Jiında Memleket basşısına qoğamdıq talqılaular barısında kelip tüsken wsınıstardı eskere otırıp äzirlengen qazaq tiliniñ latın qarpine negizdelgen birıñğay standartınıñ jobası wsınıldı.

Qazaqstan Prezidenti memlekettik tildi reformalau ruhani jañğıru bağdarlaması ayasındağı mañızdı mäselelerdiñ biri ekenin atap ötti.

– Bwl künderi qazaq tiliniñ jaña älipbiine baylanıstı mäsele qoğamda qızu talqılanuda. Oğan köptegen adam qatıstı. Latın qarpine köşu turalı ideya biz täuelsizdik alğan kezden tuındağan bolatın. Qazaq jazuınıñ latın qarpine köşui ärdayım meniñ ayrıqşa baqılauımda boldı, – dedi Nwrswltan Nazarbaev.

Osı rette, Elbası latın qarpine köşu üderisiniñ tarihi mäni bar ekenine toqtalıp, bwl mäseleni birlese şeşu qajettigin ayttı.

– Älemde eşbir el öziniñ jaña älipbiin bükil halıq bolıp osılayşa talqılağan emes. Biz üşin ärbir adamnıñ pikirin bilu mañızdı. Latın qarpine köşuge baylanıstı Prezident Äkimşiligine 300-den astam ötiniş kelip tüsti. Jastardıñ bwl üderisti qoldağanı quantadı, – dedi Memleket basşısı.

Nwrswltan Nazarbaev qazaq tiliniñ jaña älipbiiniñ jobasın talqılauğa jetekşi qoğamdıq birlestikterdiñ, ğılımi orta men jwrtşılıqtıñ belsendi türde atsalısqanına nazar audardı.

Kezdesu barısında Qazaqstan Prezidentine atqarılğan jwmıstardıñ nätijeleri jöninde A.Baytwrsınov atındağı Til bilimi institutınıñ direktorı E.Qajıbek jäne Ş.Şayahmetov atındağı Tilderdi damıtudıñ respublikalıq üylestiru-ädistemelik ortalığınıñ direktorı E.Tileşov bayandadı.

Elbası jiınğa qatısuşılardıñ esebi men pikirlerin tıñdap, ayrıqşa män berudi qajet etetin jekelegen mäselelerge toqtaldı.

– Jalpı, atqarılıp jatqan jwmıstardıñ negizgi bağıttarın qoldaymın. Jobanı iske asıru barısında älemdik täjiribe eskerildi. Bwl öte mañızdı. Sonımen birge, qazaq älipbiin latın qarpine köşiru üderisine qatıstı aqparattıq-tüsindiru jwmıstarın jalğastıru qajet, – dedi Memleket basşısı.

Qazaqstan Prezidenti bwl reforma basqa tilderdiñ damuına nwqsan keltirmey, azamattardıñ qwqıqtarın bwzbauğa tiis ekenine erekşe toqtaldı.

– Qazaq tiliniñ latın qarpine köşui orıs tildi azamattardıñ qwqıqtarın, orıs tili men basqa da tilderdiñ mümkindikterin şektemeydi. Orıs tiliniñ kirill qarpinde qoldanıluı özgerissiz qaladı. Ol bwrınğıday qızmet atqara beretin boladı. Jaña älipbige köşu qazaq tilin meñgerudi jeñildetedi, – dedi Nwrswltan Nazarbaev.

Elbası latın qarpine köşu kürdeli üderis ekenin, sonday-aq onıñ maqsatı tilimizdi damıtu jäne onı älemdik aqparattıq keñistikke şığaru üşin jağday jasau bolıp tabılatının atap ötti.

Bwdan bölek, Memleket basşısı jaña älipbidi bilim beru jüyesine engizu üşin mwğalimder men ädistemelik bazanı dayındau qajettigin aytıp, Ükimetke onı kezeñ-kezeñimen engizu jönindegi jospar äzirleudi tapsırdı.

Soñında Nwrswltan Nazarbaev qazaq älipbiin reformalauğa qoldau bildirip, onı iske asıruğa belsendi atsalısqan barşa qazaqstandıqtarğa, ğalımdar men tiltanuşılarğa alğıs ayttı.