Endi üstimizge ağılşınşa jazılğan jeñil söz ben jat eldiñ jwldızdarı, özge wlt pen eldiñ tañbası salınğan futbolkalardı emes, QAZAQSTANDA JASALĞAN, qazaqtıñ handarı men batırları, arıstarı men alıptarı, wlttıq salt-dästürimizden körinister jäne qazaq ömirimen bağzıdan baylanısıp kele jatqan qıran bürkit, kök böri jäne jılqı beyneleri örnektelgen jeñil jeydelerdi kiyuimizge mümkindik bar.

Añsağan Mwstafanıñ Qazaq handığınıñ 550 jıldığına arnap ötkizgen körmesinde osınday 55 wqsamağan wlttıq ülgidegi jeñil jeyde tanıstırılıp, olardıñ suretteri qoyıldı.
Tarlan tarihtıñ tau twlğaların tañdauda şeberlik tanıtıp, eldiktiñ twğırın qazaq ömirimen de baylanıstırğan suretşiniñ tilegi endigi jerde osı jeñil jeydelerdi bir adam bolsa da kiip, kiim arqılı öziniñ wlttıq ruhın körsetse eken deydi.
«Bwl körme Qazaq handığınıñ 550 jıldığına arnalğandıqtan suretterimde tarihta ötken twğırı biik twlğalardı, salt-dästürdi, wlttıq oyındarımızdı beyneledim. Öytkeni bizdiñ eldigimiz handar biligi men batırlar bileginiñ küşimen ğana qalıptasqan joq, tarihtı qalıptastıruda bükil qazaq qoğamınıñ röli özgeşe. Bes ğasırdıñ işinde ata da, bala da, batır da bar. Wlttıq dästürimiz ben saltımız bar. Sondıqtan 55 türli suretti bir-birine wqsamaytın 55 ülgide saldım. Bwl oydı qua berseñ 500 suret te saluğa boladı. Biraq, men uädemdi 55 suretke bergennen keyin osı dünieler ömirge keldi. Suretterdi türli-tüsti jäne jeñildeu etip jastar jağına bağıttadım»,-deydi A.Mwstafa.

L.N.Gumilev atındağı Euraziya wlttıq universitetiniñ äleumettik-mädeni damu jönindegi prorektorı Dihan Qamzabekwlı suretşi Añsağannıñ önerin joğarı bağalap, jinalğan student jastardı osınday qarapayım türmen de elge ruh sıylap, wltqa üles qosuğa bolatının ayttı.
«Otanşıldıq pen wlttıq ruhtı kündelikti twtınatın tauarlarıñız arqılı jetkizu, qarapayım formatta nasihattau qazirgi qoğam üşin öte mañızdı. Añsağannıñ suretteriniñ bärinde elge qızmet etu ideyası jatadı. Kez-kelgen ruhani dünieni wlttıñ müddesine say qılu – Añsağannıñ ruhani wstanımı dep bilemin. Mine bügin Añsağan ärbir adam öz mamandığına say wlttıq müddeni, eldik ruhtı kötere alatının körsetip otır»,-dedi ol.

Qazirşe eldiktiñ ruhı kestelengen bwl jeñil jeydeler zauıtta öndirilip, satılımğa şıqpaptı. Avtorlıq qwqığın qorğap, bazarğa salamın degen käsipkerler şığıp jatsa qarsı bolmaytının aytqan Añsağan bılay dedi:
«Bwl futbolkalardı satpaymın, şığarğan da joqpın. Onday mümkindigim de joq. Meniki tek qolımnan kelgen önerdi osı ataulı merekege arnau. Bwl 55 türli dizayn «Abay» jäne «Wlt» portaldarına qoyılatın boladı. Kez-kelgen kisi solardıñ işinen özine wnağanın jüktep alıp fotosalondardan şığartıp alularına boladı. Käsipkerler köptep şığaruğa niet tanıtsa qarsı emespin. Qayta, avtorlıq qwqığım qorğalğan küyde bazarğa şığıp jatsa quanamın».

Körmeniñ twsaukeserine L.N.Gumilev atındağı Euraziya wlttıq universitetiniñ rektorı Erlan Sıdıqov, «Örleu» BAWO» AQ Direktorlar keñesiniñ törağası Mwrat Äbenov jäne sayasattanuşı Aydos Sarım men Qazaqstan KVN Odağınıñ prezidenti Esen Eleuken qatısıp, lenta qidı. Suretşi Añsağannıñ qolınan şıqqan tuındı basılğan 55 türli jeñil jeydeni kigen jastar fleşmob ötkizdi.

Maygül SWLTAN,

Suretti tüsirgen Ğabit MADALIEV

baq.kz