almadı. Taqırıptan auıtqımau üşin mitingiler mäselesi men oğan Bas prokuratura bergen bağanı komissiya otırısınıñ kün tärtibine jeke engizui kerek. 1986 jılğı Jeltoqsan oqiğasınan keyin qazaq wltşıldığı turalı Mäskeudegi ortalıq komitet arnayı qaulı alıp, keyin onı arnayı komissiyanıñ küşimen zorğa joyğızğan. Sol komissiyanıñ bası-qasında jürgen Mwqtar Şahanov otır ğoy komissiyada. Bas prokuratura öz qwzıretinen asıp, 21 mamırdağı mitingke zañi bağa emes, tarihta qalatın sayasi qaulı şığardı. Sondıqtan komissiya bwl mäseleni äli de bolsa jeke qarauı tiis. Sodan soñ, komissiya qwrılğan kezde müşelerdiñ qatarında atalğan Maks Boqaev pen bir otırıstan keyin şığıp ketken Maqsat Nwrıpbaev komissiyağa qayta qosıluı kerek. Jigitterge abaqtıda biraz tıñ oy kelgen bolar.
2. Sätsiz reformanı moyındau.
Meniñşe, bügingi otırısta Qazaqstannıñ auıl şaruaşılığı reformasınıñ sätsiz bolğanı alğaş ret joğarı komissiya deñgeyinde moyındaldı. “Jeñil mäşine şığarıp nesine tıraştandıq, nege soqa şığarmadıq, sol aqşanı auıl şaruaşılığına nege qwymadıq” degen Aytahanov pen Kosarevterdiñ sözi bolar is bolıp ketkennen keyin “k-timizge nege qaramadıq” degendi eske tüsirdi. Avtomobil' jasaumen şwğıldanıp jürgen top-menedjerlerdiñ «Qazaqstan mäşine şığarudı on jılğa keş bastadı, endigisi bos äure, aqşa jeuden özge tük emes» degenin öz qwlağımen estigen, kezinde däuirlegen, büginde twralağan auılda ösken biz siyaqtılarğa mwnday moyındau öte auır estiledi eken. Jiırma bes jıl jazıqsız türmede otırıp, endi aqtalğanday sezimde boldım). Basqa da bilikşil birneşe spiker “özimiz de jerdi wqsatar edik” degendi ilip äketti. YAğni, ökimet aqşanı räsua qılmağanda jer satamız ba, joq pa dep otırmas edik degendi anıq añğarttı. Meniñşe bwl, prezident Nazarbaevtıñ auıl şaruaşılığına jasağan reformasına özi qwrğan komissiyanıñ amalsızdan bergen alğaşqı aşıq bağası, moyındauı. Endi auıldan tek keşirim swrau qaldı))
Jalpı bügingi otırısta änşeyinde şeñberden şığa almaytın biraz spikerlerdiñ eki oylı bop, bılqıldap qalğanın bayqadım. Qanşa degenmen otırıs tikeley efirden ketip jatır degendey. Elge qarauğa da bet kerek. Aytpaqşı, Azattıqtan özgeler nege tike taratpaydı osını, komissiya ämerikanıki emes edi ğoy?)).
3. Parlament.
Änşeyinde oppoziciya men qoğam belsendilerimen söylespeytin bilik Jer komissiyasın qwru arqılı özi qwrğan parlamenttiñ de tükke twrmaytının moyındadı. Bügingi otırıs – dayın parlament qoy. Parlamentte jer üşin qıp-qızıl aytıs, talas-tartıs, tipti töbeles boluı kerek edi. Deputattarı töbelesetin elder qırılıp qalğan joq)). Meniñşe bilik tım bolmasa osı Jer komissiyasındağı «halıqşıldar» sekildi konstruktivti sayasatkerler men belsendilerdi parlamentke äli de bolsa kirgizui kerek. Körinip twr, Maks Boqaevtan özge radikaldarı joq)). Bwl endi basqa äñgime, bitpeytin jır.
Eñ bastısı Jer komissiyasındağı halıqşıldar «NwrOtannıñ» dökeylerimen jiın üstinde, tikeley efirde tike söylesip, qarjasıp, şaynassa deymiz. Bilik degenimiz – küş. Küşti küştini ğana sıylaydı. Mwqtar Tayjan söylep otırıp, ministrlerge qarap «solay ma?» degende zalda birtürli ıñğaysızdıq payda bolatının bayqadım. Eşkim bwlay naglıy söylemegen ğoy olarğa)).
Asılhan Mamaşwlınıñ facebook paraqşasınan alındı
Pikir qaldıru