Mwqağali men Erkin nemese auıldıñ atına kim ie boldı .l,
kerey.kz
Erkin İbitanov -80
Erkin İbitanov audanı nemese Mwqağali men Erkin turalı ballada
Mwqağali men Erkin nemese auıldıñ atına kim ie boldı
Qarasaz, Qarasudıñ jağasında,
Qos aqın sır şertisken jarasuda.
Aladı aldındağı aşı dämnen,
Jır oqıp, äzildeser arasında.
Ör Mwqañ erkeletip Er inisin,
Deydi ol auıldağı “körinisim”.
Menen de sen mıqtısıñ şınımen de,
Twrğam joq aytıp qwrı köñil üşin.
Minez bar jarasatın şın darınğa,
Ataqtı, mansap-taqtı qumadıñ da.
Susasam swlulıqqa seni oqimın,
Swrapıl sezim jatar jırlarıñda.
Aytqanday, alğaşqı wstaz sen emes pe eñ,
Bayağı sät saparıñ, öleñ este.
Maqtapsıñ Älekeñe, Älnwr ağam,
Oñ qabaq tanıtadı mağan äste.
Şöldesem tartıp ketem, Äl ağama,
Qaraydı balasınday mağan ol da.
Senderdiñ senimderiñ qanat berer,
Köp dwşpan “itke” meni balağanda.
Süyeydi Han-Täñirim, qarlı-şıñdar,
Bäriñe deymin iştey alğısım bar.
Emdelem osında kep sırqatımnan,
Kezderde nadandardan jan qısılğan.
Jan wqpas bir ğajayıp küyge enemin,
Jaramnıñ tabamdağı birden emin.
Aspandap Almatıma qayta oralam,
Senderden iilmeudi üyrenemin.
Äjemniñ şälisindey jelbiregen,
Aqşa bwlt qol bwlğaytın sol bir Öleñ,
Qarasu, bozqarağan, Elşenbüyrek,
Janımday meniñ näzik möldirgen.
Qarasaz qasiettim Mekkedeyin,
Sağınış jırın töger ot kömeyim.
Köz jwmsam kölbeñdeydi sağım dalam,
Aspan taudı tüsimde köp köremin.
Sodan da biikterge bettegenim.
Erkin-au, jii tasır qan qısımım,
(Öziñe şın köñilden alğıs inim),
Topıraq özderiñnen bwyırsa eken,
Aytqanday, qayda Äbdike “sarı pwşığım”,
Ardaqta sol ağañdı perişte jan,
Sol meniñ balalığım alıstağan.
Jetimdermiz jetilgen, jılay jürip,
Täñirim-ğoy meni oğan tabıstağan.
Kezder az, qarın toyıp nan wstağan,
Sol şaqtar alıs emes, tanıs sağan.
Jetimdermiz Namıspen jetilgenbiz,
Jibermegen esesin, qalıspağan.
Jetildik, aqın boldıq jwrtqa äygili,
Jamadıq janımızğa “bwlt” qayğını.
Säbi bolğım keledi key sätterde,
Köñilinde bolmaytın qwttay mwñı.
Auzında altı Alaştıñ jür esimim,
Jır jazu ─ öz-öziñmen küresuiñ.
Janğa läzzat, alayda keybireudiñ,
Jaralaydı ösegi, tiresui.
Diyuı Qarasazdıñ, alıp küşiñ,
“Qoyşılar” talanttıñdı tanıttı şın.
Erkin-au, “Aqquım da” arnağam jır,
Sen meniñ jırlarıma qorıqşısıñ
Erkin-au, wmıtpağın osı kündi,
Jasarsıñ qasıña aybat, dosıña ülgi.
Körersiñ men ömirden ötkennen soñ,
Qarasazğa beredi esimimdi.
Amal ne, auıl jalğız, sen de wlısıñ,
Oyımnıñ tüpki astarın sezdi me işiñ.
Qarsılıq tanıtatın oyıñ bar ma,
Sırıñnıñ bilsem deymin endigisin.
Twlparsıñ men sekildi sirä, dara,
Jırıña qol soğamın, quana da.
Auılın Almatığa almastırğan,
Sıylarsıñ Qarasazdı bwl ağaña.
… Erekeñ jaydarlana külimdedi,
Ğajayıp bwl jüzdesu bügin dedi.
Qarasaz ol Sizdiki, tüsinseñiz,
Armanı odan biik iniñdegi.
Quanam nietiñniñ auğanına,
Dau joq, Mwqa, jetesiñ armanıña.
Mwqağali auılı körkeyedi,
İbitanov Erkiniñ audanında…
Serikjan QAJI
kerey.kz
Pikir qaldıru