ŞOLPIDAY KÜMİS BİR SIÑĞIR
kerey.kz
Bügin QR Jurnalister odağınıñ müşesi, Älem halıqtarı Jazuşılar
odağınıñ müşesi Jwmat ÄNESWLI 72 jasqa tolıp otır. Jwmat Äneswlı
tarihi zerdeleu maqalalarımen, äzil qaljıñdarımen oqırmandarğa esimi
keñinen tanıs.J. Äneswlınıñ öleñ jırları «Jwmattıñ ğazelderi men
äzilderi», «Ğazelderim men äzilderim» attı kitaptarınan mälim.
Avtordı tuğan künimen qwttıqtap, şığarmaşılığına dañğıl jol tileymiz!
Jwmat ÄNESWLI, jazuşı, aqın
ŞOLPIDAY KÜMİS BİR SIÑĞIR
Aydın köl jatır jarqırap,
Kökte twr ay sığalap.
Aynala köktem jañarğan,
Tobılğı tolğan say alap.
Köl jağası tirşilik,
aynala qonğan kigiz üy.
Janıp jatır köp oşaq,
maujırağan köñil küy.
Tobılğı arası bir sıbdır,
Ekeuden ğana bir qıbdır,
Sönbedi anau bir oşaq,
Estiledi kömeski,
şolpıday kümis bir sıñğır.
ÖNER men SAUDA
Öner men sauda
Bir birinen alşaq dünie ,qarağım.
Önerge sen qasietiñdi qos,
darınıñdı qos,
Talabıñdı qos,
Köterip kör sosın,
Kötere alarma ekesiñ!
Al, tiın men jez.
Qapşıqtap jina,
Salmağı auır tım onıñ.
Kötere alsañ köter,
Ayırarsıñ,SODAN neniñ AUIR,
Neniñ JEÑİL ekenin
Lirika
QANATIMDI OTQA SALDIM
Men seni süydim,
Erniñnen ernim talğanşa süydim.
Qwştım, qwşırlandım.
Men qazir işiñdemin,
men qanıñdamın,
men bauırıñdamın,
men büyregiñdemin,
Men jüregiñniñ däp ortasınan
orın aldım!
Sen meni süydiñ,
Qwşağıña qısqanda
otıña küydim,
Sen meniñ tağdırımmen küydiñ,
ortaq boldıñ bärine,
quanışıma, qayğıma.
Men de süydim,
Sen de süydiñ,
Boldım jalğız küydirgiñ.
Tap qazir qüşağıñdamın,
Istıq alaqanıñmen ayalap,
Jüregimniñ dürsilin bastıñ
tağdırımnıñ küyigin bastıñ!
Ayaulım, appağım,
Sen meni süydiñ,
men seni süydim,
Sol üşin.
sonau wşıp jürgen köbelektey,
qanatımdı otqa saldım!
O,TABIĞAT, QWDİRET!
O,tabiğat, qwdıret,
mıñ san qadiriñdi,
adam bolıp,
bilmey jüru mümkin be?.
O, tabiğat, qwdıret!,
san sayañdı,
adam bolıp,
sezbey jüru mümkin be!
O,tabiğat,
dauılıña da tötep berdim,
ölmedim.
Jauınıña da bir güldedim,
törlediñ!
San rahatqa
talay, talay bölediñ,
San alğısımdı ayttım sağan,
älde mümkin bilmediñ?
O, tabiğat, qwdiret!
Parızımda, qarızımda bar sağan!
Ğwmırımnıñ ämiri tek sen ğana,
Aman bolsa,
Säti tüsse,
Topırağıñ men japırağıñdı jamılıp,
Qwşağıña mäñgi enermin!
SÖZ İŞİNDE "NE JAMAN?"
——————————–
BETPAQ SÖZ AYTQAN JAMAN
Bet aldı lağıp,
SÖZ aytqan jaman,
Jeldey ağıp,
Ağın söz aytqan jaman
"Ananıki bwrıs",
"meniki dwrıs" dep
Söz aytqan jaman.
Ne aytsañda,
közdegen jeriñe
tigize almay jatqan JAMAN.
Qwtılmas jerde,
köptiñ atınan söylegen jaman.
Özin qwdayğa teñep,
"Qwdaydıñ sözin" aytqanday körip,
Bedireyip,
Betpaq SÖZ aytqan JAMAN!
Bir mwñ,-bir ğazel
ŞİRKİN DÜNIE, TAR SIYAQTI
Dünie şirkin keñistik,
şeksiz älem.
Biz kişkentay bölşegimiz
bwl ğalamnıñ.
Qwrtaqanday bolsañda
tirligiñe toymay jürgen.
Sen –Adamsıñ,
Sansız armanıñmen,
Tausılmaytın qiyalıñmen,
Keñ düniege sıymay jürgen.
Keñ dünie sağan tar siyaqtı,
Şın dosıñ bolmağasın,
Şın sırlasıñ bolmağasın,
Eminip, qwşağında jatatın,
naqsüyeriñ bolmağasın.
Keñ dünie sağan tar siyaqtı,
Bwl älemdi appaq gülmen
jayqalta almağasın!
TIRNALARMEN QOŞTASIP
Uaqıt degenniñ belgisi joq,
ölşeusiz,
Zımırap ötip baradı
bayqausız.
Suıq jel soqqan teristen,
öñmennen ötip baradı,
toqtausız.
Arqadan qaytqan tırnalar,
tizilip sap qwradı,
Köñildiñ kirin japqan bwlt,
Jöñkilip qayda baradı?,
jılı jaqqa, şaması,
–aqausız.
Öñmennen ötken
ötkir Jelmen qoştasıp,
Oñtüstigin sağınğan,
tırnalarmen qoştasıp,
Qol bwlğap twrmın qimastay,,
köñilimde- mwz,
astım -sız.
Jwmat ÄNESWLI,azuşı, aqın
kerey.kz
Pikir qaldıru