Sankt-Peterburg qalasınıñ metropolitenindegi jarılıs säuirdiñ 3-i kündiz «Tehnologiyalıq institut» jäne «Sennaya Ploşad'» stanciyalarınıñ arasında bolğan. 11 adamnıñ qaza tapqanı, 50-dey adamnıñ zardap şekkeni turalı aqpar taradı. Resey biligi oqiğanı «terakt» dep atadı. Äzirge jarılıstı eşqanday wyım moynına almadı.

Jarılıstan keyin BAQ betterinde Peterburgte oqitın qazaqstandıq student Maksim Arışev turalı türli mälimet taradı. Keybir reseylik aqparat qwraldarı jarılıs kezinde vagonda 22 jastağı qazaqstandıq Maksim Arışevtıñ bolğanın habarladı. Endi bir aqparat qwraldarı Maksim Arışevtıñ jarılıs bolğan sätten keyin habarsız ketkenin, onı tuıstarı izdey bastağanın jazdı. Jarılıstı «Orta Aziyadan şıqqan 23 jastağı adamnıñ jasağanı» turalı da habarlandı.

“ARIŞEV TURALI AQPARAT JOQ”

Azattıq Peterburg metrosındağı jarılıstan keyin habarsız ketken Maksim Arışevtıñ Almatıdağı ata-anası Irina jäne Vitaliy Arışevtarmen söylesuge tırısqan edi. Alayda telefon twtqasın kötergen, özin «Maksimniñ tätesi» retinde tanıstırğan Elena Arışeva Irina jäne Vitaliy Arışevtardıñ Peterburgke säuirdiñ 4-i wşıp ketkenin ayttı. Onıñ sözine qarağanda, Maksim Arışevtiñ qayda ekeni turalı äli naqtı derek joq.

- Ağam men jeñgem bügin wşıp ketti, Biz eşteñe bilmeymiz, – deydi Elena Arışeva.

FOTOGLAEREYA: Peterburg. Metrodağı jarılıs

Peterburg. Metrodağı jarılıs

​Azattıq tilşisi Sankt-Peterburg qalasındağı Qazaqstan bas konsuldığınıñ «tikeley jelisine» de habarlasqan edi. Telefon twtqasın kötergen, özin «Il'yasov Il'yas» dep tanıstırğan qızmetker Peterburgtegi «jarılıstan qaza tapqan qazaqstandıqtar turalı aqparat joq» ekenin ayttı.

- Tizimde qazaqstandıqtar joq. Arışev turalı da aqparat joq. Biz tizimdi Resey TJM-niñ soltüstik-batıs böliminen alıp otırmız, – deydi Il'yasov.

Qazaqstan sırtqı ister ministrliginiñ resmi ökili Änuar Jaynaqov Maksim Arışev jönindegi aqparattarğa qatıstı asığıs qorıtındı jasamauğa şaqırdı. Onıñ Azattıqqa aytuınşa, Maksim Arışevtiñ qayda ekeni jaylı äzirge naqtı mälimet joq. Ol «Qaza tapqan adamdar mäyitin tanu jwmıstarı jürip jatır. Mert bolğandardıñ qay eldiñ azamattarı ekeni jönindegi tizim äli jasalıp jatır. Resmi aqparat äzir bolğan bette biz onı BAQ-ta jariyalaymız» dedi.

Äleumettik jelidegi akkauntarda «Maksim Arışev» degen atpen tirkelgen internet qoldanuşı «Sankt-Peterburg memlekettik ekonomikalıq universitetiniñ informatika jäne qoldanbalı matematika fakul'tetiniñ 3-kursında «aqparattıq jüyeler jäne tehnologiyalar» mamandığı boyınşa oqitının» jazğan.

WQK BOLJAMI

Al Qazaqstan wlttıq qauipsizdik komiteti (WQK) törağasınıñ orınbasarı Nwrğali Bilisbekov “Bwğan deyin teraktige 1996 jılı tuğan Arışev Maksim Vital'eviçtiñ qatısı boluı mümkin ekeni turalı aqparattar taradı. Bwl aqparat şındıqqa säykues kelmeydi der edi. Ol komitet nazarına ilikpegen, esepte twrğan joq. Resey arnayı qızmet ökilderi onı orındauşı retinde qarıstırıp otırğan joq. Bizdiñşe, ol – jarılıs epicentrinde bolğan qwrban. Biz aqparat almasıp jatırmız, jaqın arada belgili boladı” degen.

Nwrğali Bilisbekovtiñ sözine qarağanda, qazir Resey qauipsizdik qızmeti teraktige Resey nemese Qazaqstannıñ azamatı emes, Ortalıq Aziyadan şıqqan adamnıñ qatısı bar degen boljamdı tekserip jatır.

“TERAKT”

Metroda jarılıs bolğan sätte Belarus' prezidenti Aleksandr Lukaşenkomen kezdesip otırğan Resey prezidenti Vladimir Putin «bilik jarılısqa sebep bolarlıq barlıq nwsqalardı qarastıratının, terakt boluı mümkin ekenin de joqqa şığarmaytının» mälimdegen.

Resey bas prokuraturası ökili bwl oqiğanı «terakt» dep atadı. «Interfaks» agenttigi Sankt-Peterburg metrosınıñ «Ploşad' Vosstaniya» stanciyasınan da jarılğaş zat tabılıp, saperler onı zalalsızdandırğanın habarladı.

Qazir Peterburg metrosınıñ stanciyalarında tekseris küşeyip, jolauşılar kezegi payda bolğan. Almatı metrosında da qauipsizdik şaraları küşeytilgeni habarlandı.     Azat Europa / Azattıq radiosı