5 JASINDA ATQA – 75 JASINDA TAQQA MİNDİ!
kerey.kz
Qazaq qauımı dür silkindi!
Qızıl kommunisterdiñ ümitkeri Twrğın SIZDIQOV qazaqstandıqtardıñ nebäri 1,6 payız dauısına qol jetkizse, özin-özi wsınğan elimizdiñ Käsipodaqtar federaciyasınıñ törağası Qwsayın ÄBİLĞAZIN 0,7 payızdı mise twttı. Söytip, meniñşe, Qazaq elinde kommunizm ideyasınıñ janazası mäñgilikke şığarılıp, eñbekkerlerdiñ qwqığın qorğauğa tiis käsipodaqtar wyımı da «qanağattanarlıqsız» degen qalıñ ekilik aldı…
Ortalıq saylau komissiyası prezident saylauınıñ aldın-ala nätijesin jariyalap, dauıs beruge qatısqan saylauşılardıñ 97,7 payızı özderiniñ dauısın Nwrswltan NAZARBAEVqa bergenin habarladı. Söytip, 5 jasında atqa mingen Elbasımız – 75 jasında qaytadan taqqa qondı! Soñğı 24 jılda Qazaq memleketiniñ tizginin üzdiksiz wstağan Wlt köşbasşısına wltı tağı da senim arqalattı!..
Iä, almaqtıñ da – salmağı bar. Qazaq qauımı beybitşilik pen birlikke, täuelsizdik pen täuir ömirge tañdau jasadı. Äytkenmen, sayasi täuelsizdiktiñ özi – ekonomikalıq täuelsizdiktiñ mıqtı bwrandalarımen bekitiluge tiis. Adamnıñ äl-auqatı – qoğamnıñ aynası ispetti: ne ol tüzu de taza, nemese qisıq ta las…
Är qazaqtıñ tamağı toq, köylegi kök boluı üşin:
1. Şikizat sektorınıñ tüsimderine memlekettik apparattı, äskerdi jäne äleumettik auırtpalıqtardı artu kerek. Öytkeni, memlekettik byudjettiñ 90 payız tüsimi 100 iri salıq töleuşilerden tüziledi.
2. Tiisinşe, eger biz şağın jäne orta käsipkerlikti salıqtan taza bosatsaq, memlekettik byudjet mwnı sezbey de qaladı. Älemde şağın biznes – kezkelgen eldiñ ekonomikasınıñ qozğauşı küşi bolıp tabıladı. Bizde şağın biznes memlekettik byudjettiñ nebäri 0,1 payızın ğana; al, ortaşa biznes 4,5 payızın ğana qwraydı. Keşegi qazaqtıñ danışpandıq dala zañına arqa süyesek, bäri meylinşe qarapayım äri tüsinikti: şağın jäne orta käsipkerlikti salıqtan taza bosatıp, tekserudi müldem doğaru kerek; tek şığınnan joğarğı kiriske ğana jan basına şaqqanda 2 payızdıq salıq jetedi (bay-şonjarlar üşin kiristen 15 payızdıq salıq). Osılay bolsa, adamdar qolınan kelgen şaruasımen (salıqtan jäne basqadan qorıqpay) belsendi aynalısıp, jwmıs orındarı köptep payda boladı. Jwmıs tabılsa, aqşa keledi, yağni halıq özin-özi asırauğa köşedi.
3. Mwnıñ özi äleumettik qısımdı joyıp qana qoymay, ädiletti bäsekelestik ornatıp, eldegi etek alğan jemqorlıqtıñ «ayağına» twsau saladı.
4. Üy işinen üy tikken (ekinşi Ükimet apparatı sekildi) «Samwrıq-Qazına» wlttıq kompaniyası men onıñ barlıq naqtı önim bermeytin qwrılımdarın taratu kerek. Osınday bir ğana batıl qadammen memlekettik qazınanıñ asa basım böligin ünemdeuge boladı.
5. Jastar bolaşaqta elşil äri bilimdi boluı üşin – tärbie men bilim beru salasına baysaldı sayasat äzirleu kerek. Onda älemdik örkeniettiñ ozıq ülgilerin erkin endirip, wltımızdıñ salt-sanası man dästür-bolmısın diñgek etip aluımız kerek.
…Ärine, dosı köp – dwşpansız da qalmaydı. Keybireuler saylaudağı 97,5 payızdıq körsetkişke kümänmen qarap, kökezulikke de wrına bastadı. Biraq, mağan facebook jelisinde wltşıl azamat Mukhtar TAYZHAN-nıñ orıs tilinde jetkizgen sözi şındıqqa jaqın körindi. Mwqañ bılay depti: «Moe mnenie, procentov na 80 po strane – eto ob'ek-tivnıy na segodnya pokazatel'. 80 procentov toçno Ego (N.Nazarbaevtı aytadı. Q.Ğ.) lyubyat i boyatsya peremen k hudşemu. Ostal'nıe 17,5% eto uje prihot'…»
Qazaq eli täuelsizdik pen twraqtılıqqa, ırıs pen ıntımaqqa aparatın dañğıl damuğa tarihi tañdau jasadı, dep ümittinemin. Al, Mukhamedzhan TAZABEK bauırımız: «Kimniñ dauısında bereke bar ekenin qaydan bileyik? Alla beytarap bolğannan saqtasın» dep ja-zıptı…
…Iä, Alla saqtasın…
Qajımwqan ĞABDOLLAniñ facebook paraqşasınan alındı
Pikir qaldıru