Qazaqstanda soñğı üş jıl köleminde qızmettik borışın öteu barısında 76 policiya qızmetkeri köz jwmsa, 352 policey jaraqat alğan.

Ökinişke qaray, bizdiñ qoğamda tärtip saqşılarınıñ erligi köp eskerile bermeydi dep jazadı Gonzo.kz. 2012  jılı deputat Baqıtjan Ertaev qızmettik mindetin atqaru kezinde qaza tapqan policeylerdi eske alu künin bekitudi wsınğan.

Osığan oray, nazarlarıñızğa qazaqstandıq policiya qızmetkerleriniñ erligi turalı 7 faktini wsınamız.

1. Ğaziz Baytasov, granata baylağan terroristi öz denesimen jauıp qaldı

2011 jıldıñ 12 qaraşası küni Taraz qalasında orın alğan lañkestik äreketten 7 adam qaza taptı. Policiya kapitanı Ğaziz Baytasov  tört tärtip saqşısı men eki azamatqa oq atqan lañkes Maqsat Qarievti qwrıqtau kezinde qaza taptı. Ol terroristiñ jetinşi qwrbanı bolatın. Jaraqat alğanına qaramay, ol jarılğış zattı iske qosqan lañkesti denesimen jauıp, aynalasındağı adamdardı qwtqarıp qaldı. Qızmettik borışın öteu barısında qaza tapqan Ğaziz Baytasovqa «Halıq Qaharmanı» atağı men «Altın jwldız» jäne «Otan» ordenderi berildi.  2012 jıldıñ 30 qazanı küni kapitan Baytasovtıñ tuğan jeri Bayzaq audanında eskertkiş taqta aşıldı. 2.    Qayrat Jwmabekov, 130 balanıñ ömirin qwtqardı

2008 jıldıñ 30 mamırı küni 130 bala mingen avtobustar tizbegi jol policeyleriniñ baqılauımen Astanada Qarağandığa qaytıp kele jatqan. Policiya serjantı Qayrat Jwmabekov balalar mingen avtobustıñ qarsı bettegi kölikpen soqtığısuına jol bermey, erlikpen qaza taptı.

Qayrat Jwmabekov oqiğa ornında köz jwmsa, onıñ äriptesi Dmitriy Pugaç auır jaraqatpen auruhanağa jetkizildi. Inspektorlardıñ erliginiñ arqasında barlıq balalar aman qalıp, eşbiri jaraqat almağan. Jaqında Qayrat Jwmabekov oqığan mektepte eskertkiş taqta aşıldı jäne policeydiñ tuğan auılında oğan köşe atı berildi.

3. Arğın Quanov, Nwrlan Zäkenov, jol apatınıñ aldın alu üşin özderi soqqını özderine qabıldadı

Bıltır Pavlodar oblısı, Ekibastwz qalasınıñ policeyleri balalar mingen avtobus pen joldıñ qarsı betine ötken jeñip kölik soqtığısuınıñ aldın aldı. «Qızılorda – Pavlodar» tas jolında Toyota Mark II jeñil köliginiñ 27 jastağı jürgizuşisi joldağı kölikterdi basıp ozbaq bolıp, jol erejesin öreskel bwzğan. Sol kezde jeñil kölik pen avtobus soqtığısuınıñ aldın almaq bolğan jol policeyleri Arğın Quanov pen Nwrlan Zäkenov soqqını özderine qabıldap, balalardı aman alıp qaldı.

4. Zayıtjan Ayupov, 5 qabattı üydiñ şatırınan qwlağan säbidi qağıp aldı

2011 jıldıñ 2 qaraşası küni Almatı qalasınıñ patrul'di policeyi 5 qabattı üydiñ şatırınan qwlağan 3 jasar säbidi qağıp aldı. Üydiñ şatırınan sekirip, özine qol jwmsamaq bolğan 35 jastağı äyeldi «Boran-086» patrul'di ekipajınıñ müşeleri oyınan aynıtıp, jergi tüsuge köndirmek boladı. Osı kezde ağa leytenant Serik Japarov pod'ezd arqılı şatırğa köterilmek bolsa, tağı bir ağa leytenant Zayıtjan Ayupov äyeldiñ oqıs äreketke barmauın qadağalap tömende qaladı. Alayda, aşınğan äyeldiñ qolınan 3 jasar bala qwlap tüsip, keyin äyeldiñ öze de sekirip ketedi. Quanışqa qaray, ağa leytenant Ayupov birneşe sekund işinde tömenge qwldilağan säbidi qağıp alıp, ömirin saqtap qaldı.

5. Ruslan Elutaev, bir otbası men qonaq balalardı örtten qwtqardı

Ötken jıldıñ jeltoqsan ayında Taldıqorğan qalalıq İİB policiya inspektorı Ruslan Elutaev twtas bir otbasını balalarımen birge örtengen üyden alıp şıqtı. Ört Köksu audanı mañındağı Balpıq bi auılındağı tört otbası twratın birqabattı üyde bolğan. Üydegi päterlerdiñ birinde 6-7 kişkentay balanıñ qatısuımen merekelik basqosu ötedi. Al sol küni jwmıstan qaytıp kele jatqan policiya qızmetkeri üy mañındağı saraydıñ örtenip, jalınnıñ üydi şarpığanın da bayqağan. Ruslan Elutaev üyge jügirip kirip balalardı, sodan soñ, gaz ballonın sırtqa şığarğan. Dereu äriptesterin kömekke şaqırıp, özge päterler otqa oranbau üşin örtti söndiruge ülken üles qosqan.

6. Arman Smağwlov, şwñqırğa batıp bara jatqan jasöspirimdi aman alıp qaldı

2012 jılı Öskemen qalasındağı Ülbi audandıq policiya bölimşesiniñ qızmetkeri Arman Smağwlov qazanşwñqırğa batıp bara jatqan jasöspirimdi qwtqarıp qaldı. Policiya leytenantı qazanşwñqır mañında oynap jürgen balalardı köredi. Kenet mwz erip, qazanşwñqırğa batpaq lay jinala bastaydı. Al qırdan sırğanap kelgen Jenya esimdi jasöspirim batpaqqa tüsip ketken. Arman Smağwlov dereu kiimderin  şeşip, jasöspirimniñ artınan şwñqırğa sekiredi. Sodan soñ, bar küşin salıp sudan balanı aman alıp şığadı. Därigerler üş kün boyı Jenyanıñ ömiri üşin küresip, üşinşi kün degende batpaqqa batıp kete jazdağan jasöspirim tilge keledi. Bwl Arman Smağwlovtıñ birinşi erligi emes. Äskeri borışın ötep jürgende ol öziniñ äriptesin ölim auzınan aman alıp qalğan.

7.    Ermek Dosmağambetov, eki qızdı zorlıqtan qwtqardı

Eki jıl bwrın policiya kapitanı Ermek Dosmağambetov jwmıstan tıs uaqıtta öz ömirin qauipke tigip, eki qızdı küdiktilerdiñ zorlauınan aman alıp qaladı. Tüngi 2-ler şamasında baqtağı orındıqta demalıp otırğan äpkeli-siñlili eki qızğa jas jigitter tanıspaq bolıp, tiise bastaydı. Al özderimen tanısuğa qızdardıñ nieti joq ekenin bilgende, olar küştep zorlamaq boladı. Sol kezde jwmısınan qaytıp kele jatqan Ermek Dosmağambetov zorlamaq bolğan jigitterden qızdardı araşalap qaladı. Küdiktiler policiya ökiline pışaq jaraqatın salğanımen, köp wzamay qolğa tüsti.

nur.kz