شيرەك عاسىر وتكەسىن بۇل دۇنيە سال سايابىرسىدى. ارينە، ءبىرىنشى كەزەكتە پرەزيدەنتتىڭ ارقاسىندا. قازاق پەن قازاقتىڭ جەرىن مەكەن ەتكەن وزگە ۇلتتاردى ءبىر جۇدىرىققا جۇمىلدىرا العان نۇرسۇلتان نازارباەۆ ءىس جۇزىندە تاتۋلىعى مەن تۇراقتىلىعى ساقتالعان مەملەكەت قۇردى.
ءدال قازىر قازاقستان ەلىمىزدەگى كوپتەگەن ۇلت وكىلدەرى ءۇشىن «قوي ۇستىنە بوزتورعاي جۇمىرتقالاعان ەل». ەندى شە، ءوزىڭىز الىپ قاراڭىز، قازاقستاندا قازاق مەكتەپتەرىمەن قاتار وزبەك، ۇيعىر، ۋكراين مەكتەپتەرى بار. ءار ۇلت ءوز الدىنا ۇلتتىق-مادەني ورتالىعىن قۇرىپ العان.
بۇل نەنى بىلدىرەدى؟ بۇل ەلىمىزدەگى ءاربىر ازامات تەڭ قۇقىلى دەگەن ءسوز. ەلىمىزدەگى ەشبىر ۇلت وكىلدەرى ەشنارسەدەن كەمىستىك كورىپ وتىرعان جوق. سولاي.
سوعان قاراماي، ەلدەگى ءورىستىلدى قاۋىم قازاقستاننان كوشىپ جاتىر. نەگە؟ نە بولدى ەكەن؟
ارينە، ءاربىر وتباسىنىڭ ەلدەن كوشكەن كەزدەگى ءوز سەبەبى بارى تۇسىنىكتى. بىراق، تەرەڭىنە ۇڭىلسەك ورىستىلدىلەرگە قازاقستاننان كوشۋگە ەكى نارسە تۇرتكى بولىپ وتىر. ءسىز تىڭداڭىز. ءبىز ايتايىق.
العاشقىسى. قوعامدا قازاق ءتىلىننىڭ ءرولى ارتىپ كەلەدى. قازاقشالاپ ايتساق، مىسى باسىپ بارادى. ءتىل عانا ەمەس،
وسى ەلدىڭ، وسى جەردىڭ قوجايىنى سانالاتىن قازاقتىڭ سانى وسۋدە.
قازىردىڭ وزىندە قازاقتاردىڭ سانى 70 پايىزعا جاقىنداپ قالدى. تاۋەلسىزدىكتىڭ ەلەڭ-الاڭىندا بۇل كورسەتكىش 50 پايىزعا دا جەتپەيتىن.
بۇل نەنى بىلدىرەدى؟ ءورىستىلدى قاۋىمعا جاقپاسا دا ايتايىق،
قازاقستان ۇلتتىق مەملەكەتكە اينالىپ كەلە جاتىر. ءبىر عانا ۇلت تۇراتىن، ءبىر عانا ۇلت مەكەن ەتەتىن…
ارينە، الاڭداتادى. ەلىمىزدەگى ءورىستىلدى ازاماتتار الاڭدايدى بۇعان. سەبەبى، وسى ۋاقىتقا دەيىن مەملەكەتتىك ءتىلدى مەڭگەرمەگەن ولار. وسى سەبەپتى ەرتەڭىن ويلايدى. ءوزىنىڭ عانا ەمەس، بالالارىنىڭ دا…
ماسەلە نەدە؟ ۇلتتىق مەملەكەتكە اينالىپ كەلە جاتقان قازاقستاندا ءورىستىلدى قاۋىمعا تەك ەكى جول بار.
ءبىرى – قازاقپەن ءسىڭىسۋ، ونىڭ ءتىلىن مەڭگەرۋ، ءدىلىن ءتۇسىنۋ. ەكىنشىسى – كوشۋ.
بۇدان كەيىنگى سەبەپ – ۋكرايناداعى وقيعالار. ونىڭ ىشىندە دونباسس.
ەلىمىزدەگى ءورىستىلدى قاۋىم رەسەي ۋكرايناداعى ارەكەتىن قايتالاپ، ءوزىنىڭ «ورىس الەمىن» يدەياسىن قازاقستانعا تىقپالار بولسا، «ەكى تۇيەنىڭ ورتاسىندا شىبىن ولەدىنىڭ» تاعدىرىن قايتالاۋدان قاتتى قورقادى.
سەبەبى، ولار دونباسستاعى جاعدايدى ەستىپ، ءبىلىپ وتىر. ولاردىڭ ەكى وتتىڭ ورتاسىندا قالعىسى جوق.
قازاقستاندا قالۋ نەمەسە رەسەيگە كوشۋ. ولارعا سوڭعىسىن تاڭداعان ءتيىمدى.
سەرىك مالەەۆ، «التىن-وردا» گازەتى
365info.kz
پىكىر قالدىرۋ