SÖYLE, QOBIZ!
kerey.kz
Qwday bwyırtsa, wlı jazuşı Mwhtar Mağauin ağamız kelesi jılı mereyli seksen jasqa toladı. Arqalı aqın Ğalım Jaylıbay ağamız külli qazaq elin qwdiretti qalamımen tamsandırıp kele jatqan qabırğalı qalamgerge mınanday jır joldarın joldaptı.
SÖYLE, QOBIZ!
Mwhtar Mağauinge
– Söyle, Mwhtar Mağauin!
Qaraşanıñ ızğarı –
nwrı tayğan qaraşıq.
Kisinep twr besti ayğır üyirinen adasıp.
Qara qobız sarını mwhittarğa janasıp,
Altı qırıñ beride.
bes qwrılıqtan äri asıp…
Azınasa qu taqtay jürekke wğar til berdi,
Şıñğıs hannıñ qwyqası şımır etip ülgerdi…
… Armandınıñ armanın zamandardan zarlatıp –
Jalğan künniñ jalğanın Sizden özge kim kördi?!
Toğız qanat aq orda qoñır salqın dep qaldım,
Qaraşanıñ ızğarı qay jağımnan kep qaldıñ?..
İşigiñiz, ağatay,
Handar kier bwlğınnan –
Kök mwzda da jauratpas aq qarında aqpannıñ.
Almas qılış jarq etse,
qolıñda altın baldağı,
qalamıñnıñ wşında – arıstardıñ armanı.
… Kök böriniñ terisi sıpırılıp tiridey
Qara qayıs qoldağı –
Endi bizge qalğanı.
Bayansız bop baytaqtıñ tarqağanda bazarı,
añnan,
älde adamnan Joşı hannıñ ajalı?..
… Ket – Bwğaday kün keştiñ,
ğasırlarmen ündestiñ –
qara qobız zar qwssa,
qılı, şegi nazalı.
«– Teñiz bastan bwlğansa, kim twndırar, ağası,
Terek tüpten jığılsa, kim twrğızar, ağası.»
… Qamqa tonnıñ jağası,
artıp tuğan bağası –
Siz, ne deysiz, ağası –
eki dünie arası…
Bwl zamannıñ kim bilsin wlısı kim, irisi,
tünek bolıp ketedi tüp izdeseñ tün işi.
… Qobız alsañ qolıña emis-emis estiler –
Ayrılısqan aqqudıñ şerge tolı dıbısı …
Qara qobız sarnasa
zarın tıñdap ülgerem,
Bwlt astında bulığıp jarq etetin kün körem.
… Täbiyağa jaratqan küpşek sandı küreñim –
Qasqa ayğırdıñ üyiri bolmaydı eken kil beren.
Sarınına qosa ma,
Şıñğıstaudı,
Semeydi,
Üzik-üzik bir eles qoltığımnan demeydi.
asıldardıñ öleñi,
ğasırlardıñ bederi –
Qara qobız ne dedi,
Qara qobız ne deydi?!
– Söyle, Mwhtar Mağauin!
Ğalım JAYLIBAY
Pikir qaldıru